ವಂದೇ ಭಾರತ್ ರೈಲಿನಲ್ಲಿ ಸಂಚರಿಸುವಾಗ ಈ ವ್ಯಕ್ತಿ ಮಾಡಿದ ತಪ್ಪು ಯಾರೂ ಮಾಡಬೇಡಿ!

ಕಲ್ಪ ಮೀಡಿಯಾ ಹೌಸ್  |  ಮುಂಬೈ  |

ವಂದೇ ಭಾರತ್ ರೈಲಿನಲ್ಲಿ #Vandebharat Train ಪ್ರಯಾಣ ಮಾಡುತ್ತಿದ್ದ ವ್ಯಕ್ತಿಯೊಬ್ಬರು ಚಹಾ ಕುಡಿಯಲು ಕೆಳಗೆ ಇಳಿದಿದ ಒಂದು ತಪ್ಪಿನಿಂದ ರೈಲು ಮಿಸ್ ಮಾಡಿಕೊಂಡಿರುವ ಘಟನೆ ನಡೆದಿದೆ.

ಈ ಕುರಿತ ಒಂದು ವೀಡಿಯೋ ವೈರಲ್ ಆಗಿದ್ದು, ಇದು ಎಲ್ಲಿಯದು ಎಂದು ತಿಳಿದುಬಂದಿಲ್ಲ. ಚಹಾ ಕುಡಿಯಲೆಂದು ವಂದೇ ಭಾರತ್ ರೈಲಿನಿಂದ ಇಳಿದ ಪ್ರಯಾಣಿಕರೊಬ್ಬರು ಫಜೀತಿಗೆ ಸಿಲುಕಿಕೊಂಡಿದ್ದಾರೆ.
ಚಹಾ ಕುಡಿಯಲೆಂದು ಇಳಿದಿದ್ದ ಪ್ರಯಾಣಿಕನನ್ನು ಬಿಟ್ಟು ರೈಲು ಹೊರಟೇ ಬಿಟ್ಟಿತ್ತು. ಸಾಮಾನ್ಯ ರೈಲಿನಂತೆ ಬಾಗಿಲುಗಳು ಓಪನ್ ಇಲ್ಲದ ಕಾರಣ ಪ್ಲಾಟ್’ಫಾರಂಗೆ ಓಡಿ ಬಂದರೂ ಬಾಗಿಲು ತೆರೆಯಲೇ ಇಲ್ಲ.

ಚಹಾದೊಂದಿಗೆ ರೈಲಿನ ಬಾಗಿಲ ಬಳಿ ಬಂದು ವ್ಯಕ್ತಿಯೊಬ್ಬ ನಿಂತಿದ್ದಾರೆ. ಆದರೆ ಬಾಗಿಲು ತೆರೆಯಲಿಲ್ಲ. ಆತ ಕಪ್ ನೆಲಕ್ಕೆ ಬೀಳಿಸಿ ವೇಗವಾಗಿ ಕ್ಯಾಬಿನ್ ಕಡೆಗೆ ಓಡಿದ್ದಾರೆ. ಬಾಗಿಲು ಇನ್ನೂ ತೆರೆದಿರಬಹುದು ಅಥವಾ ರೈಲು ನಿರ್ವಾಹಕರು ಅವನನ್ನು ಗಮನಿಸುತ್ತಾರೆ ಎಂದುಕೊಂಡಿದ್ದರು. ಆದರೆ ಕೆಲವೇ ಸೆಕೆಂಡುಗಳಲ್ಲಿ, ರೈಲು ಚಲಿಸಲು ಪ್ರಾರಂಭಿಸಿತು. ಪ್ರಯಾಣಿಕರ ಪ್ಲಾಟ್’ಫಾರಂನಲ್ಲೇ ಉಳಿದರು.

ಸುದ್ಧಿ ಹಾಗೂ ಜಾಹೀರಾತಿಗಾಗಿ ಸಂಪರ್ಕಿಸಿ: Whatsapp: 9008761663, 9481252093 – info@kalpa.news