ಕಲ್ಪ ಮೀಡಿಯಾ ಹೌಸ್ | ಹುಬ್ಬಳ್ಳಿ |
ಹುಬ್ಬಳ್ಳಿ ರೈಲ್ವೆ ವಿಭಾಗದ ಕ್ಯಾಸಲ್ ರಾಕ್–ಲೊಂಡ–ಕ್ಯಾಸಲ್ ರಾಕ್ ಮಾರ್ಗದಲ್ಲಿ ರೈಲು ಮಾರ್ಗ ದ್ವಿಗುಣಗೊಳಿಸುವ (ದ್ವಿಪಥ) ಕಾಮಗಾರಿಯಿಂದಾಗಿ ತಾತ್ಕಾಲಿಕವಾಗಿ ಬದಲಾವಣೆ ಮಾಡಲಾಗಿದ್ದ ರೈಲು ಸೇವೆಗಳು (Railway) ಇದೀಗ ಮತ್ತೆ ಆರಂಭವಾಗಲಿವೆ.
ಮಿರಜ್–ಕ್ಯಾಸಲ್ (Castle) ರಾಕ್–ಮಿರಜ್ ನಡುವೆ ಸಂಚರಿಸುವ ರೈಲು ಸಂಖ್ಯೆ 17333/17334 ಎಕ್ಸ್ಪ್ರೆಸ್ ರೈಲುಗಳ ಲೊಂಡ ಮತ್ತು ಕ್ಯಾಸಲ್ ರಾಕ್ ನಡುವಿನ ಭಾಗಶಃ ರದ್ದತಿ ಆದೇಶವನ್ನು ಹಿಂಪಡೆಯಲಾಗಿದೆ. ಇನ್ನು ಮುಂದೆ ಈ ರೈಲುಗಳು ತಮ್ಮ ಮೂಲ ಮಾರ್ಗದಂತೆ ಕ್ಯಾಸಲ್ ರಾಕ್ ವರೆಗೆ ಸಂಚರಿಸಲಿವೆ.
Also Read>> Railway Board | 5 Goup ‘A’ ಅಧಿಕಾರಿಗಳಿಗೆ ರೈಲ್ವೆ ಕಠಿಣ ಕ್ರಮ | ಕಾರಣವೇನು?
17333 ಮಿರಜ್–ಕ್ಯಾಸಲ್ ರಾಕ್ ಎಕ್ಸ್ಪ್ರೆಸ್ ಸೇವೆ ಪುನರಾರಂಭ
2023ರ ಡಿಸೆಂಬರ್ 12ರಿಂದ 2026ರ ಆಗಸ್ಟ್ 31ರವರೆಗೆ ಲೊಂಡ–ಕ್ಯಾಸಲ್ ರಾಕ್ ನಡುವಿನ ಸಂಚಾರವನ್ನು ಭಾಗಶಃ ರದ್ದುಗೊಳಿಸಲಾಗಿತ್ತು. ಈ ಅವಧಿಯಲ್ಲಿ ರೈಲು ಸಂಖ್ಯೆ 17333 ಮಿರಜ್–ಕ್ಯಾಸಲ್ ರಾಕ್ ಎಕ್ಸ್ಪ್ರೆಸ್ ರೈಲು ಲೊಂಡ ನಿಲ್ದಾಣದಲ್ಲೇ ತನ್ನ ಪ್ರಯಾಣವನ್ನು ಅಂತ್ಯಗೊಳಿಸುತ್ತಿತ್ತು.
ಇದೀಗ 2026ರ ಆಗಸ್ಟ್ 15ರಿಂದ ಆರಂಭವಾಗುವ ಪ್ರಯಾಣದಿಂದ ಈ ಸೇವೆ ಮತ್ತೆ ಕ್ಯಾಸಲ್ ರಾಕ್ ವರೆಗೆ ವಿಸ್ತರಿಸಲಿದೆ. ರೈಲು ಮಿರಜ್ನಿಂದ ಹೊರಟು ಇನ್ನು ಮುಂದೆ ಲೊಂಡ ಬದಲಿಗೆ ನೇರವಾಗಿ ಕ್ಯಾಸಲ್ ರಾಕ್ ತಲುಪಿ ಅಲ್ಲಿಯೇ ತನ್ನ ಪ್ರಯಾಣವನ್ನು ಮುಕ್ತಾಯಗೊಳಿಸಲಿದೆ.
Railway : 17334 ಕ್ಯಾಸಲ್ ರಾಕ್–ಮಿರಜ್ ಎಕ್ಸ್ಪ್ರೆಸ್ ಸೇವೆಯಲ್ಲೂ ಬದಲಾವಣೆ
ಅದೇ ರೀತಿ ರೈಲು ಸಂಖ್ಯೆ 17334 ಕ್ಯಾಸಲ್ ರಾಕ್–ಮಿರಜ್ ಎಕ್ಸ್ಪ್ರೆಸ್ ಸೇವೆಯಲ್ಲಿಯೂ ಬದಲಾವಣೆ ಮಾಡಲಾಗಿದೆ.
ಕಾಮಗಾರಿ ಹಿನ್ನೆಲೆಯಲ್ಲಿ 2023ರ ಡಿಸೆಂಬರ್ 12ರಿಂದ 2026ರ ಆಗಸ್ಟ್ 31ರವರೆಗೆ ಕ್ಯಾಸಲ್ ರಾಕ್–ಲೊಂಡ ನಡುವಿನ ಸಂಚಾರವನ್ನು ಭಾಗಶಃ ಸ್ಥಗಿತಗೊಳಿಸಲಾಗಿತ್ತು. ಈ ವೇಳೆ ರೈಲು ಕ್ಯಾಸಲ್ ರಾಕ್ ಬದಲಿಗೆ ಲೊಂಡದಿಂದ ತನ್ನ ಪ್ರಯಾಣ ಆರಂಭಿಸುತ್ತಿತ್ತು.
ಇದೀಗ 2026ರ ಆಗಸ್ಟ್ 15ರಿಂದ ಆರಂಭವಾಗುವ ಪ್ರಯಾಣದಿಂದ ರೈಲು ಮತ್ತೆ ತನ್ನ ಮೂಲ ನಿಲ್ದಾಣವಾದ ಕ್ಯಾಸಲ್ ರಾಕ್ನಿಂದಲೇ ಮಿರಜ್ ಕಡೆಗೆ ಸಂಚರಿಸಲಿದೆ.
ರೈಲು ಮಾರ್ಗ ದ್ವಿಗುಣಗೊಳಿಸುವ ಕಾಮಗಾರಿಯ ಹಿನ್ನೆಲೆಯಲ್ಲಿ ಕೈಗೊಳ್ಳಲಾಗಿದ್ದ ತಾತ್ಕಾಲಿಕ ಬದಲಾವಣೆಗಳನ್ನು ಹಿಂಪಡೆಯಲಾಗಿದ್ದು, ಪ್ರಯಾಣಿಕರಿಗೆ ಕ್ಯಾಸಲ್ ರಾಕ್–ಲೊಂಡ ನಡುವಿನ ರೈಲು ಸಂಪರ್ಕ ಸೌಲಭ್ಯ ಹಿಂದಿನಂತೆ ಲಭ್ಯವಾಗಲಿದೆ.
ಸುದ್ಧಿ ಹಾಗೂ ಜಾಹೀರಾತಿಗಾಗಿ ಸಂಪರ್ಕಿಸಿ: Whatsapp: 9008761663, 9481252093 – info@kalpa.news
