ಕಲ್ಪ ಮೀಡಿಯಾ ಹೌಸ್ | ಹೈದರಾಬಾದ್ |
ತಮ್ಮ ಮಗ ಸಾವನ್ನಪ್ಪಿರುವುದು ತಿಳಿಯದೇ ವೃದ್ಧ ಅಂಧ ದಂಪತಿ #Elderly blind couple with son dead body ನಾಲ್ಕು ದಿನಗಳ ಕಾಲ ಮಗನ ಶವದೊಂದಿಗೆ ಕಾಲ ಕಳೆದಿರುವ ಹೃದಯ ವಿದ್ರಾವಕ ಘಟನೆ ಹೈದರಾಬಾದ್’ನಲ್ಲಿ ನಡೆದಿದೆ.
ಘಟನೆ ತಡವಾಗಿ ಬೆಳಕಿಗೆ ಬಂದಿದ್ದು, ವೃದ್ಧ ಅಂಧ ದಂಪತಿಯ ಪುತ್ರ ಶೋಕ ಮುಗಿಲುಮುಟ್ಟಿದೆ.
ಮಗ ಪ್ರತಿ ದಿನ ತನ್ನ ತಾಯಿ ತಂದೆಗೆ ಆಹಾರ ನೀಡಿ ನೋಡಿಕೊಳ್ಳುತ್ತಿದ್ದ. ಆದರೆ, ರಾತ್ರಿ ಮಲಗಿದ್ದ ಮಗ ಮಲಗಿದ್ದಲ್ಲೇ ಸಾವನ್ನಪ್ಪಿದ್ದ. ಅಂಧ ತಂದೆ-ತಾಯಿಗೆ ಮಗ ಮೃತಪಟ್ಟಿರುವ ವಿಚಾರ ತಿಳಿದಿರಲಿಲ್ಲ ಎಂದು ವರದಿಯಾಗಿದೆ.
Also read: ದರ್ಶನ್’ಗೆ ಜಾಮೀನು | ವಿಜಯಲಕ್ಷ್ಮಿ ಕೈಹಿಡಿದಿದ್ದು ಈ ದೇವಿ | ಯಾವ ದೇವಸ್ಥಾನ
ಮಗ ಸಾವನ್ನಪ್ಪಿರುವುದು ತಿಳಿಯದೇ ಆತನನ್ನು ಕೂಗಿದರೂ ಮಗ ಅಂದು ಬರಲಿಲ್ಲ. ಆತ ಕೆಲಸಕ್ಕೆ ಹೋಗಿರಬಹುದು ಎಂದು ಮೊದಲನೇ ದಿನ ತಿಳಿದುಕೊಂಡಿದ್ದರು. ಹಸಿವಾದಾಗ ಮಗನನ್ನು ಹುಡುಕಾಡಿದ್ದಾರೆ. ಆದರೆ ಮಗನ ಸುಳಿವು ಇರಲಿಲ್ಲ. ತೀವ್ರ ಹಸಿವಿನಿಂದ ತಂದೆ-ತಾಯಿ ಮಗನನ್ನು ಹುಡುಕಾಡಿದ್ದಾರೆ. ಮಗ ಮಲಗಿರುವ ಜಾಗಕ್ಕೆ ಬಂದಾಗ ಮಗನ ದೇಹ ಸಿಕ್ಕಿದೆ. ಆದರೆ ಮಗ ಮಾತನಾಡಲಿಲ್ಲ. ಅಷ್ಟರಲ್ಲಿ, ತಂದೆ ತಾಯಿ ನಿಶ್ಶಕ್ತಿಯಿಂದ ಮಗನ ಮೃತದೇಹದ ಬಳಿಯೇ ಕುಸಿದುಬಿದ್ದಿದ್ದಾರೆ.
ಘಟನೆ ನಡೆದು ನಾಲ್ಕು ದಿನದ ಬಳಿಕ ಸ್ಥಳೀಯರಿಗೆ ಮೃತದೇಹ ವಾಸನೆ ಬರಲು ಆರಂಭಿಸಿದೆ. ಅವರು ಪೊಲೀಸರಿಗೆ ಮಾಹಿತಿ ನೀಡಿದ್ದಾರೆ. ಸ್ಥಳಕ್ಕೆ ಆಗಮಿಸಿದ ಪೊಲೀಸರೇ ಘಟನೆಯ ದೃಶ್ಯ ಕಂಡು ಮರುಗಿದ್ದಾರೆ.
ಈ ದಂಪತಿಗೆ ಕಿರಿಯ ಮಗ ಕೂಡ ಇದ್ದಾನೆ. ಆತ ಕೂಲಿ ಕೆಲಸಕ್ಕೆಂದು ಹೈದರಬಾದ್’ನಿಂದ ದೂರದಲ್ಲಿ ನೆಲೆಸಿದ್ದ. ಕೆಲವು ದಿನಗಳಿಂದ ಆತ ಮನೆಗೆ ಬಂದಿರಲಿಲ್ಲ. ಹೀಗಾಗಿ ಘಟನೆ ಬೆಳಕಿಗೆ ಬಂದಿರಲಿಲ್ಲ.
ಕಿರಿಯ ಮಗ ಕೊನೆಗೂ ತನ್ನ ಸಹೋದರ ಅಂತ್ಯಸಂಸ್ಕಾರವನ್ನು ನೆರೆವೇರಿಸಿದ್ದಾನೆ.
ಸುದ್ಧಿ ಹಾಗೂ ಜಾಹೀರಾತಿಗಾಗಿ ಸಂಪರ್ಕಿಸಿ: Whatsapp: 9008761663, 9481252093 – info@kalpa.news
