ಕಲ್ಪ ಮೀಡಿಯಾ ಹೌಸ್ | ಹಂಪಿ |
ಕಿರ್ಲೋಸ್ಕರ್ #Kirloskar ವಸುಂಧರಾ ಅಂತಾರಾಷ್ಟ್ರೀಯ ಚಲನಚಿತ್ರೋತ್ಸವದ ಅಂಗವಾಗಿ ಇಂದು ಬೆಳಗ್ಗೆ 6 ಗಂಟೆಯಿಂದ ಆಯೋಜಿಸಲಾಗಿದ್ದ ಹಂಪಿ ಹೆರಿಟೇಜ್ ವಾಕ್ #HampiHeritageWalk ಯಶಸ್ವಿಯಾಯಿತು.
ಹಂಪಿ ಎದುರು ಬಸವ ಆವರಣದಿಂದ 5 ಕಿಮೀ ಮತ್ತು 12 ಕಿಮೀ ಮಾರ್ಗದಲ್ಲಿ ಹೆರಿಟೇಜ್ ವಾಕ್ ಆಯೋಜಿಸಲಾಗಿತ್ತು.
ಕಿರ್ಲೋಸ್ಕರ್ ವಸುಂಧರಾ ಅಂತಾರಾಷ್ಟ್ರೀಯ ಚಲನಚಿತ್ರೋತ್ಸವ ಸಮಿತಿಯ ಸದಸ್ಯರು, ಹಂಪಿ ರಂಜು ಕಲಾ ಮತ್ತು ಯೋಗ ಸಮಿತಿ ಸದಸ್ಯರು, ಹೊಸಪೇಟೆ ಇನ್ನರ್ ವೀಲ್ ಸದಸ್ಯರು ಮತ್ತು ಕಿರ್ಲೋಸ್ಕರ್ ಫೆರಸ್ ಇಂಡಸ್ಟ್ರೀಸ್ ಲಿಮಿಟೆಡ್ ಉದ್ಯೋಗಿಗಳು, ಲೇಡೀಸ್ ಕ್ಲಬ್ ಸದಸ್ಯರು ಸುಮಾರು 150 ಕ್ಕೂ ಹೆಚ್ಚು ಸದಸ್ಯರಿಂದ ಹಂಪಿ ಹೆರಿಟೇಜ್ ವಾಕ್ ಯಶಸ್ವಿಯಾಗಿ ನೆರವೇರಿತು. ಸಮಿತಿ ಸದಸ್ಯರು ಮಾರ್ಗ ಮಧ್ಯದಲ್ಲಿ ನೀರಿನ ವ್ಯವಸ್ಥೆ ಮಾಡಿದ್ದರು.
ಹೆರಿಟೇಜ್ ವಾಕ್ 12 ಕಿಮೀ ದೂರದ ನೆಡಿಗೆಯನ್ನು ಸುಮಾರು 60 ಸದಸ್ಯರು ಪೂರ್ಣಗೂಳಿಸಿ ಪ್ರಶಸ್ತಿ ಪಡೆದರು. ಅದರಂತೆ 5 ಕಿಮೀ ದೂರದ ನೆಡಿಗೆಯನ್ನು ಉಳಿದ ಎಲ್ಲಾ ಸದಸ್ಯರು ಯಶಸ್ವಿಯಾಗಿ ಮುಗಿಸಿದರು.
ಹೆರಿಟೇಜ್ ವಾಕ್ ನಲ್ಲಿ ಭಾಗವಹಿಸಿದ ಎಲ್ಲರಿಗೂ ಕಿರ್ಲೋಸ್ಕರ್ ಫೆರಸ್ ಇಂಡಸ್ಟ್ರೀಸ್ ಲಿಮಿಟೆಡ್ ವ್ಯವಸ್ಥಾಪಕ ನಿರ್ದೇಶಕರಾದ ಆರ್.ವಿ. ಗುಮಾಸ್ತೆ ಮತ್ತು ಕಮಲಾ ಗುಮಾಸ್ತೆಯವರು ಪ್ರಶಸ್ತಿ ಪತ್ರ ನೀಡಿದರು.
ಕೊನೆಯಲ್ಲಿ ಕಿರ್ಲೋಸ್ಕರ್ ಎಂಡಿಯವರು ಎಲ್ಲರನ್ನೂ ಅಭಿನಂದಿಸಿದರು. ಭಾಗವಹಿಸಿದ ಎಲ್ಲರಿಗೂ ಉಪಹಾರದ ವ್ಯವಸ್ಥೆ ಮಾಡಲಾಗಿತ್ತು.
ಪರಿಸರಕ್ಕೆ ಒಂದು ಸಲಾಂ ಹಾಗೂ ಪ್ರಾಣಿಗಳಿಗೂ ಒಂದು ಸಲಾಂ ಎಂಬAತೆ ಇಂದು ಆಯೋಜಿಸಿದ ಹಂಪಿ ಹೆರಿಟೇಜ್ ವಾಕ್ ನಲ್ಲಿ ಸದಸ್ಯರ ಜೊತೆಯಲ್ಲಿ ಒಂದು ನಾಯಿಯು ಕಮಲಾಪುರದ ತನಕ ಜೊತೆ ಜೊತೆಗೆ ವಾಕ್ ಮಾಡಿದ್ದು ಸುಮಾರು 4 ಕಿಲೋ ಮೀಟರ್ ವಾಕ್ ಮಾಡಿ ಪರಿಸರ ಪ್ರೇಮವನ್ನು ಹೆಚ್ಚಿಸಿತು.
ಬನ್ನಿ ಭಾಗವಹಿಸಿ ಪರಿಸರ ಉಳಿವಿಗಾಗಿ ನಿಮ್ಮನ್ನು ನೀವು ತೊಡಗಿಸಿಕೊಳ್ಳಿ ಎಂಬ ಘೋಷಣೆಯೊಂದಿಗೆ ಹೆರಿಟೇಜ್ ವಾಕ್ ಮುಕ್ತಾಯವಾಯಿತು.
(ವರದಿ: ಮುರುಳೀಧರ್ ನಾಡಿಗೇರ್)
ಸುದ್ಧಿ ಹಾಗೂ ಜಾಹೀರಾತಿಗಾಗಿ ಸಂಪರ್ಕಿಸಿ: Whatsapp: 9008761663, 9481252093 – info@kalpa.news
