ಶಿಕಾರಿಪುರ | ಶಿಕ್ಷಕರ ಸಾಮರ್ಥ್ಯ ವೃದ್ಧಿಗೆ ‘ಸಾಮರ್ಥ್ಯ ನಿರ್ಮಾಣ ಕಾರ್ಯಾಗಾರ’

ಕಲ್ಪ ಮೀಡಿಯಾ ಹೌಸ್  |  ಶಿಕಾರಿಪುರ (ಶಿವಮೊಗ್ಗ)  | 

ಶಿಕ್ಷಕ (Teacher) ವೃತ್ತಿ ಒಂದು ವರದಾನವಾಗಿದ್ದು, ಅದರ ಸಾಮರ್ಥ್ಯವನ್ನು ಅರಿಯುವ ಗುರು ಹಾಗೂ ಸಾಧನೆಯ ಹಂಬಲ ಹೊಂದಿರುವ ಶಿಷ್ಯನ ಮೇಲೆ ಶಿಕ್ಷಣದ ಯಶಸ್ಸು ಅವಲಂಬಿತವಾಗಿದೆ. ಆಧುನಿಕ ತಾಂತ್ರಿಕ ವ್ಯವಸ್ಥೆಯಲ್ಲಿ ಕಲಿಕೆಯ ಕೌಶಲ್ಯಗಳು ಅತ್ಯಗತ್ಯವಾಗಿದ್ದು, ಶಿಕ್ಷಕರು ಪ್ರತಿದಿನ ಎದುರಿಸುವ ವಿವಿಧ ಕಲಿಕಾ ಸಮಸ್ಯೆಗಳಿಗೆ ಪರಿಹಾರ ಕಂಡುಕೊಳ್ಳಲು ಹಾಗೂ ಪರಿಣಾಮಕಾರಿ ಬೋಧನಾ ಶೈಲಿಗಳನ್ನು ಅಳವಡಿಸಿಕೊಳ್ಳಲು ಶೈಕ್ಷಣಿಕ ಕಾರ್ಯಾಗಾರಗಳು ಸಹಕಾರಿಯಾಗುತ್ತವೆ ಎಂದು ಶಿಕಾರಿಪುರ (Shikaripura) ಕುಮದ್ವತಿ ಶಿಕ್ಷಣ ಮಹಾವಿದ್ಯಾಲಯದ ಪ್ರಾಚಾರ್ಯ ಹಾಗೂ ಆಡಳಿತ ಮಂಡಳಿ ಪ್ರತಿನಿಧಿ ಡಾ. ಶಿವಕುಮಾರ್ ಜಿ.ಎಸ್. ಹೇಳಿದರು.

ಸ್ವಾಮಿ ವಿವೇಕಾನಂದ ಸಂಸ್ಥೆಯ ಆಶ್ರಯದಲ್ಲಿ ಕುಮದ್ವತಿ ಕೇಂದ್ರೀಯ ವಸತಿ ಶಾಲೆ, ಶಿಕಾರಿಪುರ ಹಾಗೂ ಪಿ.ಇ.ಎಸ್. ಪಬ್ಲಿಕ್ ಸ್ಕೂಲ್, ಶಿವಮೊಗ್ಗ ಇವರ ಸಹಯೋಗದಲ್ಲಿ ಆಯೋಜಿಸಿದ್ದ ‘ಸಾಮರ್ಥ್ಯ ನಿರ್ಮಾಣ ಕಾರ್ಯಾಗಾರ’ವನ್ನು ಉದ್ಘಾಟಿಸಿ ಅವರು ಮಾತನಾಡಿದರು.

ಹೊಸ ಕಲಿಕಾ ಕ್ರಮಗಳ ಅರಿವು ಅಗತ್ಯ

ಶಿಕ್ಷಕರು ಪ್ರತಿದಿನ ವಿವಿಧ ರೀತಿಯ ಕಲಿಕಾ ಸಮಸ್ಯೆಗಳನ್ನು ಎದುರಿಸುತ್ತಿದ್ದು, ಅವುಗಳಿಗೆ ಪರಿಣಾಮಕಾರಿ ಪರಿಹಾರ ಕಂಡುಕೊಳ್ಳಲು ಹೊಸ ಬೋಧನಾ ಹಾಗೂ ಕಲಿಕಾ ಕ್ರಮಗಳ ಕುರಿತು ನಿರಂತರವಾಗಿ ತಿಳಿದುಕೊಳ್ಳಬೇಕು. ಬದಲಾಗುತ್ತಿರುವ ತಂತ್ರಜ್ಞಾನ ಮತ್ತು ಶಿಕ್ಷಣ ವ್ಯವಸ್ಥೆಗೆ ಅನುಗುಣವಾಗಿ ಶಿಕ್ಷಕರು ತಮ್ಮ ಜ್ಞಾನ ಹಾಗೂ ಕೌಶಲ್ಯಗಳನ್ನು ವೃದ್ಧಿಸಿಕೊಳ್ಳಬೇಕು. ಈ ನಿಟ್ಟಿನಲ್ಲಿ ಕಾರ್ಯಾಗಾರಗಳು ಶಿಕ್ಷಕರ ಸಾಮರ್ಥ್ಯ ನಿರ್ಮಾಣಕ್ಕೆ ಪ್ರಮುಖ ವೇದಿಕೆಯಾಗಿವೆ ಎಂದು ಡಾ. ಶಿವಕುಮಾರ್ ಜಿ.ಎಸ್. ತಿಳಿಸಿದರು.

Also Read>> ಚಾಮರಾಜನಗರ | ಐಎನ್‌ಎ ಸ್ಥಾಪನಾ ದಿನಾಚರಣೆ; ದೇಶಪ್ರೇಮ ಸಾರಿದ ಜೈಹಿಂದ್ ಪ್ರತಿಷ್ಠಾನ

ಕಾರ್ಯಕ್ರಮದ ಪ್ರಾಸ್ತಾವಿಕ ನುಡಿಗಳನ್ನಾಡಿದ ಶಾಲೆಯ ಪ್ರಾಚಾರ್ಯ ಪ್ರಶಾಂತ್ ಎಚ್.ಡಿ., ಇಂದಿನ ಶಿಕ್ಷಣ ವ್ಯವಸ್ಥೆ ತಂತ್ರಜ್ಞಾನವನ್ನು ಆಧರಿಸಿಕೊಂಡು ವೇಗವಾಗಿ ಬದಲಾಗುತ್ತಿದೆ. ಪ್ರತಿದಿನ ಹೊಸ ಹೊಸ ಬೋಧನಾ ವಿಧಾನಗಳನ್ನು ಅಳವಡಿಸಿಕೊಳ್ಳುವ ಮೂಲಕ ಶಿಕ್ಷಕರು ತಮ್ಮ ಬೋಧನಾ ಸಾಮರ್ಥ್ಯವನ್ನು ಹೆಚ್ಚಿಸಿಕೊಳ್ಳಬೇಕು. ಉತ್ತಮ ಶಿಕ್ಷಕರಾಗಿ ರೂಪುಗೊಳ್ಳಲು ಇಂತಹ ಕಾರ್ಯಾಗಾರಗಳು ಅಗತ್ಯವಾಗಿವೆ ಎಂದು ಹೇಳಿದರು.

Shikaripura: ವಿವಿಧ ಶಾಲೆಗಳ ಶಿಕ್ಷಕರ ಭಾಗಿ

ಕಾರ್ಯಾಗಾರದಲ್ಲಿ ಪಿ.ಇ.ಎಸ್. ಉಪಪ್ರಾಚಾರ್ಯ ಶಂಕರಣ್ಣ, ಸಂಪನ್ಮೂಲ ವ್ಯಕ್ತಿಗಳಾದ ಡಾ. ಸರೋಜ ಶಿಲೋನ್ ಹಾಗೂ ಮೇರಿ ಜೀಬಿ ಸಿ.ಕೆ., ಕೆಆರ್‌ಸಿಎಸ್ ಕೋ-ಆರ್ಡಿನೇಟರ್ ಪ್ರಭು, ಪಿ.ಇ.ಎಸ್. ಶಾಲೆಯ ಕೋ-ಆರ್ಡಿನೇಟರ್‌ಗಳಾದ ಮಂಜುಳಾ ವಿ. ಹಾಗೂ ರೋಜಿ ಸಿಕ್ವೆರಾ ಉಪಸ್ಥಿತರಿದ್ದರು.

ಕಾರ್ಯಾಗಾರದಲ್ಲಿ ಫೇಸ್ ಶಾಲೆ, ಶಿವಮೊಗ್ಗ; ಶ್ರೀ ನಿತನ್ ಶಾಲೆ, ಶಿರಸಿ; ಪಿ.ಇ.ಎಸ್. ಪಬ್ಲಿಕ್ ಸ್ಕೂಲ್, ಶಿವಮೊಗ್ಗ; ಕೆಆರ್‌ಸಿಎಸ್, ಶಿಕಾರಿಪುರದ ಶಿಕ್ಷಕರು ಹಾಗೂ ಕೆಆರ್‌ಸಿಎಸ್‌ನ ವಿವಿಧ ವಿಭಾಗಗಳ ಕೋ-ಆರ್ಡಿನೇಟರ್‌ಗಳು ಭಾಗವಹಿಸಿದ್ದರು.

ಸಂಗೀತ ಶಿಕ್ಷಕಿಯರಾದ ಸವಿತಾ ಹಾಗೂ ಸುನೀತಾ ಪ್ರಾರ್ಥನೆ ಹಾಡುವ ಮೂಲಕ ಕಾರ್ಯಕ್ರಮಕ್ಕೆ ಚಾಲನೆ ನೀಡಿದರು. ಸಹಶಿಕ್ಷಕಿ ಕಾವ್ಯ ಎಚ್.ಎಸ್. ವಂದಿಸಿದರು. ಕೋ-ಆರ್ಡಿನೇಟರ್ ಕಾವ್ಯ ಎಚ್.ವಿ. ಕಾರ್ಯಕ್ರಮ ನಿರೂಪಿಸಿದರು.

ಸುದ್ಧಿ ಹಾಗೂ ಜಾಹೀರಾತಿಗಾಗಿ ಸಂಪರ್ಕಿಸಿ: Whatsapp: 9008761663, 9481252093 – info@kalpa.news