ಐದು ತಿಂಗಳಲ್ಲಿ ಎರಡು ದುರಂತ: ಹಲವು ರಾಷ್ಟ್ರಗಳಲ್ಲಿ ಬೋಯಿಂಗ್ ಮ್ಯಾಕ್ಸ್‌ ವಿಮಾನ ನಿಷೇಧ

ಲಂಡನ್: ಕೇವಲ ಐದು ತಿಂಗಳ ಅವಧಿಯಲ್ಲೇ ಎರಡು ಬಾರಿ ಭೀಕರ ಅಪಘಾತಕ್ಕೀಡಾಗಿ ಸುಮಾರು 300ಕ್ಕೂ ಅಧಿಕ ಪ್ರಯಾಣಿಕರು ಸಾವನ್ನಪ್ಪಿರುವ ಹಿನ್ನೆಲೆಯಲ್ಲಿ ಹಲವು ರಾಷ್ಟ್ರಗಳು ಬೋಯಿಂಗ್ 737 ಮ್ಯಾಕ್ಸ್‌ ವಿಮಾನಗಳನ್ನು ನಿಷೇಧಿಸಿವೆ.

ವಿಶ್ವದಾದ್ಯಂತ ಈ ವಿಮಾನಗಳ ನಿಷೇಧದ ಬೆನ್ನಲ್ಲೇ ಭಾರತದಲ್ಲೂ ಸ್ಪೈಸ್ ಜೆಟ್ ವಿಮಾನ ಸಂಸ್ಥೆ ತನ್ನ ಪ್ರಯಾಣಿಕರ ಭದ್ರತೆ ದೃಷ್ಠಿಯಿಂದ ಬೋಯಿಂಗ್ 737 ಮ್ಯಾಕ್ಸ್‌ ವಿಮಾನಗಳ ಹಾರಾಟವನ್ನು ಅಮಾನತುಗೊಳಿಸಿದ್ದು, ನಮಗೆ ಪ್ರಯಾಣಿಕರ ಸುರಕ್ಷತೆಯೇ ಮುಖ್ಯ ಎಂದು ಹೇಳಿಕೆ ನೀಡಿದೆ.

SpiceJet: flyspicejet has suspended Boeing 737 Max operations following DGCA's decision to ground the aircraft. Safety and security of our passengers, crew and operations are of utmost importance to us. pic.twitter.com/XSFO5b8fDp

— ANI (@ANI) March 13, 2019

ಇನ್ನು, ಎರಡು ಭೀಕರ ಘಟನೆಯಿಂದ ಹೆದರಿರುವ ಬ್ರಿಟನ್, ಜರ್ಮನಿ, ಫ್ರಾನ್ಸ್‌, ಸಿಂಗಾಪುರ, ಆಸ್ಟ್ರೇಲಿಯಾ, ಮಲೇಷ್ಯಾ, ಚೀನಾ ಮತ್ತು ಒಮನ್ ರಾಷ್ಟ್ರಗಳಿಗೆ ಎಲ್ಲ 737 ಮ್ಯಾಕ್ಸ್‌ ವಿಮಾನಗಳನ್ನು ನಿಷೇಧಿಸಿವೆ.

ಅಮೆರಿಕಾದ ನಿಯಂತ್ರಕರು ಬೋಯಿಂಗ್ ಮಾದರಿಗೆ ತುರ್ತು ಸುಧಾರಣೆ ಮಾಡಲು ಆದೇಶ ನೀಡಿದ್ದು, ಸುರಕ್ಷತೆಗೆ ಸಂಬಂಧಿಸಿದ ಸಮಸ್ಯೆಗಳನ್ನು ಪತ್ತೆ ಹಚ್ಚಿ ಕ್ರಮ ಕೈಗೊಳ್ಳುವಂತೆ ಸೂಚಿಸಿದ್ದಾರೆ. ಯಾವುದೇ ರೀತಿಯ ಸಮಸ್ಯೆಯಿದ್ದರೂ ಸರಿಪಡಿಸುತ್ತೇವೆ. ಧೈರ್ಯ ಕಳೆದುಕೊಳ್ಳುವುದು ಬೇಡ ಎಂದು ಹೇಳಿದ್ದರೂ, ಯಾವುದೇ ರಾಷ್ಟ್ರಗಳು ಇದನ್ನು ಪರಿಗಣಿಸಿಲ್ಲ.

ಕಳೆದ ಭಾನುವಾರ ಹೊಸ ಇಥಿಯೋಪಿಯನ್ ಏರ್ ಲೈನ್ಸ್‌ 737 ಮ್ಯಾಕ್ಸ್‌ ವಿಮಾನ ಅಪಘಾತಗೊಂಡು ಎಲ್ಲಾ 157 ಪ್ರಯಾಣಿಕರು ಮೃತಪಟ್ಟಿದ್ದರು. ಕಳೆದ ಅಕ್ಟೋಬರ್ ತಿಂಗಳಲ್ಲಿ ಇಂಡೋನೇಷ್ಯಾದಲ್ಲಿ ಇದೇ ಮಾದರಿಯ ವಿಮಾನ ಅಪಘಾತಗೊಂಡು 189 ಜನರು ಸಾವನ್ನಪ್ಪಿದ್ದರು. ಇದರ ಬೆನ್ನಲ್ಲೇ ಹಲವು ರಾಷ್ಟ್ರಗಳು ಈ ವಿಮಾನ ಹಾರಾಟವನ್ನು ನಿಷೇಧಿಸಿವೆ.