ಕೊರೋನಾದಿಂದ ಕಂಗೆಟ್ಟ ಜನಕ್ಕೆ ಆರ್’ಬಿಐ ಬಿಗ್ ಲಿರೀಫ್: ಎಲ್ಲ ರೀತಿಯ ಸಾಲದ ಇಎಂಐ ಮುಂದೂಡಿಕೆ, ಬಡ್ಡಿ ದರ ಕಡಿತ

ಕಲ್ಪ ನ್ಯೂಸ್ ಡಿಜಿಟಲ್ ಮೀಡಿಯಾ

ಮುಂಬೈ: ಕೊರೋನಾ ವೈರಸ್ ಹಾಗೂ ಕರ್ಫ್ಯೂನಿಂದ ಕಂಗೆಟ್ಟಿರುವ ದೇಶದ ಜನರಿಗೆ ಭಾರತೀಯ ರಿಸರ್ವ್ ಬ್ಯಾಂಕ್ ಬಿಗ್ ರಿಲೀಫ್ ನೀಡಿದ್ದು, ಎಲ್ಲ ರೀತಿಯ ಸಾಲಗಳ ಮಾಸಿಕ ಕಂತು(ಇಎಂಐ) ಪಾವತಿಯನ್ನು ಮೂರು ತಿಂಗಳ ಮಟ್ಟಿಗೆ ಮುಂದೂಡಿದೆ.

ಸುದ್ದಿಗೋಷ್ಠಿಯಲ್ಲಿಂದು ಮಾತನಾಡಿದ ಆರ್’ಬಿಐ ಗವರ್ನರ್ ಶಕ್ತಿಕಾಂತ್ ದಾಸ್, ಬ್ಯಾಂಕ್ ಸಾಲಗಳ ಮೇಲಿನ ಬಡ್ಡಿ ದರವನ್ನು ಕಡಿಮೆ ಮಾಡಿದ್ದೇವೆ. ರೆಪೋದರ 5.1 ರಿಂದ 4.4 ಗೆ ಇಳಿಕೆ ಮಾಡಿದ್ದು, ಪ್ರಸ್ತುತ ಆರ್ಥಿಕ ಸ್ಥಿತಿಯನ್ನು ಅವಲೋಕಿಸಿದ್ದೇವೆ. ಹೀಗಾಗಿ ನಾವು ಹಲವು ನಿರ್ಣಯಗಳನ್ನು ಕೈಗೊಂಡಿದ್ದೇವೆ ಎಂದಿದ್ದಾರೆ.

ಇನ್ನು ಬ್ಯಾಂಕ್’ಗಳಿಂದ ಎಲ್ಲ ರೀತಿಯ ಸಾಲ ಪಡೆದವರಿಗೂ ಸಹ ಬಿಗ್ ರಿಲೀಫ್ ನೀಡಲಾಗಿದ್ದು, ಸಾಲದ ಕಂತು ಅಂದರೆ ಇಎಂಐ ಪಾವತಿ ಮಾಡುವ ಅವಧಿಯನ್ನು ಮೂರು ತಿಂಗಳ ಕಾಲ ಮುಂದೂಡಲಾಗಿದ್ದು, ಈ ಮೂರು ತಿಂಗಳ ಅವಧಿಯಲ್ಲಿ ಕಂತು ಪಾವತಿಸಬೇಕಿಲ್ಲ. ಆದರೆ, ಮೂರು ತಿಂಗಳು ಕಳೆದ ನಂತರ ಸಂಪೂರ್ಣವಾಗಿ ಪಾವತಿಸಬೇಕಿದೆ.

ವೈಯಕ್ತಿಕ ಸಾಲ, ಗೃಹ ಸಾಲ, ಕೃಷಿ ಸಾಲ, ವಾಹನ ಸೇರಿದಂತೆ ಎಲ್ಲಾ ಸಾಲಗಳ ಇಎಂಐ ಜೂನ್ ತಿಂಗಳವರೆಗೆ ಮುಂದೂಡಲಾಗಿದ್ದು, ಇದು ರಾಷ್ಟ್ರೀಕೃತ, ಸಹಕಾರಿ, ಎನ್’ಬಿಎಫ್’ಸಿ, ಗ್ರಾಮೀಣ ಬ್ಯಾಂಕ್ ಸೇರಿದಂತೆ ಎಲ್ಲಾ ಬ್ಯಾಂಕುಗಳಿಗೂ ಅನ್ವಯವಾಗಲಿದೆ.

Get in Touch With Us info@kalpa.news Whatsapp: 9481252093