ನಂಬುವುದೇ ತಪ್ಪಾ ಅಥವಾ ನಂಬಿಕೆನೇ ತಪ್ಪಾ?

ಕಲ್ಪ ನ್ಯೂಸ್ ಡಿಜಿಟಲ್ ಮೀಡಿಯಾ

ಜೀವನದಲ್ಲಿ ಪ್ರೀತಿ ಮತ್ತು ನಂಬಿಕೆ ಯಾವತ್ತೂ ಕಳೆದುಕೊಳ್ಳಬೇಡಿ. ಏಕೆಂದರೆ ಪ್ರೀತಿ ಎಲ್ಲರ ಮೇಲು ಹುಟ್ಟುವುದಿಲ್ಲ. ಅದೇ ರೀತಿ ನಂಬಿಕೆನೂ ಎಲ್ಲರ ಮೇಲು ಬರೋದಿಲ್ಲ! ಇಷ್ಟ ಇಲ್ಲದವರ ಪ್ರೀತಿ ಬೊಗಸೆಯಲ್ಲಿ ಹಿಡಿದ ನೀರಿನಂತೆ ನಾವು ಎಷ್ಟೇ ಜೋಪಾನವಾಗಿ ಹಿಡಿದರು ಅದು ಜಾರಿ ಹೋಗುತ್ತೆ!

ಮನುಷ್ಯನ ಮನಸ್ಸು ಎಷ್ಟು ವಿಚಿತ್ರ ಅಲ್ವಾ.. ಅಂದು ನೀವು ಪ್ರೇಮದ ವಿಚಾರವನ್ನು ನನ್ನಲ್ಲಿ ನಿವೇದಿಸಿಕೊಂಡ್ರಿ, ಆಗ ನಿರ್ಧಾರ ತೆಗೆದುಕೊಳ್ಳುವ ಆಲೋಚನೆಯಲ್ಲಿ ನಾನು ಇರಲಿಲ್ಲ! ಆದರೂ ನಿಮ್ಮ ಅದೃಷ್ಟವೋ ಏನೋ ನಾನು ನಿಮ್ಮನ್ನು ಒಪ್ಪಿಕೊಂಡೆ. ಸ್ವಲ್ಪ ದಿನ ಕಳೆದ ಮೇಲೆ ನೀವು ಇದ್ದಕ್ಕಿದ್ದಂತೆ ಅಪರಿಚಿತನಾದಾಗ ಎಂದಾದರೂ ಒಂದು ದಿನ ಮರಳಿ ಬರುವಿರೆಂಬ ನಿರೀಕ್ಷೆಯಲ್ಲೇ ಇದೆ…!

ನಾಟಕದಲ್ಲಿ ಮುಖಕ್ಕೆ ಬಣ್ಣ ಹಚ್ಚುವವರನ್ನು ನೋಡಿದ್ದೇನೆ. ಅವರ ಉದ್ದೇಶ ಇನ್ನೊಬ್ಬರನ್ನು ಮನರಂಜಿಸುವುದಾಗಿರುತ್ತದೆ…! ಆದ್ರೆ ಇನ್ನೊಬ್ಬರನ್ನು ನೋಯಿಸಲು ಬಣ್ಣ ಬಣ್ಣದ ಮಾತುಗಳನ್ನು ಆಡುವರನ್ನು ನಾನು ನೋಡಿರಲಿಲ್ಲ…!

ಪ್ರೀತಿಯನ್ನು ಹೇಳಿಕೊಳ್ಳುವಾಗ ಮಾಡಿದ ಆಣೆ, ಪ್ರಮಾಣಗಳು ಇಂದು ಎಲ್ಲಾ ಏನಾಯ್ತು? ಹುಡುಗನಾಗಲಿ ಅಥವಾ ಹುಡುಗಿಯೇ ಆಗಲಿ ನಿಮ್ಮ ಪ್ರೀತೀನ ಹೇಳಿಕೊಳ್ಳುವಂತಹ ಸಂದರ್ಭದಲ್ಲಿ ಯಾವತ್ತು ಆಣೆ, ಪ್ರಮಾಣಗಳನ್ನು ಮಾಡಬೇಡಿ…! ನಿಮ್ಮ ಟೈಮ್ ಪಾಸ್’ಗೆ ಬೇರೆಯವರ ಜೀವನದಲ್ಲಿ ಸುಮ್ನೆ ಆಟವಾಡಬೇಡಿ, ಇನ್ನೊಂದು ಮನಸ್ಸಿನ ಜೊತೆ ಏನನ್ನಾದರೂ ಹೇಳುವಾಗ ಹತ್ತು ಬಾರಿ ಯೋಚಿಸಿ…! ಕಾರಣವಿಲ್ಲದೇ ಸೊಲುವವಳು ನಾನಲ್ಲ, ಕಾರಣ ಹುಡುಕುವ ವೇಳೆಗಾಗಲೇ ಕಾಲವೂ ಸರಿದು ಹೋಗಿತ್ತು. ಕಾಲ ಯಾರನ್ನೂ ಕಾಯಲ್ಲಾ ಅಲ್ವಾ ಅಂದ್ರೆ ಒಂದಂತೂ ನಿಜ…! ನೀವು ಮೌನ ತೊರೆದ ಅರೇಗಳಿಗೆಯೆಲ್ಲೇ ನನ್ನೆಲ್ಲಾ ನಿರೀಕ್ಷೆಗಳು ಕೇವಲ ಕಲೋನಿಕವಾದವೂ…

ನೀವು ತೊರೆದ ನಂತರ ಬದುಕಿನ ದಿಕ್ಕೇನೋ ಬದಲಾಗಲಿಲ್ಲ…! ನೀವಿಲ್ಲದಿದ್ದರೂ ಬದುಕಬಲ್ಲೆ ಎಂದು ನಿರ್ಧರಿಸಿದ್ದೇನೆ. ಯಾರ ಅಪ್ಪಣೆಯಿಲ್ಲದೇ ಕಾಲದ ಜೊತೆಗೆ ಹೆಜ್ಜೆ ಹಾಕಿ ನಡೆಯುತ್ತಿದ್ದೇನೆ…!