ಬೈಂದೂರು ಶಾಸಕರ ಪ್ರಯತ್ನದ ಫಲ: ದಶಕಗಳ ಸಮಸ್ಯೆಗೆ ಇತಿಶ್ರೀ, ಶಾಲಾ ಮಕ್ಕಳ ಹರ್ಷ

ಕಲ್ಪ ನ್ಯೂಸ್ ಡಿಜಿಟಲ್ ಮೀಡಿಯಾ
ಕೊಲ್ಲೂರು: ದಶಕಗಳ ಕಾಲ ಇನ್ನಿಲ್ಲದಂತೆ ಕಾಡಿದ್ದ ಧೂಳಿನ ಸಮಸ್ಯೆಯ ಬೈಂದೂರಿನ ಜನಪ್ರಿಯ ಶಾಸಕ ಬಿ.ಎಂ. ಸುಕುಮಾರ ಶೆಟ್ಟಿ ಅವರ ಪ್ರಯತ್ನದಿಂದಾಗಿ ಪರಿಹಾರವಾಗಿದ್ದು, ಇದರಿಂದ ನೂರಾರು ಶಾಲಾ ಮಕ್ಕಳಿಗೆ ಹಾಗೂ ಸಾವಿರಾರು ಮಂದಿಗೆ ಸಹಕಾರಿಯಾಗಿದೆ.

ಹೌದು, ಕಳೆದ ಹಲವು ದಶಕಗಳಿಂದ ಧೂಳಿನಿಂದ ಕೂಡಿದ ಹೊಸೂರು ಕೊಲ್ಲೂರು ದೇವಳದ ಪ್ರೌಢಶಾಲೆಯಿಂದ ಕಾನ್ಬೇರು ಮಹಿಷ ಮರ್ದಿನಿ ದೇವಸ್ಥಾನದವರೆಗಿನ ರಸ್ತೆಗೆ ಶಿಕ್ಷಣ ಪ್ರೇಮಿಯೂ ಆದ ಶಾಸಕ ಸುಕುಮಾರ ಶೆಟ್ಟಿಯವರು 150 ಲಕ್ಷ ರೂಪಾಯಿ ಅನುದಾನ ಮಂಜೂರು ಮಾಡಿಸಿ, ಅದರ ಗುದ್ದಲಿ ಪೂಜೆಯನ್ನು ನೆರವೇರಿಸಿದರು.ನಂತರ ಮಾತನಾಡಿದ ಅವರು, ಬಿಜೆಪಿ ಸರಕಾರ ಅಧಿಕಾರದಲ್ಲಿರುವಾಗ ನಾನು ಶಾಸಕನಾಗಿರುವುದು ಕೊಲ್ಲೂರು ಮೂಕಾಂಬಿಕೆಯ ಆಶೀರ್ವಾದ. ಕಳೆದ ಕೆಲವು ತಿಂಗಳಿನಿಂದ ಹಲವು ಅತೀ ಅಗತ್ಯ ರಸ್ತೆಗಳನ್ನು ಗಮನದಲ್ಲಿರಿಸಿ ರಸ್ತೆ ಕಾಮಗಾರಿಗೆ ಗುದ್ದಲಿ ಪೂಜೆ ನೆರವೇರಿಸಲಾಗಿದೆ. ಇದು ಅದರ ಮುಂದುವರೆದ ಭಾಗ ಎಂದರು.ಹೊಸೂರು ಭಾಗಕ್ಕೆ ಈಗಾಗಲೇ ಹಲವು ಯೋಜನೆಗಳನ್ನು ಮಂಜೂರು ಮಾಡಿದ್ದು, ಮುಂದಿನ ದಿನಗಳಲ್ಲಿ ಮಲೆನಾಡು ಕರಾವಳಿ ಭಾಗಕ್ಕೆ ಸೇರಿದಂತೆ ಸಮಗ್ರ ಬೈಂದೂರಿಗೆ ಪಣ ತೊಡುತ್ತೇನೆ ಎಂದರು.

ಶಾಸಕರ ಈ ಜನಪರ ಕಾರ್ಯಕ್ಕೆ ಈ ಭಾಗದ ಮಂದಿ ಕೃತಜ್ಞತೆ ಸಲ್ಲಿಸಿದ್ದಾರೆ.

Get in Touch With Us info@kalpa.news Whatsapp: 9481252093