ಜನಸಂದಣಿ ಪ್ರದೇಶದಲ್ಲಿ ಸಂಚಾರ ತಗ್ಗಿಸಿ: ಶಾಸಕ ಸಂಗಮೇಶ್ವರ ಸೂಚನೆ

ಕಲ್ಪ ಮೀಡಿಯಾ ಹೌಸ್

ಭದ್ರಾವತಿ: ಕೊರೋನಾ ಸೋಂಕು ಹತ್ತಿರುವ ಭಾಗವಾಗಿ ಜನಸಂದಣಿ ಪ್ರದೇಶದಲ್ಲಿ ಸಂಚಾರ ತಗ್ಗಿಸಿ ಎಂದು ಶಾಸಕ ಬಿ.ಕೆ. ಸಂಗಮೇಶ್ವರ ಸೂಚಿಸಿದರು.
ನಗರಸಭೆಯಲ್ಲಿ ನಡೆದ ಕೋವಿಡ್19ರ ಪರಿಶೀಲನಾ ಸಭೆಯಲ್ಲಿ ಅವರು ಮಾತನಾಡಿದರು.

ವ್ಯಾಪಕವಾಗಿ ಹರಡುತ್ತಿರುವ ಕೋವಿಡ್ ಮಹಾಮಾರಿಯನ್ನು ಹತ್ತಿಕ್ಕಲು ಬೇಕಾದ ಸಕಲ ಸಿದ್ಧತೆಗಳನ್ನು ಕಟ್ಟುನಿಟ್ಟಾಗಿ ಪಾಲಿಸುವುದರ ಜೊತೆಯಲ್ಲಿ ಅಧಿಕಾರಿಗಳು ಮತ್ತಷ್ಟು ಶ್ರಮವಸಬೇಕು ಎಂದರು.
ಜನಸಂದಣಿ ಪ್ರದೇಶಗಳಲ್ಲಿ ಸಂಚಾರ ಸಂಪೂರ್ಣ ನಿಷೇಧ ಹೇರುವ ಮೂಲಕ ಜನಸಂದಣಿಯನ್ನು ತಗ್ಗಿಸಿ ಕೋವಿಡ್ ಮುಂಜಾಗ್ರತಾ ಕ್ರಮಗಳನ್ನು ಕೈಗೊಳ್ಳುವಂತೆ ಸೂಚಿಸಿದರು.ಭದ್ರಾವತಿಯಲ್ಲಿರುವ ಸಮಗ್ರ ಕೋಡ್ ಸೋಂಕಿತರ ಮಾಹಿತಿ ಪಡೆದುಕೊಂಡ ಅವರು, ಹೋಂ ಕ್ವಾರೈಂಟೈನ್ ಅವಕಾಶ ಮಾಡದೇ ಕೋವಿಡ್ ಕೇರ್ ಸೆಂಟರ್’ನಲ್ಲಿ ಉತ್ತಮ ಚಿಕಿತ್ಸೆ ನೀಡುವಂತೆ ಸೂಚಿಸಿದರು.

ಸುದ್ಧಿ ಹಾಗೂ ಜಾಹೀರಾತಿಗಾಗಿ ಸಂಪರ್ಕಿಸಿ: Whatsapp: 9481252093 – info@kalpa.news