ಅಣಬೆಯನ್ನು ಮನೆಯಲ್ಲೇ ವರ್ಷವಿಡೀ ಬೆಳೆಯಬಹುದೇ? ಲಾಭವಿದೆಯೇ? ಇಲ್ಲಿದೆ ಕೃಷಿ ವಿವಿ ಕೊಟ್ಟ ಮಾಹಿತಿ

ಕಲ್ಪ ಮೀಡಿಯಾ ಹೌಸ್  |  ಶಿಕಾರಿಪುರ  |

ಒಂದು ಸಣ್ಣ ಕೊಠಡಿಯಲ್ಲಿ ವರ್ಷವಿಡೀ ಅಣಬೆಯನ್ನು ಬೆಳೆದು ಲಾಭ ಮಾಡಿಕೊಳ್ಳಬಹುದು ಎಂದು ಕೃಷಿ ವಿವಿ ಸೂಕ್ಷ್ಮಾಣು ಜೀವಶಾಸ್ತ್ರ #Microbiology ವಿಭಾಗದ ಸಹಾಯಕ ಪ್ರಾಧ್ಯಾಪಕಿ ಡಾ. ಶಿಲ್ಪಾ ಸಲಹೆ ನೀಡಿದರು.

ಕೆಳದಿ ಶಿವಪ್ಪನಾಯಕ ಕೃಷಿ ಮತ್ತು ತೋಟಗಾರಿಕಾ ವಿಜ್ಞಾನಗಳ ವಿಶ್ವವಿದ್ಯಾಲಯದ ಅಂತಿಮ ವರ್ಷದ ವಿದ್ಯಾರ್ಥಿಗಳಿಗಾಗಿ ಶಿಕಾರಿಪುರದ #Shikaripura ನೆಲವಾಗಿಲು ಗ್ರಾಮದಲ್ಲಿ ಆಯೋಜಿಸಲಾಗಿದ್ದ ಗ್ರಾಮೀಣ ಕೃಷಿ ಕಾರ್ಯಾನುಭವ ಕಾರ್ಯಕ್ರಮದಡಿಯಲ್ಲಿ ಅಣಬೆ ಬೇಸಾಯದ ಕುರಿತು ಗುಂಪು ಚರ್ಚೆ ಹಾಗೂ ಪದ್ಧತಿ ಪ್ರಾತ್ಯಕ್ಷಿಕೆಯಲ್ಲಿ ಅವರು ಮಾತನಾಡಿದರು.

Also Read>> ಪೊಂಗಲ್ ಹಬ್ಬದ ಪ್ರಯುಕ್ತ ನೈಋತ್ಯ ರೈಲ್ವೆಯಿಂದ ವಿಶೇಷ ಎಕ್ಸ್’ಪ್ರೆಸ್ ರೈಲುಗಳ ಸಂಚಾರ

ಭಾರತದಲ್ಲಿ ಬೆಳೆಯುವ ವಿವಿಧ ರೀತಿಯ ಅಣಬೆಗಳು ಅಂದರೆ ಕಪ್ಪೆ ಚಿಪ್ಪಿನ ಅಣಬೆ, ಬಿಳಿ ಅಣಬೆ, ಗುಂಡು ಅಣಬೆ ಹಾಗೂ ಭತ್ತದ ಹುಲ್ಲಿನ ಅಣಬೆ ಬಗ್ಗೆ ಅವರು ಮಾತನಾಡಿದರು.
ಅಣಬೆಯಲ್ಲಿರುವ #Mushroom ವಿಟಮಿನ್, ಪ್ರೋಟೀನ್ ಹಾಗೂ ಇತರೆ ಪೋಷಕಾಂಶಗಳು ದೇಹದ ಆರೋಗ್ಯಕ್ಕೆ ಬಹುಮುಖ್ಯ. ಇದು ಹೃದಯದ ಆರೋಗ್ಯಕ್ಕೆ ಬಹಳ ಒಳ್ಳೆಯದು. ರೋಗ ನಿರೋಧಕ ಶಕ್ತಿ ಹೆಚ್ಚುತ್ತದೆ. ದೇಹದ ತೂಕ ಕಡಿಮೆ ಮಾಡಲು ಉತ್ತಮ ಮತ್ತು ರಕ್ತದಲ್ಲಿ ಸಕ್ಕರೆ ಅಂಶ ನಿಯಂತ್ರಿಸುತ್ತದೆ. ಇದರಿಂದ ಕ್ಯಾನ್ಸರ್’ನಂತಹ ರೋಗಗಳು ಸಹ ತಡೆಯಬಹುದು.

ಅಣಬೆಯನ್ನು ವರ್ಷವಿಡೀ ಬೆಳೆಯಬಹುದಾಗಿದ್ದು, ದಿನದಿಂದ ದಿನಕ್ಕೆ ಇದರ ಬೇಡಿಕೆ ಹೆಚ್ಚುತ್ತಿದೆ. ಇದನ್ನು ಕಡಿಮೆ ವೆಚ್ಚದಲ್ಲಿ ಒಂದು ಸಣ್ಣ 10*10 ಅಡಿಯ ಕೊಠಡಿಯಿಂದ ಪ್ರಾರಂಭಿಸಬಹುದು. ಕಡಿಮೆ ಅವಧಿಯಲ್ಲಿ ಬೆಳೆ ಬೆಳೆಯಬಹುದಾಗಿದ್ದು, ಹೆಚ್ಚು ಇಳುವಯನ್ನು ಪಡೆಯಬಹುದು. ಕಪ್ಪೆಚಿಪ್ಪಿನ ಅಣಬೆ ಬೆಳೆಯಲು ಸುಲಭ ಹಾಗೂ ಹೆಚ್ಚು ಆದಾಯಕಾರಿಯಾಗಿದೆ ಎಂದರು.
ಒಂದು ಬ್ಯಾಗಿನಲ್ಲಿ ಎಷ್ಟು ಬೇಯಿಸಿದ ಹುಲ್ಲು ಮತ್ತು ಎಷ್ಟು ಬೀಜ ಹಾಕಬೇಕು. ಈ ಬ್ಯಾಗನ್ನು ಸ್ವಚ್ಛವಾದ ಕೊಠಡಿಯಲ್ಲಿ ತೂಗು ಹಾಕಬೇಕು. ಸ್ವಲ್ಪ ದಿನಗಳ ಬಳಿಕ ರಂಧ್ರಗಳನ್ನು ಮಾಡಿ ದಿನನಿತ್ಯ ನೀರನ್ನು ಸಿಂಪಡಿಸಬೇಕು. 25 ದಿನಗಳ ನಂತರ ಅಣಬೆಯು ಮೊದಲ ಕಟಾವಿಗೆ ಸಿದ್ಧವಾಗುತ್ತದೆ. ಹೀಗೆ ಸುಮಾರು ಎರಡು ಕಟಾವು ಮಾಡಬಹುದು ಎಂದರು.

ಅಣಬೆಯ ಮೌಲ್ಯವರ್ಧಿತ ಉತ್ಪನ್ನಗಳು ತಯಾರಿಸುವುದರಿಂದ ಹೆಚ್ಚು ಲಾಭಗಳಿಸಬಹುದು. ಇದನ್ನು ಮಹಿಳೆಯರು ಸುಲಭವಾಗಿ ಮಾಡಬಹುದು. ರೈತರಲ್ಲಿ ಅಣಬೆ ಬೇಸಾಯ ಕುರಿತು ಇರುವ ಚಿಂತೆಗಳನ್ನು ಬಗೆಹರಿಸಿದರು.

ಕಾರ್ಯಕ್ರಮದಲ್ಲಿ  ಹಲವಾರು ರೈತರು ಪಾಲ್ಗೊಂಡು ಯಶಸ್ವಿಗೊಳಿಸಿದರು.

ಸುದ್ಧಿ ಹಾಗೂ ಜಾಹೀರಾತಿಗಾಗಿ ಸಂಪರ್ಕಿಸಿ: Whatsapp: 9008761663, 9481252093 – info@kalpa.news