ಪಿಯು ಫಲಿತಾಂಶ: ಟ್ಯೂಷನ್ ಇಲ್ಲದೇ ಸ್ವಪ್ರಯತ್ನದಿಂದ ಸಾಧಿಸಿದ ಚಾಮರಾಜನಗರದ ವೈಷ್ಣವಿ

ಕಲ್ಪ ಮೀಡಿಯಾ ಹೌಸ್   |  ಚಾಮರಾಜನಗರ  |

ಯಾವುದೇ ಟ್ಯೂಷನ್ ಇಲ್ಲದೇ ತನ್ನ ಸ್ವಪ್ರಯತ್ನದಿಂದ ಶ್ರಮವಹಿಸಿ ಓದಿದ ಕೂಡ್ಲೂರು ಗ್ರಾಮದ ಕೆ.ಎಂ. ವೈಷ್ಣವಿ ದ್ವಿತೀಯ ಪಿಯುಸಿ ಪರೀಕ್ಷೆಯಲ್ಲಿ ಶೇ.93ರಷ್ಟು ಅಂಕ ಗಳಿಸುವ ಮೂಲಕ ಸಾಧನೆ ಮಾಡಿದ್ದಾರೆ.

ಕೂಡ್ಲೂರು ಗ್ರಾಮದ ಸ್ಥಳ ಪುರೋಹಿತರಾದ ಕೀರ್ತಿಶೇಷ ಗುಂಡಪ್ಪನವರ ಕುಟುಂಬದ ಕೆ.ಆರ್. ಮಂಜು ಮತ್ತು ಅರ್ಚನ ದಂಪತಿಗಳ ಪುತ್ರಿ ಕುಮಾರಿ ಕೆ.ಎಂ. ವೈಷ್ಣವಿ ಪದವಿ ಪೂರ್ವ ಶಿಕ್ಷಣದ ವಿಜ್ಞಾನ ವಿಭಾಗದಲ್ಲಿ ಶೇ.93ರಷ್ಟು ಅಂಕಗಳನ್ನು ಪಡೆದು ಮನೆಗೆ, ಪೋಷಕರಿಗೆ ಹಾಗೂ ಗ್ರಾಮಕ್ಕೆ ಹೆಮ್ಮೆ ತಂದಿದ್ದಾರೆ.
ಚಾಮರಾಜನಗರದ ಜೆಎಸ್’ಎಸ್ ಶಿಕ್ಷಣ ಸಂಸ್ಥೆಯಲ್ಲಿ ಓದಿದ ವಿದ್ಯಾರ್ಥಿನಿ ಹಳ್ಳಿಯಲ್ಲಿಯೇ ವಾಸವಿದ್ದು ಯಾವುದೇ ವಿಶೇಷ ಮನೆಪಾಠವಿಲ್ಲದೆ ಸ್ವ ಪ್ರತಿಭೆಯಿಂದ ಓದಿ ಅಂಕಗಳನ್ನು ಪಡೆದಿರುವುದು ಖುಷಿಪಡುವ ವಿಷಯವಾಗಿದೆ.

Also read: ಬಸವೇಶ್ವರ ಪದವಿ ಪೂರ್ವ ಕಾಲೇಜಿಗೆ ಉತ್ತಮ ಫಲಿತಾಂಶ

ಗ್ರಾಮಗಳಿಂದ ವಲಸೆ ಹೋಗಿ ಪಟ್ಟಣಗಳ ಮನೆಪಾಠಕ್ಕೆ ಜೋತು ಬೀಳುವ ವಿದ್ಯಾರ್ಥಿಗಳಿಗೆ ಇವರು ಆದರ್ಶವಾಗಿದ್ದಾರೆ. ಇವರ ಫಲಿತಾಂಶಕ್ಕೆ ಅವಿಭಕ್ತ ಕುಟುಂಬದ ಎಲ್ಲಾ ಸದಸ್ಯರು ಹಾಗೂ ಗ್ರಾಮಸ್ಥರು ಅಭಿನಂದಿಸಿದ್ದಾರೆ.
ಸುದ್ಧಿ ಹಾಗೂ ಜಾಹೀರಾತಿಗಾಗಿ ಸಂಪರ್ಕಿಸಿ: Whatsapp: 9008761663, 9481252093 – info@kalpa.news