ಕಲ್ಪ ಮೀಡಿಯಾ ಹೌಸ್ | ಬೆಂಗಳೂರು |
ಆದಿತ್ಯ ಬಿರ್ಲಾ (Aditya Birla) ಸಮೂಹದ ಪ್ರಮುಖ ಆಭರಣ ಬ್ರ್ಯಾಂಡ್ ಇಂದ್ರಿಯಾ, (Indriya Jewellery) ಭಾರತದ ಶ್ರೀಮಂತ ಸಾಂಸ್ಕೃತಿಕ ಪರಂಪರೆ ಹಾಗೂ ವಿಜಯದಶಮಿ ಹಬ್ಬದ ಸಂಭ್ರಮಕ್ಕೆ ವಿಶಿಷ್ಟ ರೀತಿಯಲ್ಲಿ ಗೌರವ ಸಲ್ಲಿಸಿದೆ. ವಿಜಯದಶಮಿ ಅಂಗವಾಗಿ ಬೆಂಗಳೂರಿನಲ್ಲಿ ಧಾನ್ಯಗಳು, ಸಿರಿಧಾನ್ಯಗಳು ಮತ್ತು ನೈಸರ್ಗಿಕ ಕಾಳುಗಳನ್ನು ಬಳಸಿ ನಿರ್ಮಿಸಿರುವ ಬೃಹತ್ ಪರಿಸರಸ್ನೇಹಿ ಆಭರಣ ರಂಗವಲ್ಲಿಯನ್ನು ಅನಾವರಣಗೊಳಿಸಲಾಗಿದೆ.
ರಾಜಾಜಿನಗರದ ಒರಾಯನ್ ಮಾಲ್ ಹಾಗೂ ತ್ಯಾಗರಾಜನಗರದ ಶ್ರೀ ಸತ್ಯ ಗಣಪತಿ ಶಿರಡಿ ಸಾಯಿಬಾಬಾ ದೇವಸ್ಥಾನದ ಆವರಣದಲ್ಲಿ ಈ ವಿಶೇಷ ಕಲಾಕೃತಿಯನ್ನು ಪ್ರದರ್ಶಿಸಲಾಗಿದೆ.
1,600 ಚದರ ಅಡಿಯಲ್ಲಿ ಭವ್ಯ ಕಲಾಕೃತಿ
ಬರೋಬ್ಬರಿ 1,600 ಚದರ ಅಡಿ ವಿಸ್ತೀರ್ಣದಲ್ಲಿ ನಿರ್ಮಿಸಿರುವ ಈ ಬೃಹತ್ ರಂಗವಲ್ಲಿ, ಇಂದ್ರಿಯಾದ ಹಬ್ಬದ ವಿಶೇಷ ಆಭರಣ ಸಂಗ್ರಹ ‘ಪದ್ಮಿಕಾ’ದ ವಿನ್ಯಾಸದಿಂದ ಪ್ರೇರಣೆ ಪಡೆದಿದೆ. ಚಿನ್ನಾಭರಣದ ಸೂಕ್ಷ್ಮ ವಿನ್ಯಾಸಗಳನ್ನು ರಂಗವಲ್ಲಿ ಕಲೆಯ ಮೂಲಕ ಮರುಸೃಷ್ಟಿಸುವ ಮೂಲಕ ಆಭರಣ ಕಲೆ ಮತ್ತು ಭಾರತೀಯ ಸಾಂಪ್ರದಾಯಿಕ ಕಲಾ ಪರಂಪರೆಯನ್ನು ಒಂದೇ ವೇದಿಕೆಯಲ್ಲಿ ಸಂಭ್ರಮಿಸಲಾಗಿದೆ.
ಲಕ್ಷ್ಮೀ ದೇವಿಯ ಆಕರ್ಷಕ ವಿನ್ಯಾಸ
22 ಕ್ಯಾರೆಟ್ ಅಪರಂಜಿ ಚಿನ್ನದಲ್ಲಿ ವಿನ್ಯಾಸಗೊಳಿಸಲಾದ ‘ಪದ್ಮಿಕಾ’ ಆಭರಣ ಸರಣಿಯು ಶತಮಾನಗಳಷ್ಟು ಹಳೆಯ ಗುಲಾಬಿ ಮೀನಾಕಾರಿ ಕಲೆಗೆ ಹೊಸ ರೂಪ ನೀಡಿದೆ. ನೆಕ್ಲೇಸ್ ವಿನ್ಯಾಸದಲ್ಲಿ ನವಿರಾದ ನಕ್ಷಿ ಹೂವಿನ ಕೆತ್ತನೆಗಳೊಂದಿಗೆ ಕಮಲದ ಹೂವಿನ ಮೇಲೆ ಆಸೀನಳಾಗಿರುವ ಲಕ್ಷ್ಮೀ ದೇವಿಯ ಮಂಗಳಕರ ಆಕೃತಿಯನ್ನು ಒಳಗೊಂಡಿದೆ.
ಸಂಪತ್ತು, ಸಮೃದ್ಧಿ, ಸೌಭಾಗ್ಯ ಹಾಗೂ ಹೊಸ ಶುಭಾರಂಭಗಳ ಸಂಕೇತವಾಗಿರುವ ಈ ವಿನ್ಯಾಸವನ್ನೇ ರಂಗವಲ್ಲಿಯ ಪ್ರಮುಖ ಆಕರ್ಷಣೆಯಾಗಿ ರೂಪಿಸಲಾಗಿದೆ.
ಅಕ್ಕಿ, ರಾಗಿ, ನವಣೆ ಬಳಸಿ ರಂಗವಲ್ಲಿ
ಈ ಪರಿಸರಸ್ನೇಹಿ ರಂಗವಲ್ಲಿಯನ್ನು ಅಕ್ಕಿ, ರಾಗಿ, ನವಣೆ ಸೇರಿದಂತೆ ವಿವಿಧ ಸಿರಿಧಾನ್ಯಗಳು ಹಾಗೂ ನೈಸರ್ಗಿಕ ಕಾಳುಗಳನ್ನು ಬಳಸಿ ರಚಿಸಲಾಗಿದೆ. ಸಾವಿರಾರು ಸಣ್ಣ ಅಂಶಗಳನ್ನು ನಿಖರವಾಗಿ ಜೋಡಿಸುವ ಮೂಲಕ ಕಲಾಕೃತಿಯನ್ನು ಸಿದ್ಧಪಡಿಸಲಾಗಿದ್ದು, ಆಭರಣ ತಯಾರಿಕೆ ಮತ್ತು ರಂಗವಲ್ಲಿ ರಚನೆ ಎರಡಕ್ಕೂ ಅಗತ್ಯವಿರುವ ತಾಳ್ಮೆ, ನಿಖರತೆ ಹಾಗೂ ಕರಕುಶಲ ಕೌಶಲ್ಯವನ್ನು ಇದು ಪ್ರತಿಬಿಂಬಿಸುತ್ತದೆ.
‘3ಡಿ ರಂಗೋಲಿ ಕ್ವೀನ್’ ಶಿಖಾ ಶರ್ಮಾ ಕೈಚಳಕ
ಈ ವಿಶೇಷ ಯೋಜನೆಗೆ ಗಿನ್ನೆಸ್ ದಾಖಲೆಗಳ ರಂಗೋಲಿಗಳನ್ನು ರಚಿಸಿರುವ ಹಾಗೂ ‘3ಡಿ ರಂಗೋಲಿ ಕ್ವೀನ್’ ಎಂದೇ ಗುರುತಿಸಿಕೊಂಡಿರುವ ರಂಗೋಲಿ ಕಲಾವಿದೆ ಶಿಖಾ ಶರ್ಮಾ ಅವರ ಕಲಾ ನೈಪುಣ್ಯವನ್ನು ಬಳಸಿಕೊಳ್ಳಲಾಗಿದೆ.
ದೇವಾಲಯದ ಆಭರಣ ಶೈಲಿಯ ಸೂಕ್ಷ್ಮ ಕೆತ್ತನೆಗಳು ಹಾಗೂ ಸಾಂಪ್ರದಾಯಿಕ ವಿನ್ಯಾಸಗಳನ್ನು ರಂಗವಲ್ಲಿ ರೂಪದಲ್ಲಿ ಮರುಸೃಷ್ಟಿಸುವ ಮೂಲಕ ವಿಶಿಷ್ಟ ಕಲಾಕೃತಿಯನ್ನು ನಿರ್ಮಿಸಲಾಗಿದೆ.
ಹಬ್ಬದ ಬಳಿಕ ಪ್ರಾಣಿ, ಪಕ್ಷಿಗಳಿಗೆ ಆಹಾರ
ಈ ಯೋಜನೆಯಲ್ಲಿ ಪರಿಸರ ಸುಸ್ಥಿರತೆಗೂ ವಿಶೇಷ ಆದ್ಯತೆ ನೀಡಲಾಗಿದೆ. ವಿಜಯದಶಮಿ ಹಬ್ಬದ ಬಳಿಕ ರಂಗವಲ್ಲಿಯಲ್ಲಿ ಬಳಸಲಾದ ಅಕ್ಕಿ, ಸಿರಿಧಾನ್ಯಗಳು ಮತ್ತು ಕಾಳುಗಳನ್ನು ವ್ಯರ್ಥ ಮಾಡದೆ, ಅಖಿಲ ಕರ್ನಾಟಕ ಪ್ರಾಣಿ ದಯಾ ಸಂಘದ ಗೋಶಾಲೆಯ ಸಹಯೋಗದಲ್ಲಿ ಪಕ್ಷಿಗಳು ಹಾಗೂ ಮೂಕ ಪ್ರಾಣಿಗಳಿಗೆ ಆಹಾರವಾಗಿ ಬಳಸಲಾಗುತ್ತದೆ.
Also Read>> WPL ಮಿನಿ ಹರಾಜಿಗೆ ವೇದಿಕೆ ಸಜ್ಜು: 27 ಸ್ಥಾನಗಳಿಗೆ 146 ಆಟಗಾರ್ತಿಯರ ಪೈಪೋಟಿ
Indriya Jewellery: ಸಾರ್ವಜನಿಕರಿಗಾಗಿ ವಿಶೇಷ ರಂಗವಲ್ಲಿ ಸ್ಪರ್ಧೆ
ಇಂದ್ರಿಯಾ ಸಂಸ್ಥೆಯು ಈ ಹಬ್ಬದ ಸಂಭ್ರಮವನ್ನು ಸಾರ್ವಜನಿಕರ ಮನೆಗಳಿಗೂ ಕೊಂಡೊಯ್ಯುವ ಉದ್ದೇಶದಿಂದ ವಿಶೇಷ ರಂಗವಲ್ಲಿ ಸ್ಪರ್ಧೆಯನ್ನು ಆಯೋಜಿಸಿದೆ. ‘ಪದ್ಮಿಕಾ’ ಆಭರಣ ವಿನ್ಯಾಸದಿಂದ ಪ್ರೇರಿತವಾದ ರಂಗವಲ್ಲಿಯನ್ನು ತಮ್ಮ ಮನೆಗಳಲ್ಲಿ ರಚಿಸುವಂತೆ ಸಾರ್ವಜನಿಕರಿಗೆ ಆಹ್ವಾನ ನೀಡಲಾಗಿದೆ.
ಸಂಸ್ಥೆ ನೀಡುವ ಸ್ಟೆನ್ಸಿಲ್ ಬಳಸಿ ಬಣ್ಣಗಳು, ಧಾನ್ಯಗಳು ಅಥವಾ ಕಾಳುಗಳ ಹಿಟ್ಟಿನಿಂದ ರಂಗವಲ್ಲಿ ರಚಿಸಿ, ಅದರ ಛಾಯಾಚಿತ್ರವನ್ನು ಸಾಮಾಜಿಕ ಮಾಧ್ಯಮ ಅಥವಾ ವಾಟ್ಸಾಪ್ ಮೂಲಕ ಹಂಚಿಕೊಳ್ಳಬಹುದಾಗಿದೆ.
ಈ ಸ್ಪರ್ಧೆಯಲ್ಲಿ ಆಯ್ಕೆಯಾಗುವ 100 ಅದೃಷ್ಟಶಾಲಿ ವಿಜೇತರಿಗೆ ತಲಾ 200 ಮಿಲಿಗ್ರಾಂ ತೂಕದ 22 ಕ್ಯಾರೆಟ್ ಚಿನ್ನದ ನಾಣ್ಯವನ್ನು ಬಹುಮಾನವಾಗಿ ನೀಡಲಾಗುತ್ತದೆ.
ಭಾರತೀಯ ಪರಂಪರೆಗೆ ಸಮಕಾಲೀನ ಅಭಿವ್ಯಕ್ತಿ
ಈ ಯೋಜನೆಯ ಕುರಿತು ಮಾತನಾಡಿದ ಇಂದ್ರಿಯಾ ಸಂಸ್ಥೆಯ ಮಾರ್ಕೆಟಿಂಗ್ ಮತ್ತು ವಿಶುವಲ್ ಮರ್ಚಂಡೈಸಿಂಗ್ ಮುಖ್ಯಸ್ಥ ಶಾಂತಿಸ್ವರೂಪ್ ಪಾಂಡಾ, ಭಾರತದ ಶ್ರೀಮಂತ ಸಾಂಸ್ಕೃತಿಕ ಪರಂಪರೆಯನ್ನು ಅರ್ಥಪೂರ್ಣ ಹಾಗೂ ಸಮಕಾಲೀನ ರೀತಿಯಲ್ಲಿ ಆಚರಿಸುವುದು ಇಂದ್ರಿಯಾದ ಉದ್ದೇಶವಾಗಿದೆ ಎಂದು ಹೇಳಿದರು.
‘ಪದ್ಮಿಕಾ’ ವಿನ್ಯಾಸವನ್ನು ಜನಪ್ರಿಯ ಹಬ್ಬದ ಸಂಪ್ರದಾಯವಾದ ರಂಗವಲ್ಲಿಯ ಮೂಲಕ ಜನರಿಗೆ ಪರಿಚಯಿಸುವ ಪ್ರಯತ್ನ ಇದಾಗಿದೆ. ಭಾರತೀಯ ಸಂಸ್ಕೃತಿ, ಕರಕುಶಲತೆ ಮತ್ತು ವಿಜಯದಶಮಿಯ ಒಗ್ಗಟ್ಟಿನ ಭಾವವನ್ನು ಈ ಉಪಕ್ರಮದ ಮೂಲಕ ಸಂಭ್ರಮಿಸಲಾಗುತ್ತಿದೆ ಎಂದು ಅವರು ತಿಳಿಸಿದರು.
ಸುದ್ಧಿ ಹಾಗೂ ಜಾಹೀರಾತಿಗಾಗಿ ಸಂಪರ್ಕಿಸಿ: Whatsapp: 9008761663, 9481252093 – info@kalpa.news
