ಉಗ್ರರನ್ನು ಹುಡುಕಿ-ಹುಡುಕಿ ಹೊಡೆದುರುಳಿಸುತ್ತಿದೆ ಸೇನೆ | ಐವರು ಲಷ್ಕರ್ ಉಗ್ರರ ಎನ್'ಕೌಂಟರ್

Read - 2 minutes

ಕಲ್ಪ ಮೀಡಿಯಾ ಹೌಸ್ | ಕುಲ್ಗಾಮ್ |

ಗಡಿ ಭಾಗದಲ್ಲಿ ಉಗ್ರರ ವಿರುದ್ಧ ಸಮರ ಸಾರಿರುವ ಭಾರತೀಯ ಸೇನಾ ಯೋಧರು ನಡೆಸಿದ ಎನ್’ಕೌಂಟರ್’ನಲ್ಲಿ ಐವರು ಲಷ್ಕರ್-ಎ-ತೊಯ್ಬಾ Lashkar E Taiba ಉಗ್ರರನ್ನು ಹೊಡೆದುರುಳಿಸಿದೆ.

ಜಮ್ಮು ಕಾಶ್ಮೀರದ ಕುಲ್ಗಾಮ್’ನಲ್ಲಿ ಇಂದು ಉಗ್ರರು ಅಡಗಿರುವುದನ್ನು ಖಚಿತಪಡಿಸಿಕೊಂಡು ಪೊಲೀಸರು, ಸೇನೆ ಮತ್ತು ಸಿಆರ್‌ಪಿಎಫ್ ಸಹಯೋಗದಲ್ಲಿ ಆ ಪ್ರದೇಶದಲ್ಲಿ ಶೋಧ ಕಾರ್ಯಾಚರಣೆ ನಡೆಸುತ್ತಿದ್ದಾಗ ಜಿಲ್ಲೆಯ ಸಾಮ್ನೂ ಪ್ರದೇಶದಲ್ಲಿ ಭದ್ರತಾ ಪಡೆಗಳು ಮತ್ತು ಉಗ್ರರ ನಡುವೆ ಎನ್’ಕೌಂಟರ್ ನಡೆದಿದೆ.
ಈ ವೇಳೆ ಸೇನೆ ಹಾಗೂ ಉಗ್ರರ ನಡುವೆ ನಡೆದ ಗುಂಡಿನ ಚಕಮಕಿಯಲ್ಲಿ ಲಷ್ಕರ್ ಸಂಘಟನೆಯ ಐವರು ಉಗ್ರರನ್ನು ಯೋಧರು ಸದೆ ಬಡಿದಿದ್ದಾರೆ.

Also read: ಇಸ್ರೇಲ್-ಹಮಾಸ್ ನಡುವಿನ ಸಂಘರ್ಷದಲ್ಲಿ ನಾಗರಿಕರ ಸಾವು: ಪ್ರಧಾನಿ ಮೋದಿ ಖಂಡನೆ

ಸೇನೆಯ 34 ರಾಷ್ಟ್ರೀಯ ರೈಫಲ್ಸ್, ವಿಶೇಷ ಪಡೆಗಳ ಘಟಕ, ಪೊಲೀಸ್ ಮತ್ತು ಸಿಆರ್’ಪಿಎಫ್ ತಂಡಗಳು ಕಾರ್ಯಾಚರಣೆಯನ್ನು ಮಧ್ಯಾಹ್ನದವರೆಗೂ ಮುಂದುವರೆಸಿವೆ.
ಇನ್ನು, ನಿನ್ನೆ ಉರಿ ಸೆಕ್ಟರ್ ಗಡಿ ನಿಯಂತ್ರಣ ರೇಖೆಯಲ್ಲಿ ಉಗ್ರರು ಒಳನುಸುಳುವ ಪ್ರಯತ್ನವನ್ನು ಸೇನೆ ವಿಫಲಗೊಳಿಸಿ, ಉಗ್ರರ ಕಮಾಂಡರ್ ಬಶೀರ್ ಮಲ್ಲಿಕ್ ಸೇರಿದಂತೆ ಇಬ್ಬರನ್ನು ಹೊಡೆದುರುಳಿಸಿದೆ.