ಕೈ ಮುಗಿಯುತ್ತೇವೆ, ಫ್ಲೈಟ್ ಬುಕ್ಕಿಂಗ್ ಆರಂಭಿಸಿ: ಭಾರತದ ಬಳಿ ಅಂಗಲಾಚಿದ ಮಾಲ್ಡೀವ್ಸ್

ಕಲ್ಪ ಮೀಡಿಯಾ ಹೌಸ್  |  ಮಾಲ್ಡೀವ್ಸ್  |

ನಮ್ಮ ಪ್ರಧಾನಿ ನರೇಂದ್ರ ಮೋದಿಯವರನ್ನು #NarendraModi ಟೀಕಿಸಿ ಕುಹಕ ಮಾಡಿದ್ದ ಮಾಲ್ಡೀವ್ಸ್’ಗೆ #Maldives ಭಾರತೀಯರು ನೀಡಿರುವ ಮಾಸ್ಟರ್ ಸ್ಟ್ರೋಕ್’ಗೆ ಅಲ್ಲಿನ ಪ್ರವಾಸೋದ್ಯಮ ಅಕ್ಷರಶಃ ತತ್ತರಿಸಿದ್ದು, ಫ್ಲೈಟ್ ಬುಕ್ಕಿಂಗ್ ಆರಂಭಿಸಿ ಎಂದು ಕೈಮುಗಿದು ಅಂಗಲಾಚುತ್ತಿದೆ.

ಹೌದು… ಪ್ರಧಾನಿ ನರೇಂದ್ರ ಮೋದಿ ಹಾಗೂ ಭಾರತೀಯರನ್ನು ನಿಂದಿಸಿದ ಬೆನ್ನಲ್ಲೇ ನಮ್ಮ ದೇಶಿಗರು ಸ್ವಯಂ ಪ್ರೇರಿತರಾಗಿ ಮಾಲ್ಡೀವ್ಸ್ ಪ್ರವಾಸವನ್ನು ರದ್ದು ಮಾಡುತ್ತಿದ್ದಾರೆ. ಪರಿಣಾಮವಾಗಿ ಒಂದೇ ವಾರದಲ್ಲಿ ಅಲ್ಲಿನ ಪ್ರವಾಸೋದ್ಯಮದ #Tourism ಸ್ಥಿತಿ ಸಂಫೂರ್ಣ ಬದಲಾಗಿದೆ.
ಹಿಂದಿನ ವರ್ಷಗಳನ್ನು ನೋಡಿದಾಗ ಮಾಲ್ಡೀವ್ಸ್’ಗೆ ಆಗಮಿಸುವ ಪ್ರವಾಸಿಗರಲ್ಲಿ ಬಹುತೇಕರು ಭಾರತೀಯರು. ಭಾರತೀಯರ ಪ್ರವಾಸವೇ ಅಲ್ಲಿನ ಮೂಲ ಆಧಾರ. ಭಾರತದ ಜೊತೆಗೆ ಮಾಲ್ಡೀವ್ಸ್ ಅವಿನಾಭವ ಸಂಬಂಧ ಹೊಂದಿದ್ದು, ಮೂರನೇ ಎರಡಷ್ಟು ಜಿಡಿಪಿ #GDP ಪ್ರವಾಸೋದ್ಯಮದಿಂದಲೇ ಬರುತ್ತಿದೆ. 44,000 ಮಾಲ್ಡೀವ್ಸ್ ನಾಗರೀಕರು ಇದೇ ಪ್ರವಾಸೋದ್ಯಮದಲ್ಲಿ ತೊಡಗಿಸಿಕೊಂಡಿದ್ದಾರೆ.

ಆದರೆ, ಯಾವಾಗ ನಮ್ಮ ಪ್ರಧಾನಿ ನರೇಂದ್ರ ಮೋದಿ ಅವರನ್ನು ಮಾಲ್ಡೀವ್ಸ್ ಟೀಕಿಸಿತೋ ಅಲ್ಲಿಂದ ಒಂದು ವಾರದಲ್ಲಿ ಅಲ್ಲಿನ ಚಿತ್ರಣವೇ ಬದಲಾಯಿತು.

ಈಸ್ ಮೈ ಟ್ರಿಪ್ ಕಂಪೆನಿ #Easemytrip ಭಾರತ ಮೂಲದ್ದಾಗಿದೆ. ಮೋದಿಯವರನ್ನು ಟೀಕಿಸಿದ ಹಿನ್ನೆಲೆಯಲ್ಲಿ ಮಹತ್ವದ ಘೋಷಣೆ ಮಾಡಿದ ಈ ಕಂಪೆನಿ, ನಮ್ಮ ಗೌರವಾನ್ವಿತ ಪ್ರಧಾನಿಯವರನ್ನು ನಿಂದಿಸಿದ ಮಾಲ್ಡೀವ್ಸ್ ಹೇಳಿಕೆಯನ್ನು ನಾವು ಖಂಡಿಸುತ್ತೇವೆ. ಇದನ್ನು ವಿರೋಧಿಸಿ ಮಾಲ್ಡೀವ್ಸ್ ಪ್ರವಾಸದ ಎಲ್ಲ ವಿಮಾನ ಬುಕ್ಕಿಂಗ್ #FlightBooking ರದ್ದು ಮಾಡುತ್ತಿದ್ದೇವೆ ಎಂದಿದೆ.
ಇದರಿಂದಾಗಿ ಅಲ್ಲಿನ ಪ್ರವಾಸೋದ್ಯಮ ಅಕ್ಷರಶಃ ತತ್ತರಿಸಿ ಹೋಗಿದ್ದು, ಒಂದೇ ವಾರದಲ್ಲಿ ಆರ್ಥಿಕತೆ ನೆಲಕಚ್ಚಿದೆ.

ಈ ಬೆಳವಣಿಗೆಯ ಹಿನ್ನೆಲೆಯಲ್ಲಿ ಮಾಲ್ಡೀವ್ಸ್ ಅಸೋಸಿಯೇಶನ್ ಆಫ್ ಟೂರ್ ಅಂಡ್ ಟ್ರಾವೆಲ್ ಆಪರೇಟರ್ಸ್ ವತಿಯಿಂದ ಈಸ್ ಮೈ ಟ್ರಿಪ್ ಕಂಪೆನಿಯ ಬಳಿ ವಿಮಾನ ಪ್ರಯಾಣ, ಪ್ರವಾಸ ಪ್ಯಾಕೇಜ್ ಪುನಃ ಆರಂಭಿಸುವಂತೆ ಅಕ್ಷರಶಃ ಕೈ ಮುಗಿದು, ಪರಿಪರಿಯಾಗಿ ಬೇಡಿಕೊಂಡಿದೆ.

ಸುದ್ಧಿ ಹಾಗೂ ಜಾಹೀರಾತಿಗಾಗಿ ಸಂಪರ್ಕಿಸಿ: Whatsapp: 9008761663, 9481252093 – info@kalpa.news