ನಾಳೆ ಅನಂತ್ ಅಂಬಾನಿ ವಿವಾಹ | ಯಾರಿಗೆಲ್ಲಾ ಆಹ್ವಾನ? ಮೆನುವಿನಲ್ಲಿದೆ ಈ ವಿಶೇಷ ಚಾಟ್!

ಕಲ್ಪ ಮೀಡಿಯಾ ಹೌಸ್  |  ಮುಂಬೈ  |

ಇಡೀ ವಿಶ್ವದ ಗಮನ ಸೆಳೆದಿರುವ ಅನಂತ್ ಅಂಬಾನಿ #Ananth Ambani ಮತ್ತು ರಾಧಿಕಾ ಮರ್ಚೆಂಟ್ #Radhika Merchant ವಿವಾಹ ಜುಲೈ 12ರ ನಾಳೆ ಜಿಯೋ ವರ್ಲ್ಡ್ ಕನ್ವೆನ್ಷನ್ ಸೆಂಟರ್’ನಲ್ಲಿ ನಡೆಯಲಿದ್ದು, ದೇಶ ವಿದೇಶಗಳ ಗಣ್ಯಾತಿಗಣ್ಯರು ಭಾಗಿಯಾಗಲಿದ್ದಾರೆ.

ನಾಳೆ ನಡೆಯಲಿರುವ ವಿವಾಹದಲ್ಲಿ ರಾಜಕೀಯದಿಂದ ಹಿಡಿದು ಮನರಂಜನೆಯವರೆಗೂ ಸಮಾಜದ ಎಲ್ಲಾ ಕ್ಷೇತ್ರಗಳ ಪ್ರಮುಖರು ಭಾಗವಹಿಸಲಿದ್ದಾರೆ.
ವಿವಾಹ ಸಮಾರಂಭದಲ್ಲಿ ಆಂಧ್ರಪ್ರದೇಶ ಸಿಎಂ ಚಂದ್ರಬಾಬು ನಾಯ್ಡು, ಉಪ ಪವನ್ ಕಲ್ಯಾಣ್, ಆಂಧ್ರಪ್ರದೇಶ ಸಚಿವ ನಾರಾ ಲೋಕೇಶ್, ಪಶ್ಚಿಮ ಬಂಗಾಳ ಸಿಎಂ ಮತ್ತು ತೃಣಮೂಲ ಕಾಂಗ್ರೆಸ್ (ಟಿಎಂಸಿ) ಮುಖ್ಯಸ್ಥೆ ಮಮತಾ ಬ್ಯಾನರ್ಜಿ ಮತ್ತು ಉತ್ತರ ಪ್ರದೇಶ ಸಿಎಂ ಯೋಗಿ ಆದಿತ್ಯನಾಥ್ ಭಾಗವಹಿಸಲಿದ್ದಾರೆ.

ಇವರೊಂದಿಗೆ ತಮಿಳುನಾಡು ಸಿಎಂ ಎಂಕೆ ಸ್ಟಾಲಿನ್, ರಕ್ಷಣಾ ಸಚಿವ ರಾಜನಾಥ್ ಸಿಂಗ್, ಕೇಂದ್ರ ಕೃಷಿ ಸಚಿವ ಶಿವರಾಜ್ ಸಿಂಗ್ ಚೌಹಾಣ್ ಮತ್ತು ಭಾರತದ ಮಾಜಿ ರಾಷ್ಟ್ರಪತಿ ರಾಮನಾಥ್ ಕೋವಿಂದ್ ಸೇರಿದಂತೆ ಇತರರನ್ನು ಆಹ್ವಾನಿಸಲಾಗಿದೆ.
ಇನ್ನು, ಕಾರ್ಡಶಿಯಾನ್ ಸಹೋದರಿಯರು-ಕಿಮ್ ಮತ್ತು ಖ್ಲೋ, ಪಾಡ್ಕಂಸ್ಟರ್ ಮತ್ತು ಲೈಫ್ ಕೋಚ್ ಜೇ ಶೆಟ್ಟಿ ಹಾಗೂ ಕುಸ್ತಿಪಟು-ನಟ ಜಾನ್ ಸೀನಾ ಕೂಡ ಉಪಸ್ಥಿತರಿರುವರು. ಡೆಸ್ಪಾಸಿಟೊ ಗಾಯಕ ಲೂಯಿಸ್ ರೋಡ್ರಿಗಸ್ ಅಕಾ ಲೂಯಿಸ್ ಫೋನ್ಸಿ ಮತ್ತು ಕಾಮ್ ಡೌನ್ ಖ್ಯಾತಿಯ ರೆಮಾ ವಿವಾಹದಲ್ಲಿ ಪಾಲ್ಗೊಳ್ಳಲಿದ್ದಾರೆ.

Also read: ಸಿಡಿಲು ಬಡಿದು ಒಂದೇ ದಿನ 38 ಮಂದಿ ಸಾವು | ಘಟನೆ ನಡೆದಿದ್ದೆಲ್ಲಿ?

ಇದಲ್ಲದೇ, ಅಂಬಾನಿ ವಿವಾಹಕ್ಕೆ ರಾಷ್ಟ್ರಗಳ ಮುಖ್ಯಸ್ಥರು ಮತ್ತು ಅಂತಾರಾಷ್ಟ್ರೀಯ ಗಣ್ಯರನ್ನು ಸಹ ಆಹ್ವಾನಿಸಲಾಗಿದೆ. ಜಾನ್ ಕರ‍್ರಿ, ಬ್ರಿಟನ್ ಮಾಜಿ ಪ್ರಧಾನಿಗಳಾದ ಟೋನಿ ಬ್ಲೇರ್ ಮತ್ತು ಪ್ರಧಾನಿ ಬೋರಿಸ್ ಜಾನ್ಸನ್ ಮತ್ತು ಇಟಲಿಯ ಮಾಜಿ ಪ್ರಧಾನಿ ಮ್ಯಾಟಿಯೊ ರೆಂಜಿ, ಮಾಲ್ಡೀವ್ಸ್’ನ ಮಾಜಿ ಅಧ್ಯಕ್ಷ ಮೊಹಮ್ಮದ್ ನಶೀದ್, ತಾಂಜಾನಿಯಾ ಅಧ್ಯಕ್ಷ ಎಚ್.ಇ. ಸಾಮಿಯಾ ಸುಲುಹು ಹಸನ್, ಆಸ್ಟ್ರೀಯಾದ ಮಾಜಿ ಪ್ರಧಾನಿ ಸೆಬಾಸ್ಟಿಯನ್ ಕುಜರ್, ಕೆನಡಾದ ಮಾಜಿ ಪ್ರಧಾನಿ ಸ್ಟೀಫನ್ ಹಾರ್ಪರ್ ಮತ್ತು ಸ್ವೀಡಿಷ್ ಮಾಜಿ ಪ್ರಧಾನಿ ಕಾರ್ಲ್ ಬಿಲ್ಡ್ ಅವರನ್ನೂ ಮದುವೆಗೆ ಆಹ್ವಾನಿಸಲಾಗಿದೆ.

ಮುಂಬೈ ಪೊಲೀಸ್ ಸಂಚಾರ ಸಲಹೆ
ಮದುವೆಯ ಪ್ರಮಾಣವನ್ನು ಗಮನಿಸಿದರೆ, ಮುಂಬೈ ಪೊಲೀಸರು ಟ್ರಾಫಿಕ್ ಸಲಹೆಯನ್ನು ನೀಡಿದ್ದು, ಇದು ಜುಲೈ 12 ರಿಂದ ಜುಲೈ 15 ರವರೆಗೆ ಜಾರಿಯಲ್ಲಿರುತ್ತದೆ.

ಈ ಸಲಹೆಯ ಪ್ರಕಾರ, ಬಾಂದ್ರಾ ಕುರ್ಲಾ ಕಾಂಪ್ಲೆಕ್ಸ್’ನಲ್ಲಿರುವ ಜಿಯೋ ವರ್ಲ್ಡ್ ಕನ್ವೆನ್ಷನ್ ಸೆಂರ್ಟ ಬಳಿ ಟ್ರಾಫಿಕ್ ಅನ್ನು ಬೇರೆಡೆಗೆ ತಿರುಗಿಸಲಾಗುತ್ತದೆ.
ಜುಲೈ 5 ಮತ್ತು ಜುಲೈ 12 ರಿಂದ 15, 2024 ರವರೆಗೆ ಬಾಂದ್ರಾ ಕುರ್ಲಾ ಕಾಂಪ್ಲೆಕ್ಸ್’ಲ್ಲಿರುವ ಜಿಯೋ ವರ್ಲ್ಡ್ ಕನ್ವೆನ್ಷನ್ ಸೆಂಟರ್’ನಲ್ಲಿ ಸಾರ್ವಜನಿಕ ಕಾರ್ಯಕ್ರಮದ ಕಾರಣ, ಸುಗಮ ಸಂಚಾರಕ್ಕಾಗಿ ಈ ಕೆಳಗಿನ ಸಂಚಾರ ವ್ಯವಸ್ಥೆಗಳು ಜಾರಿಯಲ್ಲಿರುತ್ತವೆ ಎಂದು ಮುಂಬೈ ಟ್ರಾಫಿಕ್ ಪೊಲೀಸರು ತಿಳಿಸಿದ್ದಾರೆ.

ಅನಂತ್ ಅಂಬಾನಿ ಮದುವೆಯ ಮೆನು
ಇನ್ನು, ಮದುವೆಯ ಮೆನುವಿನಲ್ಲಿ ಪ್ರಮುಖವಾಗಿ ವಾರಣಾಸಿಯ ಪ್ರಸಿದ್ಧ ಕಾಶಿ ಚಾಟ್ ಭಂಡಾರ್’ನಿಂದ ಚಾಟ್’ಗಳು ಇರಲಿವೆ.
ಇದರೊಂದಿಗೆ ಭಕ್ಷ್ಯಗಳು ಟಿಕ್ಕಿ, ಟೊಮೆಟೊ ಚಾಟ್, ಪಾಲಕ್ ಚಾಟ್, ಚನಾ ಕಚೋರಿ ಮತ್ತು ಕುಲ್ಫಿಗಳು ಇರುತ್ತವೆ.

ರಿಲಯನ್ಸ್ ಫೌಂಡೇಶನ್ ಮತ್ತು ಅಧ್ಯಕ್ಷೆ ನೀತಾ ಅಂಬಾನಿ ಕಳೆದ ತಿಂಗಳು ವಾರಣಾಸಿಗೆ ಭೇಟಿ ನೀಡಿದ ಸಂದರ್ಭದಲ್ಲಿ ಮೆನುವನ್ನು ಅಂತಿಮಗೊಳಿಸಿದ್ದಾರೆ.

ಸುದ್ಧಿ ಹಾಗೂ ಜಾಹೀರಾತಿಗಾಗಿ ಸಂಪರ್ಕಿಸಿ: Whatsapp: 9008761663, 9481252093 – info@kalpa.news