ಮೀಟರ್ ಬಡ್ಡಿ ದಂಧೆಗೆ ಮತ್ತೊಂದು ಬಲಿ | ಶಿವಮೊಗ್ಗ ನಗರಸಭೆ ಮಾಜಿ ಸದಸ್ಯ ಲಕ್ಷ್ಮಣ್ ಆತ್ಮಹತ್ಯೆ

ಕಲ್ಪ ಮೀಡಿಯಾ ಹೌಸ್  |  ಶಿವಮೊಗ್ಗ  |

ನಗರದಲ್ಲಿ ನಡೆಯುತ್ತಿರುವ ಮೀಟರ್ ಬಡ್ಡಿ ದಂಧೆಗೆ ಮತ್ತೊಂದು ಬಲಿಯಾಗಿದೆ. ಇತ್ತೀಚೆಗೆ ಶಿವಮೊಗ್ಗ ನಗರದಲ್ಲಿ ಬಡ್ಡಿ ವ್ಯವಹಾರ ಮಿತಿ ಮೀರುತ್ತಿದ್ದು, ಇದು ಹಲವರ ಪ್ರಾಣಕ್ಕೂ ಕೂಡ ಕುತ್ತಾಗಿದೆ.

ಈ ಸಾಲಿಗೆ ಈ ಬಾರಿ ಪಾಲಿಕೆ ಮಾಜಿ ಸದಸ್ಯ ಹೊಸಮನೆ ವಾರ್ಡ್‌ನ ಆರ್. ಲಕ್ಷ್ಮಣ್ ಬಲಿಯಾಗಿದ್ದಾರೆ. ಇವರು ಶಿವಮೊಗ್ಗದ ಬಡ್ಡಿ ವ್ಯವಹಾರದಾರ ಮೋಹನ್ ಜಿ. ಎಂಬಾತನ ಬಳಿ ಸಾಲ ಮಾಡಿದ್ದರು. ಸಾಕಷ್ಟು ಬಡ್ಡಿ ನೀಡಿದ್ದರೂ ಕೂಡ ಮೋಹನ್ ಹಣಕ್ಕಾಗಿ ಬೇಡಿಕೆ ಇಟ್ಟು ನಂತರ ಕಿರುಕುಳ ಕೊಡತೊಡಗಿದ. ಇದನ್ನು ತಾಳಲಾರದೇ ಲಕ್ಷ್ಮಣ್ ಗೋಪಾಳದ ಒಂದು ಪಾರ್ಕ್ನಲ್ಲಿ ನ. 22 ರಂದು ಸಂಜೆ 4 ಗಂಟೆಗೆ ವಿಷ ಸೇವಿಸಿ ಆತ್ಮಹತ್ಯೆಗೆ ಪ್ರಯತ್ನಿಸಿದ್ದ ಲಕ್ಷ್ಮಣ್ ಅವರನ್ನು ನಗರದ ಖಾಸಗಿ ಆಸ್ಪತ್ರೆಗೆ ದಾಖಲಿಸಲಾಗಿತ್ತು. ನ. 23ರಂದು ಸಂಜೆ 5 ಗಂಟೆಗೆ ಚಿಕಿತ್ಸೆ ಫಲಕಾರಿಯಾಗದೇ ಅವರು ಮೃತಪಟ್ಟಿದ್ದಾರೆ.

Also read: ಅನ್ನದಾತನಿಗೆ ಆರ್ಥಿಕ ಭದ್ರತೆ ಜೊತೆ ಸಾಮಾಜಿಕ ಮನ್ನಣೆ | 300 ರೈತರಿಗೆ ‘ಭೂಮಿ’ ಪ್ರಶಸ್ತಿ
ಲಕ್ಷ್ಮಣ್ ಅವರ ಪುತ್ರ ಸಿ. ಪ್ರದೀಪ್ ಅವರು ತುಂಗಾನಗರ ಠಾಣೆ ಪೊಲೀಸರಿಗೆ ದೂರು ನೀಡಿ ನಮ್ಮ ತಂದೆಯ ಸಾವಿಗೆ ಜಿ. ಮೋಹನ್, ಅವರ ಪುತ್ರ ಪೃಥ್ವಿ ಹಾಗೂ ವೆಂಕಟೇಶ್ ಎನ್ನುವವರು ಕಾರಣರಾಗಿದ್ದು, ಅವರ ವಿರುದ್ದ ಕ್ರಮ ತೆಗೆದುಕೊಳ್ಳಬೇಕೆಂದು ದೂರಿನಲ್ಲಿ ಮನವಿ ಮಾಡಿದ್ದಾರೆ. ಪ್ರಕರಣ ದಾಖಲಿಸಿಕೊಂಡ ಪೊಲೀಸರು ತನಿಖೆ ಕೈಗೊಂಡಿದ್ದಾರೆ.

ಸುದ್ಧಿ ಹಾಗೂ ಜಾಹೀರಾತಿಗಾಗಿ ಸಂಪರ್ಕಿಸಿ: Whatsapp: 9008761663, 9481252093 – info@kalpa.news