ನವೆಂಬರ್‌ 3ರಂದು ಉದ್ರಿ ಗ್ರಾಮದಲ್ಲಿ ಮಲೆನಾಡ ಕೆರೆ, ಕಾನು ಸಮಾವೇಶ

ಕಲ್ಪ ಮೀಡಿಯಾ ಹೌಸ್ | ಸೊರಬ |

ಮಲೆನಾಡ ಕೆರೆ, ಕಾನು ಸಮಾವೇಶ ತಾಲ್ಲೂಕು ಐತಿಹಾಸಿಕ ತಾಣ ಉದ್ರಿ ಗ್ರಾಮದಲ್ಲಿ ನವೆಂಬರ್‌ 3ರಂದು ಜರುಗಲಿದೆ ಎಂದು ಅನಂತಹೆಗಡೆ ಅಶಿಸರ Ananthahegde Ashisara ತಿಳಿಸಿದ್ದಾರೆ.

ತಾಲ್ಲೂಕು ಉದ್ರಿ ಗ್ರಾಪಂನಲ್ಲಿ ನಡೆದ ಪೂರ್ವಭಾವಿ ಸಭೆ ಉದ್ಧೇಶಿಸಿ ಮಾತನಾಡಿದ ಅವರು, ತಾಪಂ ಜೀವವೈವಿಧ್ಯ ನಿರ್ವಹಣಾ ಸಮಿತಿ, ಉದ್ರಿ ಗ್ರಾಪಂ ಜೀವವೈವಿಧ್ಯ ಸಮಿತಿ ಹಾಗೂ ವೃಕ್ಷಲಕ್ಷ ಆಂದೋಲನ, ಪಜಾಟ್ರಸ್ಟ್ ಮುಂತಾದ ಪರಿಸರ ಸಂಘಸಂಸ್ಥೆಗಳ ಸಹಯೋಗದಲ್ಲಿ ಜರುಗಲಿದೆ.

ರಾಜ್ಯದ ವಿಜ್ಞಾನಿಗಳು, ವಿಶೇಷ ಅಧಿಕಾರಿಗಳು, ವಿವಿಧ ಇಲಾಖೆ ಅಧಿಕಾರಿಗಳು, ವಿವಿಧ ಜಿಲ್ಲೆಯ ಪರಿಸರ ಕಾರ್ಯಕರ್ತರು ಪಾಲ್ಗೊಳ್ಳುತ್ತಾರೆ.

Also read: ರಾಜ್ಯೋತ್ಸವ, ದೀಪಾವಳಿ ವಿಶೇಷ ನ.3ರಿಂದ ಆಭರಣಗಳ ವೈಶಿಷ್ಟ್ಯ “ದಿ ಜ್ಯುವೆಲ್ಲರಿ ಶೋ” ಪ್ರಾರಂಭ

ಜೀವವೈವಿಧ್ಯ ಜಾಗೃತಿ, ಜಲಮೂಲಗಳ, ಜಲಾನಯನಗಳ ಕಾನುಗಳ ರಕ್ಷಣೆಗೆ ಪಾರಂಪರಿಕ ಪದ್ಧತಿಯನ್ನು ರಕ್ಷಿಸುವ ಪ್ರಯತ್ನಗಳು, ಯಶೋಗಾಥೆ ಮಂಡನೆ, ಕೆರೆ ನಾಶ, ಕಾನು ನಾಶ ತಡೆಯಲು ಸಂಘಟಿತ ಜಂಟಿ ಪ್ರಯತ್ನಗಳು, ಸರ್ಕಾರ, ಸಂಸ್ಥೆಗಳ ಪ್ರಯೋಗಗಳ ಮಾಹಿತಿ ವಿನಿಮಯ, ಕೆರೆ ಕಾನು ಉಳಿಸಿ ಅಭಿಯಾನ ಬಲಪಡಿಸುವ ಉದ್ಧೇಶ ಈ ಸಮಾವೇಶದ್ದಾಗಿದೆ ಎಂದು ಅವರು ತಿಳಿಸಿದ್ದಾರೆ.

ಗ್ರಾಪಂ ಅಧ್ಯಕ್ಷೆ ಲಕ್ಷ್ಮೀ ಅಧ್ಯಕ್ಷತೆಯಲ್ಲಿ ಸದಸ್ಯರು, ಪಿಡಿಒ ಹೋಮೇಶ್, ತಾಪಂ ಸಹಾಯಕ ನಿರ್ದೇಶಕ ಶ್ರೀರಾಮ್, ಡಾ.ಮಹೇಶ್, ಸಿ.ಪಿ.ಈರೇಶಗೌಡ, ಪ್ರೌಢಶಾಲೆ, ಮಾಧ್ಯಮಿಕ ಶಾಲೆಯ ಮುಖ್ಯೋಪಾಧ್ಯಾಯರು, ಗ್ರಾಪಂ ಸಿಬ್ಬಂದಿ ಮೊದಲಾದವರಿದ್ದರು.

ಹೆಚ್ಚಿನ ಮಾಹಿತಿಗಾಗಿ 8197553400 ಮೂಲಕ ಸಂಪರ್ಕಿಸಬಹುದು.

ವರದಿ: ಮಧುರಾಮ್, ಸೊರಬ