ಬರಲಿದೆ ವಂದೇ ಭಾರತ್ ಸ್ಲೀಪರ್ ಕ್ಲಾಸ್ | ಹೇಗಿದೆ ನೋಡಿ ವಿಶ್ವದರ್ಜೆಯ ಕೋಚ್

ಕಲ್ಪ ಮೀಡಿಯಾ ಹೌಸ್  |  ನವದೆಹಲಿ  |

ಪ್ರಧಾನಿ ನರೇಂದ್ರ ಮೋದಿ #PMNarendraModi ಸರ್ಕಾರದ ಕನಸಿದ ವಂದೇ ಭಾರತ್ ರೈಲು #BandeBharat ಸಂಚಾರ ದೇಶದ ಹಲವು ಮಾರ್ಗಗಳಲ್ಲಿ ಯಶಸ್ವಿಯಾಗಿ, ಜನಮೆಚ್ಚುಗೆಗೆ ಪಾತ್ರವಾಗಿರುವ ಬೆನ್ನಲ್ಲೇ ಇದೇ ರೈಲಿನಲ್ಲಿ ಸ್ಲೀಪರ್ ಕ್ಲಾಸ್ ಕೋಚ್’ಗಳನ್ನೂ #SleeperCoach ಸಹ ಪರಿಚಯಿಸಲು ಸಿದ್ದತೆಗಳು ನಡೆದಿವೆ.

ಹೌದು… ವಿಮಾನ ಪ್ರಯಾಣದ #Flight ಅನುಭೂತಿ ನೀಡುವ ವಂದೇ ಭಾರತ್ ರೈಲು ಈಗಾಗಲೇ ಪ್ರಯಾಣಿಕರ ಮೆಚ್ಚುಗೆಗೆ ಪಾತ್ರವಾಗಿವೆ. ಇಂತಹ ಅತ್ಯುನ್ನತ ದರ್ಜೆಯ ಈ ರೈಲಿನಲ್ಲಿ ಅತಿ ಶೀಘ್ರದಲ್ಲಿಯೇ ಸ್ಲೀಪರ್ ಕ್ಲಾಸ್ ಬೋಗಿಗಳನ್ನೂ ಸಹ ಅಳವಡಿಸಲು ರೈಲ್ವೆ ಇಲಾಖೆ ಮುಂದಾಗಿದೆ.
ಈ ಕುರಿತಂತೆ ರೈಲ್ವೆ ಸಚಿವ ಅಶ್ವಿನಿ ವೈಷ್ಣವ್ #AshwiniVaishnav ಟ್ವೀಟ್ ಮಾಡಿದ್ದು, 2024ಕ್ಕೂ ಮುನ್ನವೇ ಅಂದರೆ ಈ ವರ್ಷಾಂತ್ಯಕ್ಕೆ ವಂದೇ ಭಾರತ್ ರೈಲಿಗೆ ಸ್ಲೀಪರ್ ಕೋಚ್’ಗಳನ್ನು ಅಳವಡಿಸಲಾಗುತ್ತದೆ. ಇದಕ್ಕಾಗಿ ಸಿದ್ದತೆಗಳು ನಡೆದಿದ್ದು, ಅತಿ ಶೀಘ್ರದಲ್ಲೇ ಪ್ರಯಾಣಿಕರಿಗೆ ಲಭ್ಯವಾಗಲಿದೆ ಎಂದಿದ್ದಾರೆ.

ವಂದೇ ಭಾರತ್ ರೈಲಿನಲ್ಲಿ ಅಳವಡಿಸಲಾಗುವ ಸ್ಲೀಪರ್ ಕ್ಲಾಸ್ ಬೋಗಿಗಳ ವಿನ್ಯಾಸದ ಚಿತ್ರಗಳನ್ನು ಸಚಿವರು ಹಂಚಿಕೊಂಡಿದ್ದು, ಇವು ವಿಶ್ವದರ್ಜೆಯ ಹಂತದಲ್ಲಿವೆ.
ಈ ಕುರಿತಂತೆ ಶಿವಮೊಗ್ಗ ಸಂಸದ ಬಿ.ವೈ. ರಾಘವೇಂದ್ರ ಅವರು ಟ್ವೀಟ್ ಮಾಡಿದ್ದು, ಸದ್ಯದಲ್ಲೇ ಬರ್ತಿದೆ, ವಂದೇಭಾರತ್ ಎಕ್ಸ್’ಪ್ರೆಸ್ಸಿನ ಸ್ಲೀಪರ್ ಮಾದರಿ ಟ್ರೈನುಗಳು! ಕೇವಲ ಹತ್ತು ವರ್ಷಗಳ ಹಿಂದೆ ಇಂಥವನ್ನೆಲ್ಲಾ ನಮ್ಮ ದೇಶದಲ್ಲಿ ಕಾಣುವುದು ಅಸಾಧ್ಯ ಅನ್ನುವ ಭಾವನೆಯಿತ್ತು! ಭಾರತ ಬದಲಾಗಿದೆ ಎಂದಿದ್ದಾರೆ.