ವಿಶ್ವದಾದ್ಯಂತ ಕೊರೋನಾ ವೈರಸ್’ಗೆ ಬಲಿಯಾದವರ ಸಂಖ್ಯೆ 8 ಸಾವಿರಕ್ಕೆ ಏರಿಕೆ

ನವದೆಹಲಿ: ವಿಶ್ವದಾದ್ಯಂತ ಮಾರಕ ಕೊರೋನಾ ವೈರಸ್’ಗೆ ಬಲಿಯಾದವರ ಸಂಖ್ಯೆ 8 ಸಾವಿರ ದಾಟಿದ್ದು, ಸೋಂಕಿತರ ಸಂಖ್ಯೆ 2 ಲಕ್ಷ ದಾಟಿದೆ.

ಪ್ರಮುಖವಾಗಿ ಯುರೋಪ್ ಹಾಗೂ ಏಷ್ಯಾ ರಾಷ್ಟ್ರಗಳಲ್ಲೇ ಸಾವಿಗೀಡಾದವರ ಸಂಖ್ಯೆ ಅಧಿಕವಾಗಿದ್ದು, ಸೋಂಕು ಆರಂಭವಾದ ಚೀನಾದಲ್ಲಿ ಅತಿ ಹೆಚ್ಚು ಮರಣದ ಸಂಖ್ಯೆ ದಾಖಲಾಗಿದೆ.

ಕಳೆದ 24 ಗಂಟೆಗಳಲ್ಲಿ ಕನಿಷ್ಠ 684 ಹೊಸ ಸಾವುಗಳೊಂದಿಗೆ, ಯುರೋಪ್ ಕರೋನಾ ವೈರಸ್ ಏಕಾಏಕಿ ಹೊಸ ಕೇಂದ್ರಬಿಂದುವಾಗಿದೆ. ಕೋವಿಡ್-19 ವೈರಸ್‌ನಿಂದಾಗಿ ಬುಧವಾರ 400 ಕ್ಕೂ ಹೆಚ್ಚು ಸಾವುಗಳಿಗೆ ಸಾಕ್ಷಿಯಾದ ಇಟಲಿ ಸೇರಿದಂತೆ ಯುರೋಪಿನಲ್ಲಿ ಲಕ್ಷಾಂತರ ಜನರನ್ನು ಲಾಕ್’ಡೌನ್ ಮಾಡಲಾಗಿದೆ. ಯುರೋಪಿಯನ್ ಯೂನಿಯನ್ ಬುಧವಾರ ತುರ್ತು ಕಾರ್ಯರೂಪಗಳನ್ನು ಜಾರಿಗೆ ತಂದಿದ್ದು,  ಮಾರಕ ವೈರಸ್ ಹರಡುವುದನ್ನು ತಡೆಯುವ ಸಲುವಾಗಿ ತನ್ನ ಗಡಿಗಳನ್ನು ಮುಚ್ಚಲು ನಿರ್ಧರಿಸಿದೆ.