ಮಹಿಳಾ ದಿನಾಚರಣೆ ಹಿನ್ನೆಲೆ: ಮಹಿಳೆಯರಿಗೋಸ್ಕರ ಸ್ಪರ್ಧೆ, ಸಾಂಸ್ಕೃತಿಕ ಕಾರ್ಯಕ್ರಮ

ಕಲ್ಪ ಮೀಡಿಯಾ ಹೌಸ್  |  ಬೆಂಗಳೂರು  |

ಮಹಿಳಾ ದಿನಾಚರಣೆಯ ಹಿನ್ನೆಲೆ ಅಖಿಲ ಹವ್ಯಕ ಮಹಾಸಭೆಯಿಂದ ಮಾರ್ಚ್ 10ರ ಭಾನುವಾರದಂದು ‘ಮಹಿಳೆಯರಿಂದ ~ ಮಹಿಳೆಯರಿಗಾಗಿ ~ ಮಹಿಳೆಯರಿಗೋಸ್ಕರ ಸ್ಪರ್ಧೆ ಮತ್ತು ಸಾಂಸ್ಕೃತಿಕ ಕಾರ್ಯಕ್ರಮಗಳನ್ನು ಆಯೋಜಿಸಲಾಗಿದೆ.

ನಗರದ ಮಲ್ಲೇಶ್ವರಂನಲ್ಲಿರುವ ಹವ್ಯಕ ಭವನದಲ್ಲಿ ಮಧ್ಯಾಹ್ನ 3 ರಿಂದ4 ಗಂಟೆ ವರೆಗೆ ವಿವಿಧ ವಿಶಿಷ್ಟ ಸ್ಪರ್ಧೆ ನಡೆಯಲಿದ್ದು, ಬಳಿಕ ಸಭಾ ಕಾರ್ಯಕ್ರಮ ಜರುಗಲಿದೆ. ಮಹಾಸಭೆ ಅಧ್ಯಕ್ಷರಾದ ಡಾ. ಗಿರಿಧರ ಕಜೆ ಕಾರ್ಯಕ್ರಮದ ಅಧ್ಯಕ್ಷತೆ ವಹಿಸಲಿದ್ದು, ಹವ್ಯಕ ಮಹಿಳಾ ವೇದಿಕೆ ಸಂಚಾಲಕಿ ಮಿತಿ ಭಟ್ ಕೆಕ್ಕಾರು ಉಪಸ್ಥಿತಿತರಿರಲಿದ್ದಾರೆ.
DRDO ದ ವಿಜ್ಞಾನಿ ಬ್ರಿಗೇಡಿಯರ್ ಹೇಮಾ ಭಟ್, ಖ್ಯಾತ ಅಂತಃಸ್ರಾವ ತಜ್ಞೆ ಡಾ. ಅಂಜನಾ ಹುಲ್ಸೆ, ಖ್ಯಾತ ಭರತನಾಟ್ಯ ಕಲಾವಿದರಾದ ಸೀಮಾ ಹಾಗೂ ದೀಪಾ‌ಭಾಗ್ವತ್ ಹಾಗೂ ಸುಖನ್ಯಾ ಸಂಪತ್ ಕಾರ್ಯಕ್ರಮದಲ್ಲಿ ಅಭ್ಯಾಗತರಾಗಿ ಆಗಮಿಸಲಿದ್ದಾರೆ.

Also read: ಬಿಗಿ ಭದ್ರತೆಯೊಂದಿಗೆ ರಾಮೇಶ್ವರಂ ಕೆಫೆ ಮತ್ತೆ ಕಾರ್ಯಾರಂಭ

ಅಂತಾರಾಷ್ಟ್ರೀಯ ಖ್ಯಾತಿಯ ಥ್ರೋಬಾಲ್ ಆಟಗಾರ್ತಿ ಸಂಪೂರ್ಣ ಹೆಗಡೆಯವರಿಂದ Beauty with Throwball ವಿಶೇಷ ಕಾರ್ಯಕ್ರಮವನ್ನು ಹಿರಿಯ ಮಹಿಳೆಯರು ಹಾಗೂ ಯುವತಿಯರಿಗಾಗಿ ಆಯೋಜಿಸಲಾಗಿದೆ.

ಸುದ್ಧಿ ಹಾಗೂ ಜಾಹೀರಾತಿಗಾಗಿ ಸಂಪರ್ಕಿಸಿ: Whatsapp: 9008761663, 9481252093 – info@kalpa.news