ಟಿಡಿಪಿ ಎನ್’ಡಿಎ ಜೊತೆಗಿದೆಯಾ? ಚಂದ್ರಬಾಬು ನಾಯ್ಡು ಬಿಗ್ ಸ್ಟೇಟ್ಮೆಂಟ್

ಕಲ್ಪ ಮೀಡಿಯಾ ಹೌಸ್  |  ಹೈದರಾಬಾದ್  |

ಲೋಕಸಭಾ ಚುನಾವಣೆಯ ಫಲಿತಾಂಶದ #Lok Sabha Election Result ನಂತರ ಎನ್’ಡಿಎ ಅಧಿಕಾರಕ್ಕೆ ಬರುವ ಹಂತದಲ್ಲಿರುವ ವೇಳೆಯೇ ಮೈತ್ರಿ ಪಕ್ಷವಾದ ಟಿಡಿಪಿ #TDP ಜೊತೆಗಿದೆಯೇ ಎಂಬ ವಿಚಾರದ ಕುರಿತಾಗಿ ಸ್ವತಃ ಚಂದ್ರಬಾಬು ನಾಯ್ಡು #Chandrababu Naidu ಮಹತ್ವದ ಹೇಳಿಕೆ ನೀಡಿದ್ದಾರೆ.

ವಿಧಾನಸಭಾ ಚುನಾವಣೆಯಲ್ಲಿ ಗೆದ್ದು, ದೆಹಲಿಯಲ್ಲಿ ಎನ್’ಡಿಎ #NDA ಸಭೆಯಲ್ಲಿ ಪಾಲ್ಗೊಳ್ಳುವ ಮುನ್ನ ನಡೆಸಿದ ಮಹತ್ವದ ಸುದ್ದಿಗೋಷ್ಠಿಯಲ್ಲಿ ಅವರು ಮಾತನಾಡಿದರು.
ಇಂಡಿ #INDIA ಒಕ್ಕೂಟದಿಂದ ನಿಮಗೆ ಆಹ್ವಾನ ಬಂದಿದೆಯಾ? ಅಲ್ಲಿಗೆ ಹೋಗುತ್ತೀರಾ ಎಂಬ ಪ್ರಶ್ನೆ ಉತ್ತರಿಸಿದ ಅವರು ನಾವು ಎನ್’ಡಿಎ ಜೊತೆಗೆ ಇದ್ದೆವು, ಈಗಲೂ ಇದ್ದೇವೆ, ಮುಂದೆಯೂ ಸಹ ಇರುತ್ತೇವೆ ಎಂದು ಸ್ಪಷ್ಠಪಡಿಸಿದರು.

ಈಗಾಗಲೇ ನಾವು ಹೇಳಿದಂತೆ ಎನ್’ಡಿಎ ಒಕ್ಕೂಟದೊಂದಿಗೆ ಇದ್ದೇವೆ. ಅದರಲ್ಲಿ ಅನುಮಾನವಿಲ್ಲ. ಈಗ ದೆಹಲಿಗೆ ತೆರಳಿ ಎನ್’ಡಿಎ ಸಭೆಯಲ್ಲಿ ಪಾಲ್ಗೊಳ್ಳುತ್ತಿದ್ದೇನೆ ಎಂದರು.
ಆದರೆ, ಕೊನೆಯಲ್ಲಿ ಹೊರಡುವ ಮುನ್ನ ಏನಾದರೂ ಮಹತ್ವದ ವಿಚಾರ, ಬದಲಾವಣೆ ಇದ್ದರೆ ತಿಳಿಸುತ್ತೇನೆ ಎಂದು ಹೇಳುವ ಮೂಲಕ ಸ್ವಲ್ಪ ಅನುಮಾನವನ್ನೂ ಸಹ ಬಿಟ್ಟಿದ್ದಾರೆ.

ಸುದ್ಧಿ ಹಾಗೂ ಜಾಹೀರಾತಿಗಾಗಿ ಸಂಪರ್ಕಿಸಿ: Whatsapp: 9008761663, 9481252093 – info@kalpa.news