ಕಲ್ಪ ಮೀಡಿಯಾ ಹೌಸ್ | ಘಟಪ್ರಭಾ |
ಪ್ರಯಾಣಿಕರ ಅನುಕೂಲಕ್ಕಾಗಿ ನೈಋತ್ಯ ರೈಲ್ವೆಯು (SWR) ಮಹತ್ವದ ನಿರ್ಧಾರ ಕೈಗೊಂಡಿದ್ದು, ಘಟಪ್ರಭಾ (Ghataprabha) ರೈಲು ನಿಲ್ದಾಣದಲ್ಲಿ 8 ಎಕ್ಸ್ಪ್ರೆಸ್ ರೈಲುಗಳಿಗೆ ಪ್ರಾಯೋಗಿಕ ನಿಲುಗಡೆ ಒದಗಿಸಲು ತೀರ್ಮಾನಿಸಿದೆ.
ಈ ನಿಲುಗಡೆಗಳು ಆಗಸ್ಟ್ 24, 2026ರಿಂದ ಹಂತ ಹಂತವಾಗಿ ಜಾರಿಗೆ ಬರಲಿದ್ದು, ಮುಂದಿನ ಸೂಚನೆ ಬರುವವರೆಗೆ ಪ್ರಾಯೋಗಿಕವಾಗಿ ಮುಂದುವರಿಯಲಿವೆ.
ಅಜ್ಮೇರ್, ಜೋಧ್ಪುರ ಮತ್ತು ಗಾಂಧಿಧಾಮ್ ಸಂಪರ್ಕ ಕಲ್ಪಿಸುವ ಈ ರೈಲುಗಳ ನಿಲುಗಡೆಯಿಂದ ಘಟಪ್ರಭಾ ಹಾಗೂ ಸುತ್ತಮುತ್ತಲಿನ ಪ್ರದೇಶಗಳ ಪ್ರಯಾಣಿಕರಿಗೆ ಹೆಚ್ಚಿನ ಅನುಕೂಲವಾಗಲಿದೆ. ಬೆಂಗಳೂರು ಮತ್ತು ಮೈಸೂರು ಸೇರಿದಂತೆ ವಿವಿಧ ಪ್ರಮುಖ ನಗರಗಳಿಗೆ ಪ್ರಯಾಣಿಸುವ ಪ್ರಯಾಣಿಕರು ಘಟಪ್ರಭಾ ನಿಲ್ದಾಣದಿಂದಲೇ ಈ ರೈಲುಗಳನ್ನು ಬಳಸಿಕೊಳ್ಳಬಹುದಾಗಿದೆ.
ಯಾವ ರೈಲುಗಳಿಗೆ ನಿಲುಗಡೆ?
ಅಜ್ಮೇರ್–ಕೆಎಸ್ಆರ್ ಬೆಂಗಳೂರು ಸಾಪ್ತಾಹಿಕ ಎಕ್ಸ್ಪ್ರೆಸ್
ರೈಲು ಸಂಖ್ಯೆ 16531 ಅಜ್ಮೇರ್–ಕೆಎಸ್ಆರ್ ಬೆಂಗಳೂರು ಸಾಪ್ತಾಹಿಕ ಎಕ್ಸ್ಪ್ರೆಸ್ ರೈಲು ಆಗಸ್ಟ್ 24, 2026ರಿಂದ ಘಟಪ್ರಭಾ ನಿಲ್ದಾಣದಲ್ಲಿ ಬೆಳಿಗ್ಗೆ 8.28ಕ್ಕೆ ಆಗಮಿಸಿ, 8.30ಕ್ಕೆ ನಿರ್ಗಮಿಸಲಿದೆ.
Also read>> ಮೈಸೂರು–ಹೌರಾ ಸೂಪರ್ಫಾಸ್ಟ್ ರೈಲಿನ ಕುರಿತಾಗಿ ಬಿಗ್ ಅಪ್ಡೇಟ್
ಕೆಎಸ್ಆರ್ ಬೆಂಗಳೂರು–ಅಜ್ಮೇರ್ ಸಾಪ್ತಾಹಿಕ ಎಕ್ಸ್ಪ್ರೆಸ್
ರೈಲು ಸಂಖ್ಯೆ 16532 ಕೆಎಸ್ಆರ್ ಬೆಂಗಳೂರು–ಅಜ್ಮೇರ್ ಸಾಪ್ತಾಹಿಕ ಎಕ್ಸ್ಪ್ರೆಸ್ ಆಗಸ್ಟ್ 28, 2026ರಿಂದ ಘಟಪ್ರಭಾ ನಿಲ್ದಾಣದಲ್ಲಿ 10.48ಕ್ಕೆ ಆಗಮಿಸಿ, 10.50ಕ್ಕೆ ನಿರ್ಗಮಿಸಲಿದೆ.
ಅಜ್ಮೇರ್–ಮೈಸೂರು ದ್ವಿ-ಸಾಪ್ತಾಹಿಕ ಎಕ್ಸ್ಪ್ರೆಸ್
ರೈಲು ಸಂಖ್ಯೆ 16209 ಅಜ್ಮೇರ್–ಮೈಸೂರು ದ್ವಿ-ಸಾಪ್ತಾಹಿಕ ಎಕ್ಸ್ಪ್ರೆಸ್ ಆಗಸ್ಟ್ 28, 2026ರಿಂದ ಘಟಪ್ರಭಾ ನಿಲ್ದಾಣದಲ್ಲಿ ಬೆಳಿಗ್ಗೆ 8.28ಕ್ಕೆ ಆಗಮಿಸಿ, 8.30ಕ್ಕೆ ನಿರ್ಗಮಿಸಲಿದೆ.
ಮೈಸೂರು–ಅಜ್ಮೇರ್ ದ್ವಿ-ಸಾಪ್ತಾಹಿಕ ಎಕ್ಸ್ಪ್ರೆಸ್
ರೈಲು ಸಂಖ್ಯೆ 16210 ಮೈಸೂರು–ಅಜ್ಮೇರ್ ದ್ವಿ-ಸಾಪ್ತಾಹಿಕ ಎಕ್ಸ್ಪ್ರೆಸ್ ಆಗಸ್ಟ್ 25, 2026ರಿಂದ ಘಟಪ್ರಭಾ ನಿಲ್ದಾಣದಲ್ಲಿ 10.48ಕ್ಕೆ ಆಗಮಿಸಿ, 10.50ಕ್ಕೆ ನಿರ್ಗಮಿಸಲಿದೆ.
ಗಾಂಧಿಧಾಮ್–ಕೆಎಸ್ಆರ್ ಬೆಂಗಳೂರು ಸಾಪ್ತಾಹಿಕ ಎಕ್ಸ್ಪ್ರೆಸ್
ರೈಲು ಸಂಖ್ಯೆ 20685 ಗಾಂಧಿಧಾಮ್–ಕೆಎಸ್ಆರ್ ಬೆಂಗಳೂರು ಸಾಪ್ತಾಹಿಕ ಎಕ್ಸ್ಪ್ರೆಸ್ ಆಗಸ್ಟ್ 25, 2026ರಿಂದ ಘಟಪ್ರಭಾ ನಿಲ್ದಾಣದಲ್ಲಿ ಬೆಳಿಗ್ಗೆ 8.28ಕ್ಕೆ ಆಗಮಿಸಿ, 8.30ಕ್ಕೆ ನಿರ್ಗಮಿಸಲಿದೆ.
ಕೆಎಸ್ಆರ್ ಬೆಂಗಳೂರು–ಗಾಂಧಿಧಾಮ್ ಸಾಪ್ತಾಹಿಕ ಎಕ್ಸ್ಪ್ರೆಸ್
ರೈಲು ಸಂಖ್ಯೆ 20686 ಕೆಎಸ್ಆರ್ ಬೆಂಗಳೂರು–ಗಾಂಧಿಧಾಮ್ ಸಾಪ್ತಾಹಿಕ ಎಕ್ಸ್ಪ್ರೆಸ್ ಆಗಸ್ಟ್ 29, 2026ರಿಂದ ಘಟಪ್ರಭಾ ನಿಲ್ದಾಣದಲ್ಲಿ 10.48ಕ್ಕೆ ಆಗಮಿಸಿ, 10.50ಕ್ಕೆ ನಿರ್ಗಮಿಸಲಿದೆ.
ಜೋಧ್ಪುರ–ಕೆಎಸ್ಆರ್ ಬೆಂಗಳೂರು ಸಾಪ್ತಾಹಿಕ ಎಕ್ಸ್ಪ್ರೆಸ್
ರೈಲು ಸಂಖ್ಯೆ 16533 ಜೋಧ್ಪುರ–ಕೆಎಸ್ಆರ್ ಬೆಂಗಳೂರು ಸಾಪ್ತಾಹಿಕ ಎಕ್ಸ್ಪ್ರೆಸ್ ಆಗಸ್ಟ್ 26, 2026ರಿಂದ ಘಟಪ್ರಭಾ ನಿಲ್ದಾಣದಲ್ಲಿ ಬೆಳಿಗ್ಗೆ 8.28ಕ್ಕೆ ಆಗಮಿಸಿ, 8.30ಕ್ಕೆ ನಿರ್ಗಮಿಸಲಿದೆ.
ಕೆಎಸ್ಆರ್ ಬೆಂಗಳೂರು–ಜೋಧ್ಪುರ ಸಾಪ್ತಾಹಿಕ ಎಕ್ಸ್ಪ್ರೆಸ್
ರೈಲು ಸಂಖ್ಯೆ 16534 ಕೆಎಸ್ಆರ್ ಬೆಂಗಳೂರು–ಜೋಧ್ಪುರ ಸಾಪ್ತಾಹಿಕ ಎಕ್ಸ್ಪ್ರೆಸ್ ಆಗಸ್ಟ್ 30, 2026ರಿಂದ ಘಟಪ್ರಭಾ ನಿಲ್ದಾಣದಲ್ಲಿ 10.48ಕ್ಕೆ ಆಗಮಿಸಿ, 10.50ಕ್ಕೆ ನಿರ್ಗಮಿಸಲಿದೆ.
ಪ್ರಯಾಣಿಕರಿಗೆ ಹೆಚ್ಚಿನ ಅನುಕೂಲ
ಘಟಪ್ರಭಾ ನಿಲ್ದಾಣದಲ್ಲಿ ಈ ರೈಲುಗಳಿಗೆ ಒದಗಿಸಲಾಗಿರುವ ಪ್ರಾಯೋಗಿಕ ನಿಲುಗಡೆಯಿಂದ ದೂರದ ನಗರಗಳಿಗೆ ಪ್ರಯಾಣಿಸುವ ಸ್ಥಳೀಯರಿಗೆ ಹೆಚ್ಚಿನ ಅನುಕೂಲವಾಗಲಿದೆ. ಇದುವರೆಗೆ ಅಜ್ಮೇರ್, ಜೋಧ್ಪುರ ಮತ್ತು ಗಾಂಧಿಧಾಮ್ ಮಾರ್ಗದ ಈ ರೈಲುಗಳನ್ನು ಬಳಸಿಕೊಳ್ಳಲು ದೂರದ ರೈಲು ನಿಲ್ದಾಣಗಳಿಗೆ ತೆರಳಬೇಕಾಗಿದ್ದ ಪ್ರಯಾಣಿಕರಿಗೆ ಇದೀಗ ಘಟಪ್ರಭಾದಲ್ಲೇ ನೇರವಾಗಿ ರೈಲು ಹತ್ತುವ ಅವಕಾಶ ದೊರೆಯಲಿದೆ.
ಪ್ರಯಾಣಿಕರು ರೈಲುಗಳ ನಿಲುಗಡೆ, ದಿನಾಂಕ ಮತ್ತು ಸಮಯವನ್ನು ಗಮನದಲ್ಲಿಟ್ಟುಕೊಂಡು ತಮ್ಮ ಪ್ರಯಾಣವನ್ನು ಯೋಜಿಸಿಕೊಳ್ಳುವಂತೆ ರೈಲ್ವೆ ಇಲಾಖೆ ತಿಳಿಸಿದೆ.
ಸುದ್ಧಿ ಹಾಗೂ ಜಾಹೀರಾತಿಗಾಗಿ ಸಂಪರ್ಕಿಸಿ: Whatsapp: 9008761663, 9481252093 – info@kalpa.news 
