ಕಲ್ಪ ಮೀಡಿಯಾ ಹೌಸ್ | ಶಿವಮೊಗ್ಗ |
ಕಳೆದ ಕೆಲ ದಿನಗಳಿಂದ ಏರಿಳಿತ ಕಾಣುತ್ತಿದ್ದ ಅಡಿಕೆ ದರದಲ್ಲಿ ಇದೀಗ ಇಳಿಕೆ ಕಂಡುಬಂದಿದ್ದು, (Shivamogga) ಶಿವಮೊಗ್ಗ ಜಿಲ್ಲೆಯ ಅಡಿಕೆ (Arecanut) ಬೆಳೆಗಾರರಲ್ಲಿ ಆತಂಕ ಮೂಡಿಸಿದೆ. ಈ ಹಿಂದೆ ₹50 ಸಾವಿರದಿಂದ ₹52 ಸಾವಿರದ ಆಸುಪಾಸಿನಲ್ಲಿ ವಹಿವಾಟು ಕಾಣುತ್ತಿದ್ದ ರಾಶಿ ಇಡಿ ಅಡಿಕೆ ದರ ಇದೀಗ ಗರಿಷ್ಠ ₹49,989ಕ್ಕೆ ಇಳಿದಿದೆ.
ಅದೇ ರೀತಿ ₹40 ಸಾವಿರದಿಂದ ₹42 ಸಾವಿರದ ಆಸುಪಾಸಿನಲ್ಲಿದ್ದ ಗೊರಬಲು ಅಡಿಕೆ ದರ ಕೂಡ ₹38 ಸಾವಿರದ ಮಟ್ಟಕ್ಕೆ ಕುಸಿದಿದೆ. ದರದಲ್ಲಿ ಇಳಿಕೆ ಕಂಡುಬಂದಿರುವ ಹಿನ್ನೆಲೆಯಲ್ಲಿ ಉತ್ತಮ ಬೆಲೆ ನಿರೀಕ್ಷೆಯಲ್ಲಿದ್ದ ರೈತರು ಮಾರುಕಟ್ಟೆಯ ಮುಂದಿನ ಬೆಳವಣಿಗೆಗಳತ್ತ ಗಮನ ಹರಿಸುವಂತಾಗಿದೆ.
Also read>> ಕರಾವಳಿಯ ತುಳು ಭಾಷೆಗೆ ಬಿಗ್ ಅಪ್ಡೇಟ್: 2ನೇ ಅಧಿಕೃತ ಭಾಷೆಯಾಗಿ ಪರಿಗಣಿಸಲು ಸಂಪುಟ ಅಸ್ತು
Shivamogga : ಎಪಿಎಂಸಿ ಮಾರುಕಟ್ಟೆ ದರ
ಶಿವಮೊಗ್ಗ ಎಪಿಎಂಸಿ ಮಾರುಕಟ್ಟೆಯಲ್ಲಿ ಇಂದು ವಿವಿಧ ಅಡಿಕೆ ತಳಿಗಳ ದರದಲ್ಲಿ ವ್ಯತ್ಯಾಸ ಕಂಡುಬಂದಿದೆ. ಕನಿಷ್ಠ, ಗರಿಷ್ಠ ಹಾಗೂ ಮಾದರಿ ದರಗಳು ಈ ಕೆಳಗಿನಂತಿವೆ:
ಅಡಿಕೆ ವಿಧ ಕನಿಷ್ಠ ದರ ಗರಿಷ್ಠ ದರ ಮಾದರಿ ದರ
- ಸರಕು / ಹಸ ₹50,009 ₹83,099 ₹67,359
- ಬೆಟ್ಟೆ ₹47,529 ₹60,229 ₹59,859
- ರಾಶಿ ಇಡಿ ₹45,089 ₹49,989 ₹47,089
- ಗೊರಬಲು ₹19,060 ₹38,869 ₹37,219
- ಹೊಸ ರಾಶಿ ಇಡಿ ₹43,669 ₹45,098
ರೈತರ ಚಿತ್ತ ಮಾರುಕಟ್ಟೆ ದರದತ್ತ
ಅಡಿಕೆ ದರದಲ್ಲಿ ಆಗುತ್ತಿರುವ ನಿರಂತರ ಏರಿಳಿತ ರೈತರಲ್ಲಿ ಗೊಂದಲ ಮೂಡಿಸಿದೆ. ವಿಶೇಷವಾಗಿ ರಾಶಿ ಇಡಿ ಹಾಗೂ ಗೊರಬಲು ಅಡಿಕೆಯ ದರದಲ್ಲಿ ಇಳಿಕೆ ಕಂಡುಬಂದಿರುವುದರಿಂದ ಬೆಳೆಗಾರರು ಮಾರುಕಟ್ಟೆಯ ಮುಂದಿನ ದರದ ಮೇಲೆ ನಿರೀಕ್ಷೆ ಇಟ್ಟುಕೊಂಡಿದ್ದಾರೆ.
ಶಿವಮೊಗ್ಗ ಎಪಿಎಂಸಿ ಮಾರುಕಟ್ಟೆಯಲ್ಲಿ ಪ್ರತಿದಿನ ಅಡಿಕೆ ದರದಲ್ಲಿ ಬದಲಾವಣೆ ಕಂಡುಬರುವ ಹಿನ್ನೆಲೆಯಲ್ಲಿ ರೈತರು ತಮ್ಮ ಉತ್ಪನ್ನವನ್ನು ಮಾರುಕಟ್ಟೆಗೆ ತರುವ ಮುನ್ನ ಇಂದಿನ ದರವನ್ನು ಪರಿಶೀಲಿಸುವುದು ಮುಖ್ಯವಾಗಿದೆ.
ಸುದ್ಧಿ ಹಾಗೂ ಜಾಹೀರಾತಿಗಾಗಿ ಸಂಪರ್ಕಿಸಿ: Whatsapp: 9008761663, 9481252093 – info@kalpa.news 
