ಭದ್ರಾವತಿಯಲ್ಲಿಂದು 10 ಕೊರೋನಾ ಪಾಸಿಟಿವ್: ಯಾವೆಲ್ಲಾ ರಸ್ತೆ ಸೀಲ್ ಡೌನ್ ಆಯಿತು?

ಕಲ್ಪ ನ್ಯೂಸ್ ಡಿಜಿಟಲ್ ಮೀಡಿಯಾ

ಭದ್ರಾವತಿ: ತಾಲೂಕಿನಲ್ಲಿ ಮಂಗಳವಾರ ನಗರಸಭೆ ವ್ಯಾಪ್ತಿಯಲ್ಲಿ 8 ಹಾಗೂ ಗ್ರಾಮಾಂತರ ಪ್ರದೇಶದಲ್ಲಿ 2 ಪ್ರಕರಣ ಸೇರಿದಂತೆ ಒಂದೇ ದಿನ ಹತ್ತು ಜನರಲ್ಲಿ ಕೊರೋನಾ ಪಾಸಿಟಿವ್ ಕಾಣಿಸಿಕೊಂಡಿದೆ.

ಖಲಂದರ್ ನಗರದಲ್ಲಿ ಸುಮಾರು 50 ವರ್ಷದ ಪುರುಷನಲ್ಲಿ, ಜಟ್ ಪಟ್ ನಗರದಲ್ಲಿ 16 ವರ್ಷದ ಹುಡುಗನಲ್ಲಿ, ಕಾಗದನಗರದ ವ್ಯಾಪ್ತಿಯಲ್ಲಿ 50 ವರ್ಷದ ವ್ಯಕ್ತಿಯಲ್ಲಿ, ಜನ್ನಾಪುರ ನಗರ ಆರೋಗ್ಯ ಕೇಂದ್ರದಲ್ಲಿ ನರ್ಸ್ ಆಗಿ ಕಾರ್ಯ ನಿರ್ವಹಿಸುವ 40 ವರ್ಷದ ಮಹಿಳೆಯಲ್ಲಿ, ಹೊಸ ಸಿದ್ದಾಪುರದಲ್ಲಿ 48 ವರ್ಷದ ಪುರುಷನಿಗೆ, ಹಳೇನಗರದ ಉಪ್ಪಾರಬೀದಿಯ 26 ವರ್ಷದ ಯುವಕನಲ್ಲಿ, ಹೊಸಮನೆ ಶಿವಾಜಿ ವೃತ್ತದ ಸಮೀಪವಿರುವ 35 ವರ್ಷದ ವ್ಯಕ್ತಿಯಲ್ಲಿ ಹಾಗೂ ಐದನೇ ಕ್ರಾಸ್’ನಲ್ಲಿರುವ 63 ವರ್ಷದ ವೃದ್ಧೆಗೆ, ಗೋಣಿಬೀಡಿನ ನಿವಾಸಿ 37 ವರ್ಷದ ಮಹಿಳೆಗೆ, ಶ್ರೀರಾಮನಗರದ ವೀರಾಪುರದಲ್ಲಿ 47 ವರ್ಷದ ಮಹಿಳೆಗೆ ಪಾಸಿಟಿವ್ ದೃಢಪಟ್ಟಿದೆ.

ಸೋಂಕಿತರ ನಿವಾಸದ ಸ್ಥಳಗಳಿಗೆ ತಾಲೂಕು ಆರೋಗ್ಯಾಧಿಕಾರಿ ಡಾ.ಗಾಯತ್ರಿ, ನಗರಸಭೆ ಆಯುಕ್ತ ಮನೋಹರ್, ಆರೋಗ್ಯ ಇಲಾಖೆ ಸಿಬ್ಭಂದಿ ನೀಲೇಶ್ ರಾಜ್, ಪೋಲಿಸ್ ಅಧಿಕಾರಿಗಳು ನಗರಸಭೆ ಇಂಜಿನಿಯರ್‌ಗಳು ಭೇಟಿ ನೀಡಿ ಸದರಿ ಸ್ಥಳಗಳನ್ನು ಸೀಲ್ ಡೌನ್ ಮಾಡಿ ಸೋಂಕಿತರನ್ನು ಶಿವಮೊಗ್ಗದ ಕೋವಿಡ್ ಚಿಕಿತ್ಸಾ ಘಟಕಕ್ಕೆ ರವಾನಿಸಿದರು.

Get In Touch With Us info@kalpa.news Whatsapp: 9481252093