ಕರುನಾಡಿನ ಪ್ರಮುಖ ಧಾರ್ಮಿಕ ಕ್ಷೇತ್ರಗಳಲ್ಲಿ ಧರ್ಮಸ್ಥಳ ಅತಿ ಪ್ರಾಮುಖ್ಯತೆ ಪಡೆದಿದೆ. ಇಲ್ಲಿ ತುಳುನಾಡಿನ ಜೀವನದಿ ನೇತ್ರಾವತಿ ಹರಿಯುತ್ತಾಳೆ. ಸಾಕ್ಷಾತ್ ಶಿವನಿಂದ ಪರೀಕ್ಷೆಗೆ ಒಳಪಟ್ಟ ಕ್ಷೇತ್ರವಿದು.
ಹಿಂದೂ ಪುರಾಣಗಳ ಪ್ರಕಾರ
ಭೂಮಂಡಲದಲ್ಲಯೇ ಸತ್ಯಧರ್ಮಕ್ಕೆ ಹೆಸರುವಾಸಿಯಾದ ಶ್ರೀಕ್ಷೇತ್ರ ಎಂದರೆ ಅದು ಧರ್ಮಸ್ಥಳ. ಇಂತಹ ಪುಣ್ಯಭೂಮಿಯಲ್ಲಿ ಜನಿಸಿದ ಬಾಲಪ್ರತಿಭೆ ಕ್ಷಿತಿ ಕೆ. ರೈ.
ಕಿಶೋರ್ ಮತ್ತು ಜಯಾಭಾರತಿಯವರ ಮಗಳಾದ ಈಕೆ ಸಾಂಸ್ಕೃತಿಕ ರಂಗದಲ್ಲಿ ಮಿಂಚುತ್ತಿದ್ದಾಳೆ. ಕೇವಲ ಆರನೆಯ ವಯಸ್ಸಿನಲ್ಲಿ ಸಂಗೀತಾಭ್ಯಾಸ ಆರಂಭಿಸಿದ್ದ ಇವಳು, ಇಂದು ಸುಮಾರು 300 ವೇದಿಕೆಗಳಲ್ಲಿ(ಸಂಗೀತ ನೃತ್ಯ ಛಧ್ಮವೇಷ ಏಕಪಾತ್ರ ಅಭಿನಯ ಕತೆ ಕವನ ವಾಚನ ಚಿತ್ರಕಲೆ ನಿರೂಪಣೆ ಛಾಯಗ್ರಹಣ) ತನ್ನ ಪ್ರತಿಭೆ ಪ್ರದರ್ಶನ ನೀಡುತ್ತಾ ಸಾಧನೆಯ ಹಾದಿಯಲ್ಲಿದ್ದಾಳೆ.
ಜಿಲ್ಲಾಮಟ್ಟ(1), ರಾಜ್ಯಮಟ್ಟ(2), ರಾಷ್ಟ್ರಮಟ್ಟ(1) ಚಾನೆಲ್ ಗಳಲ್ಲಿ ಸ್ಪರ್ಧಿಯಾಗಿ ಭಾಗವಹಿಸಿರುವ ಕ್ಷಿತಿ, ಮಂಗಳೂರಿನಲ್ಲಿ ನಡೆದ ಸರೋಜ ಮಧು ಕಲೋತ್ಸವದಲ್ಲಿ ಸತತವಾಗಿ ಮೂರು ಬಾರಿ ಸಂಗೀತ ಸ್ಪರ್ಧೆಯಲ್ಲಿ ಪ್ರಥಮ ಸ್ಥಾನ ಪಡೆದಿದ್ದಾಳೆ.
ಧರ್ಮಸ್ಥಳದಲೂ ನಡೆದ ಗಾಯನ ಸ್ಪರ್ಧೆಯಲ್ಲಿ ಸತತ ಮೂರು ಬಾರಿ ಪ್ರಥಮ ಸ್ಥಾನ ಪಡೆದಿದ್ದಾಳೆ. ಸಂಗೀತದ ರಿಯಾಲಿಟಿ ಶೋ ಒಂದರಲ್ಲಿ ಸೃಷ್ಟಿವಾಹಿನಿಯವರು Best Performer ಮೆಗಾ ಆಡಿಷನ್ ಟೈಟಲನ್ನು ಕೊಟ್ಟಿದ್ದಾರೆ.
ಕನ್ನಡದ ಜನಪ್ರಿಯ ಚಾನಲ್ ಝೀ ಕನ್ನಡದ ಸರಿಗಮಪ ಲಿಟಲ್ ಚಾಂಪ್ಸ್ ಸ್ಪರ್ಧೆಯಲ್ಲಿ 22 ಸುತ್ತಿನಲ್ಲಿ 13 ಬಾರಿ ಗೋಲ್ಡನ್ ಬಜಾರ್ ಗೆ ಪಡೆದಿದ್ದಲ್ಲದೆ ಹಂಸಲೇಖ ಅವರಿಂದ ಸೌಂದರ್ಯ ಸರಸ್ವತಿ ಎಂದು ಬಿರುದು ಪಡೆದಿದ್ದಾಳೆ. ಮತ್ತು ನಾಡಿನ ಮನೆಮನೆಗಳಲ್ಲಿ ಪ್ರತಿಯೊಬ್ಬರಿಗೂ ಅಚ್ಚುಮೆಚ್ಚಾಗಿದ್ದಾಳೆ.
ಕ್ಷಿತಿ ಗಾಯನದಲ್ಲಷ್ಟೇ ಅಲ್ಲದೆ ನೃತ್ಯ ಚಿತ್ರಕಲೆ ಭಾಷಣ ಛಧ್ಮವೇಷ ಏಕಪಾತ್ರಾಭಿನಯ ಛಾಯಗ್ರಹಣ ನಿರೂಪಣೆ ಕತೆ ಕವನ ರಚನೆಯಲ್ಲಿಯೂ ಈಕೆಯದು ಎತ್ತಿದ ಕೈ. ಡಾನ್ಸ್ ಕರ್ನಾಟಕ ಡಾನ್ಸ್ ಸ್ಪರ್ಧೆಯಲ್ಲಿ ಸೆಮಿಫೈನಲ್ ಹಂತದವರೆಗೆ ತಲುಪಿದ್ದಾಳೆ. ಕ್ಷಿತಿ ಇದುವರೆಗೆ ಗಾಯನ ನೃತ್ಯ ಸೇರಿದಂತೆ ತನ್ನ ವೈವಿಧ್ಯಮಯ ಪ್ರತಿಭೆಯಿಂದ ಸುಮಾರು ಮುನ್ನೂರು ವೇದಿಕೆಯಲ್ಲಿ ಪ್ರದರ್ಶನ ನೀಡಿದ್ದಾಳೆ.
ಇಷ್ಟೆಲ್ಲಾ ಸಾಧನೆ ಮಾಡಿರುವ ಈಕೆ ತುಂಬಾ ವಿನಯಶೀಲೆಯಾಗಿದ್ದು, ವಿನಯದ ಪ್ರತಿಬಿಂಬದ ರೀತಿ ಕಾಣುತ್ತಾಳೆ. ತನ್ನ ಸಾಧನೆಗೆ ಸ್ವಲ್ಪವೂ ಗರ್ವ ಪಡದ ಈಕೆ ಶ್ರೀಮಂಜುನಾಥ ಸ್ವಾಮಿಯ ಕೃಪೆ ಪೂಜ್ಯನೀಯ ಧರ್ಮಸ್ಥಳದ ವೀರೇಂದ್ರ ಹೆಗೆಡೆಯರ (ಖಾವಂದರು) ಆಶೀರ್ವಾದ ಮತ್ತು ಹೆತ್ತವರ ಪ್ರೋತ್ಸಾಹ ಕಾರಣ ಎನ್ನುತ್ತಾಳೆ.
ಧರ್ಮಸ್ಥಳ S.D.Mನಲ್ಲಿ 8ನೆಯ ತರಗತಿಯಲ್ಲಿ ಕಲಿಯುತ್ತಿರುವ ಕ್ಷಿತಿ ಬಹುಮುಖ ಪ್ರತಿಭೆ ಹೊಂದಿರುವ ಈಕೆಯನ್ನು ಅಭಿನವ ಶಾರದೆ ಎಂದು ಕರೆದರೂ ತಪ್ಪಾಗಲಾರದು.
ಕ್ಷಿತಿ ಕೆ. ರೈ ಕಲಾ ಸಾಧನೆ ಹೀಗೆ ಮುಂದುವರೆಯಲಿ, ಉಜ್ವಲ ಭವಿಷ್ಯ ಈಕೆಯದಾಗಲಿ, ಅಂತಾರಾಷ್ಟ್ರೀಯ ಮಟ್ಟದಲ್ಲಿ ಹೆಸರು ಮಾಡಿ ದೇಶದ ಹಿರಿಮೆಯನ್ನು ಬೆಳಗಲಿ ಎಂದು ಆಶಿಸುತ್ತೇವೆ.
ಲೇಖನ ಮತ್ತು ಚಿತ್ರಕೃಪೆ: ಸತೀಶ ಶೆಟ್ಟಿ ಚೇರ್ಕಾಡಿ ದೊಡ್ಡಮನೆ
ಸಹಕಾರ: ರೋಹನ್ ಪಿಂಟೊ ಗೇರುಸೊಪ್ಪ
