ಫೀನಿಕ್ಸ್ ಜೆಡಿಎಸ್ | 27 ವರ್ಷದ ಬಳಿಕ ಗೌಡರ ಕುಟುಂಬಕ್ಕೆ ಕೇಂದ್ರ ಸಂಪುಟದಲ್ಲಿ ಸ್ಥಾನ

ಕಲ್ಪ ಮೀಡಿಯಾ ಹೌಸ್  |  ಬೆಂಗಳೂರು  |

ಇನ್ನೇನು ಈ ಪಕ್ಷದ ರಾಜಕೀಯ ಉಸಿರು ನಿಂತೇ ಹೋಯಿತು ಎಂಬ ಕುಹಕಗಳ ನಡುವೆಯೇ ಜೆಡಿಎಸ್ ಪಕ್ಷ ಫೀನಿಕ್ಸ್’ನಂತೆ ಎದ್ದುಬಂದಿದ್ದು, ಪ್ರಧಾನಿ ನರೇಂದ್ರ ಮೋದಿ #PM Narendra Modi ನೇತೃತ್ವದ ನೂತನ ಸರ್ಕಾರದ ಸಂಪುಟದಲ್ಲಿ ಸ್ಥಾನ ಪಡೆದಿದೆ.

ಈ ಮೂಲಕ 27 ವರ್ಷದ ಬಳಿಕ ದೇವೇಗೌಡರ #Devegowda ಕುಟುಂಬ ಸದಸ್ಯರಿಗೆ ಕೇಂದ್ರ ಸಂಪುಟದಲ್ಲಿ ಸ್ಥಾನ ಪಡೆದಿದ್ದು, ರಾಜಕೀಯ ವಿರೋಧಿಗಳಿಗೆ ಟಕ್ಕರ್ ನೀಡಿದೆ.
1996 ರಲ್ಲಿ ಕನಕಪುರ ಲೋಕಸಭಾ ಕ್ಷೇತ್ರದಿಂದ ಮೊದಲ ಬಾರಿಗೆ ಸಂಸದರಾಗಿ ಗೆದ್ದಾಗಲೀ ಅಥವಾ ಈ ಬಾರಿ ಮಂಡ್ಯ ಲೋಕಸಭಾ ಕ್ಷೇತ್ರದಿಂದ ಗೆದ್ದಾಗಲೀ ಎಚ್.ಡಿ. ಕುಮಾರಸ್ವಾಮಿ #H D Kumaraswamy ಅವರ ಗುರಿ ಸಾಧಿಸಲು ರಾಜಕೀಯ ಸಮುದ್ರದ ಅಲೆಯ ವಿರುದ್ಧ ಈಜಿದ್ದು ಬಹಳಷ್ಟು ರೋಚಕವೇ ಆಗಿದೆ.
ಇನ್ನು, 1997ರಲ್ಲಿ ದೇವೇಗೌಡರು ಪ್ರಧಾನಿ ಹುದ್ದೆ ತ್ಯಜಿಸಿದಾಗ ಬೂದಿಯಿಂದ ಫೀನಿಕ್ಸ್ ಪಕ್ಷಿಯಂತೆ ಮೇಲೇಳುತ್ತೇನೆ ಎಂದು ಪ್ರತಿಜ್ಞೆ ಮಾಡಿದ್ದರು. ಕುಮಾರಸ್ವಾಮಿ ಅವರು 2023 ರಲ್ಲಿ ತಮ್ಮ ವಿಧಾನಸಭಾ ಚುನಾವಣಾ ಪ್ರಚಾರವನ್ನು ಪ್ರಾರಂಭಿಸುವಾಗ, ಎರಡು ದಶಕಗಳ ಹಿಂದೆ ತಮ್ಮ ತಂದೆ ಉಲ್ಲೇಖಿಸಿದ ಫೀನಿಕ್ಸ್ ಎಂದು ಹೇಳಿಕೊಂಡಿದ್ದರು.

ದೇವೇಗೌಡರು ಹಾಗೂ ಎಚ್.ಡಿ. ಕುಮಾರಸ್ವಾಮಿ ಅವರ ರಾಜಕೀಯ ಹಾದಿಯಲ್ಲಿ ನೋಡುವುದಾದರೆ ಯಾವಾಗ ಅವರ ರಾಜಕೀಯ ಜೀವನ ಮುಕ್ತಾಯವಾಯಿತು ಎನ್ನುವ ಹಂತದಲ್ಲಿ ಫೀನಿಕ್ಸ್’ನಂತೆಯೇ ಎದ್ದು ನಿಂತಿದ್ದಾರೆ. ಈಗಲೂ ಸಹ ಅದೇ ಆಗಿದೆ.

ಸದ್ಯ, ನರೇಂದ್ರ ಮೋದಿ 3.0 #Modi 3.0 ಕ್ಯಾಬಿನೆಟ್’ನಲ್ಲಿ ಎಚ್.ಡಿ. ಕುಮಾರಸ್ವಾಮಿ ಅವರು ಸೇರ್ಪಡೆಗೊಳ್ಳುವ ಮೂಲಕ 1996 ರಲ್ಲಿ ದೇವೇಗೌಡರು ಪ್ರಧಾನಿಯಾದಾಗಿನಿಂದ ಜೆಡಿಎಸ್’ಗೆ ಸಾಧಿಸಲು ಸಾಧ್ಯವಾಗದ ಕೇಂದ್ರ ಸಚಿವ ಸ್ಥಾನವನ್ನು ಅಂತಿಮವಾಗಿ ಪಡೆದುಕೊಂಡಿದ್ದಾರೆ.
ಎನ್’ಡಿಎ #NDA ಮೈತ್ರಿ ನಾಯಕರ ಜೊತೆಯಲ್ಲಿ ಅದೇ ಸಾಲಿನಲ್ಲಿ ನಿಂತಿರುವ ಕುಮಾರಸ್ವಾಮಿಯವರು ನಮ್ಮ ರಾಜ್ಯದ ಸಾಂಪ್ರದಾಯಿಕ ಪಂಚೆ (ಧೋತಿ) ನಲ್ಲಿ ಬೆಂಗಳೂರಿನಿಂದ ದೆಹಲಿಗೆ ಅದ್ಭುತ ಪ್ರಯಾಣವನ್ನು ಮಾಡಿದ್ದಾರೆ.

2000 ರ ದಶಕದ ಆರಂಭದಲ್ಲಿ ಜೆಡಿಎಸ್ ವಿಭಜನೆಯಾಗುವುದನ್ನು ಉಳಿಸಲು ರಾಜಕೀಯ ಕ್ರಮವಾಗಿ ಪ್ರಾರಂಭವಾದದ್ದು ಈಗ ಬಿಜೆಪಿಯ ಬೆಂಬಲದೊಂದಿಗೆ ಜೆಡಿಎಸ್ ಭವಿಷ್ಯವನ್ನು ಭದ್ರಪಡಿಸಿದೆ.

Also read: ರಣ ಮಳೆ | 2 ದಿನ ಈ ಆರು ಜಿಲ್ಲೆಗಳಲ್ಲಿ ರೆಡ್ ಅಲರ್ಟ್ | ಜೂನ್ 18ರವರೆಗೂ ರಾಜ್ಯದಲ್ಲಿ ವರುಣನ ಅಬ್ಬರ

ಈ ಕುರಿತಂತೆ ಮಾತನಾಡಿರುವ ಎಚ್’ಡಿಕೆ, ನಾನು ಮೊದಲು ಮೋದಿಜಿ ಮತ್ತು ಕರ್ನಾಟಕದ ಜನತೆಗೆ ಧನ್ಯವಾದ ಹೇಳುತ್ತೇನೆ. ಕರ್ನಾಟಕದ ಜನತೆ ಬಿಜೆಪಿ ಮತ್ತು ಜೆಡಿಎಸ್ ಮೈತ್ರಿಗೆ ಆಶೀರ್ವಾದ ಮಾಡಿದ್ದಾರೆ. ದೇಶ ಸೇವೆ ಮಾಡುವ ಅವಕಾಶ ಸಿಕ್ಕಿದೆ. ನನಗೆ ಕರ್ನಾಟಕ ಮತ್ತು ಇಡೀ ದೇಶದ ಕಲ್ಯಾಣಕ್ಕಾಗಿ ಕೆಲಸ ಮಾಡುವುದು ಮುಖ್ಯ. ನಾನು ಕೇಂದ್ರ ಸಚಿವನಾಗಿ ನನ್ನ ಕೆಲಸದ ಮೂಲಕ ಕರ್ನಾಟಕದ ಜನರ ನಿರೀಕ್ಷೆಗಳನ್ನು ಪೂರೈಸಲು ಸಾಧ್ಯವಾದರೆ ನಾನು ಯಾವ ಖಾತೆಯನ್ನು ಪಡೆಯುತ್ತಿದ್ದೇನೆ ಎಂಬುದು ಮುಖ್ಯವಲ್ಲ… (ಏನು ಮುಖ್ಯವಾದುದು) ಎಂದಿದ್ದಾರೆ.
ಇನ್ನು, ದೇವೇಗೌಡರು ಪ್ರಧಾನಿಯಾಗಿದ್ದ ಸಮಯದಲ್ಲಿ ಅಂದು ಜೆಡಿಎಸ್ ನಾಯಕರಾಗಿದ್ದ ಎಸ್.ಆರ್. ಬೊಮ್ಮಾಯಿ ಮತ್ತು ಸಿಎಂ ಇಬ್ರಾಹಿಂ ಅವರಿಗೆ ಕೇಂದ್ರದಲ್ಲಿ ಮಂತ್ರಿ ಸ್ಥಾನ ಸಿಕ್ಕಿತ್ತು. ಆ ನಂತರ ಜೆಡಿಎಸ್ನಿಂದ ಸಂಸತ್’ಗೆ ಆಯ್ಕೆ ಆಗುತ್ತಿದ್ದರೂ ಯಾರಿಗೂ ಮಂತ್ರಿ ಸ್ಥಾನ ಸಿಕ್ಕಿರಲಿಲ್ಲ.

2004, 2009ರ ಚುನಾವಣೆಯಲ್ಲಿ ಯುಪಿಎ ಸರ್ಕಾರ ಅಧಿಕಾರದಲ್ಲಿದ್ದರೆ 2014 ರಿಂದ 2024ರ ವರೆಗೆ ಎನ್’ಡಿಎ ಸರ್ಕಾರ ಕೇಂದ್ರದಲ್ಲಿ ಅಧಿಕಾರದಲ್ಲಿತ್ತು. 2014ರ ಚುನಾವಣೆಯಲ್ಲಿ ಯಾರೊಂದಿಗೂ ಮೈತ್ರಿ ಮಾಡಿಕೊಳ್ಳದ ಜೆಡಿಎಸ್ 2019ರಲ್ಲಿ ಕಾಂಗ್ರೆಸ್ ಜೊತೆ ಮೈತ್ರಿ ಮಾಡಿಕೊಂಡು ಕೇವಲ ಒಂದು ಸ್ಥಾನ ಮಾತ್ರ ಗೆದ್ದುಕೊಂಡಿತ್ತು.

ಸುದ್ಧಿ ಹಾಗೂ ಜಾಹೀರಾತಿಗಾಗಿ ಸಂಪರ್ಕಿಸಿ: Whatsapp: 9008761663, 9481252093 – info@kalpa.news