ಎಪ್ರಿಲ್ 11ರಂದು ಬಿಡುಗಡೆಯಾಗಲಿದೆ ಮೋದಿ ಜೀವನಾಧಾರಿತ ಚಿತ್ರ

ನವದೆಹಲಿ: ಪ್ರಧಾನಿ ನರೇಂದ್ರ ಮೋದಿ ಅವರು ಜೀವನಾಧಾರಿತ ಚಿತ್ರ ಎಪ್ರಿಲ್ 11ರಂದು ಚಿತ್ರ ಬಿಡುಗಡೆ ಮಾಡುತ್ತಿರುವುದಾಗಿ ಅಧಿಕೃತ ಘೋಷಣೆ ಮಾಡಲಾಗಿದೆ.

ಈ ಕುರಿತಂತೆ ಚಿತ್ರದ ನಿರ್ದೇಶಕ ಸಂದೀಪ್ ಸಿಂಗ್ ಟ್ವೀಟ್ ಮಾಡಿದ್ದು, ಚಿತ್ರವನ್ನು ಎಪ್ರಿಲ್ 11ರಂದು ಬಿಡುಗಡೆ ಮಾಡಲಿದ್ದೇವೆ ಎಂದು ಪ್ರಕಟಿಸಿದ್ದಾರೆ.

'PM Narendra Modi' is Officially releasing on 11th April 2019. pic.twitter.com/PGA14LzduK

— Sandip Ssingh (@sandip_Ssingh) April 5, 2019

ಬಾಲಿವುಡ್’ನ ಹೆಸರಾಂತ ಓಮುಂಗ್ ಕುಮಾರ್ ಅವರ ಕನಸಿನ ಯೋಜನೆಯಾದ ಈ 70 ಎಂಎಂಚಿತ್ರ ಪ್ರಧಾನಿ ಮೋದಿ ಅವರ ಜೀವನವನ್ನು ಆಧರಿಸಿ, ಸಿದ್ದಪಡಿಸಲಾಗಿದೆ. ಚಿತ್ರದಲ್ಲಿ ಮೋದಿಯವರ ಪಾತ್ರವನ್ನು ವಿವೇಕ್ ಒಬೆರಾಯ್ ನಿರ್ವಹಿಸಿದ್ದಾರೆ.

ಲೋಕಸಭಾ ಚುನಾವಣೆ ಘೋಷಣೆಯಾಗಿರುವ ಹಿನ್ನೆಲೆಯಲ್ಲಿ ಈ ಚಿತ್ರ ಬಿಡುಗಡೆಯಾದರೆ ಮತದಾರರ ಮೇಲೆ ಪ್ರಭಾವ ಬೀರಲಿದೆ, ಹೀಗಾಗಿ ಚಿತ್ರ ಬಿಡುಗಡೆಗೆ ತಡೆ ನೀಡಬೇಕು ಎಂದು ಕಾಂಗ್ರೆಸ್ ವಕ್ತಾರ ಅಮಾನ್ ಪನ್ವಾರ್ ಸುಪ್ರೀಂ ಕೋರ್ಟ್ ಮೆಟ್ಟಿಲೇರಿದ್ದಾರೆ. ಎಪ್ರಿಲ್ 8ರಂದು ಇದರ ವಿಚಾರಣೆಯನ್ನು ನಡೆಸಲಿದೆ.