ಮುಂಬೈ: ಭಾರತೀಯ ಚಿತ್ರರಂಗದಲ್ಲಿ ಭಾರೀ ನಿರೀಕ್ಷೆ ಹುಟ್ಟಿಸಿರುವ ದಬಾಂಗ್-3 ಚಿತ್ರದ ಟ್ರೈಲರನ್ನು ಕನ್ನಡದಲ್ಲೇ ಬಿಡುಗಡೆ ಮಾಡಿದ್ದು, ಇಂದು ಇದು ಯೂಟ್ಯೂಬ್’ನಲ್ಲಿ ಅಬ್ಬರಿಸುತ್ತಿದೆ.
ಸಲ್ಮಾನ್ ಖಾನ್ ಫಿಲ್ಸ್್ಮಂ ಯೂಟ್ಯೂಬ್ ಚಾನಲ್’ನಲ್ಲಿ ಇಂದು ಸಂಜೆ ಅಧಿಕೃತ ಕನ್ನಡ ಟ್ರೈಲರನ್ನು ಬಿಡುಗಡೆ ಮಾಡಲಾಗಿದ್ದು, ಈಗಾಗಲೇ ನಾಲ್ಕು ಲಕ್ಷಕ್ಕೂ ಅಧಿಕ ಮಂದಿ ವೀಕ್ಷಿಸಿದ್ದಾರೆ. ಕನ್ನಡದಲ್ಲೇ ಸಲ್ಲು ಡಬ್ಬಿಂಗ್ ಮಾಡಿರುವುದು ಕರುನಾಡಿನ ಅವರ ಅಭಿಮಾನಿಗಳ ಸಂತಸವನ್ನು ಇಮ್ಮಡಿಗೊಳಿಸಿದೆ.
ದಬಾಂಗ್3 ಕನ್ನಡ ಟ್ರೈಲರ್ ನೋಡಿ
ಇನ್ನು ಗಮ್ಮತ್ತಿನ ವಿಚಾರವೆಂದರೆ ಕನ್ನಡ ಟ್ರೈಲರ್ ಕುರಿತಾಗಿ ಕನ್ನಡದಲ್ಲೇ ಟ್ವೀಟ್ ಮಾಡಿರುವ ಸಲ್ಮಾನ್ ಖಾನ್, ದಯವಿಟ್ಟು, ‘ದಬಾಂಗ್3 ಕನ್ನಡ ಟ್ರೈಲರ್ ನೋಡುವದಕ್ಕಾಗಿ ನಿಮ್ಮ ಅಮೂಲ್ಯ ಸಮಯದಲ್ಲಿ 3 ನಿಮಿಷಗಳನ್ನು ನಮಗಾಗಿ ಕೊಡಬಹುದಾ’ ಎಂದಿದ್ದಾರೆ.
ದಯವಿಟ್ಟು, ದಬಾಂಗ್3 ಕನ್ನಡ ಟ್ರೈಲರ್ ನೋಡುವದಕ್ಕಾಗಿ ನಿಮ್ಮ ಅಮೂಲ್ಯ ಸಮಯದಲ್ಲಿ 3 ನಿಮಿಷಗಳನ್ನು ನಮಗಾಗಿ ಕೊಡಬಹುದಾ #Dabangg3KannadaTrailerhttps://t.co/lLI9Gsk630@arbaazSkhan @sonakshisinha @saieemmanjrekar @PDdancing @KicchaSudeep @nikhil_dwivedi @SKFilmsOfficial @saffronbrdmedia @AChowksey
— Chulbul Pandey (@BeingSalmanKhan) October 23, 2019
ಈ ಟ್ವೀಟನ್ನು ರಿಟ್ವೀಟ್ ಮಾಡಿರುವ ಕಿಚ್ಚ ಸುದೀಪ್, ಎಲ್ಲರೂ ಪ್ರೀತಿಯಿಂದ ಕನ್ನಡದಲ್ಲಿ ಮಾತನಾಡುವುದನ್ನು ನೋಡುವುದೇ ಒಂದು ಹೆಮ್ಮೆ… ಜೈ ಕನ್ನಡ. ಎಂದು ಟ್ವೀಟ್ ಮಾಡಿದ್ದು, ಸಿಕ್ಕಾಪಟ್ಟೆ ವೈರಲ್ ಆಗಿದೆ.
ಎಲ್ಲರೂ ಪ್ರೀತಿಯಿಂದ ಕನ್ನಡದಲ್ಲಿ ಮಾತನಾಡುವುದನ್ನು ನೋಡುವುದೇ ಒಂದು ಹೆಮ್ಮೆ…
ಜೈ ಕನ್ನಡ…. 🤗🙏
Thank u @BeingSalmanKhan sir..
We Kannadigas,, whole heartedly welcome u. https://t.co/aBfLSsOdF9— Kichcha Sudeepa (@KicchaSudeep) October 23, 2019
ಇನ್ನು, ಪೊಲೀಸ್ ಅಧಿಕಾರಿ ಚುಲ್ ಬುಲ್ ಪಾಂಡೆಯಾಗಿ ಸಲ್ಮಾನ್ ಖಾನ್ ಕಾಣಿಸಿಕೊಂಡಿದ್ದು, ಇವರ ಎದುರು ಖಳನಾಯಕನಾಗಿ ಕಿಚ್ಚ ಸುದೀಪ್ ಅಬ್ಬರಿಸಿದ್ದಾರೆ.
ಡಿಸೆಂಬರ್ 20ರಂದು ಚಿತ್ರ ತೆರೆಗೆ ಬರಲಿದ್ದು, ಪ್ರಭುದೇವ ಚಿತ್ರದ ನಿರ್ದೇಶನ ಮಾಡಿದ್ದು, ಸೋನಾಕ್ಷಿ ಸಿನ್ಹಾ ನಾಯಕಿಯಾಗಿ ನಟಿಸಿದ್ದಾರೆ.
ದಬಾಂಗ್3 ಹಿಂದಿ ಟ್ರೈಲರ್ ನೋಡಿ
