ದಾವಣಗೆರೆ: ಜನಮಿಡಿತ ಪತ್ರಿಕೆ ದ್ವಿದಶಮಾನೋತ್ಸವ ಸಂಭ್ರಮ

ದಾವಣಗೆರೆ: ಜಿಲ್ಲೆಯ ಜನಪ್ರಿಯ ಪತ್ರಿಕೆ ಜನಮಿಡಿದ ತನ್ನ ದ್ವಿದಶಮಾನೋತ್ಸವವನ್ನು ಅದ್ದೂರಿಯಾಗಿ ಆಚರಿಸಿದ್ದು, ಈ ವೇಳೆ ಹಲವು ಸಾಧಕರನ್ನು ಗೌರವಿಸಲಾಯಿತು.

ಸಾಮಾಜಿಕ ಸೇವೆ ಸಲ್ಲಿಸಿದ ಗಣ್ಯರನ್ನು ಗುರುತಿಸಿ ಅಭಿನಂದಿಸಾಲಾಯಿತು.ಚನ್ನಗಿರಿಯ ಹೆಮ್ಮೆಯ ಸಹಕಾರಿ ಸಂಘ “ತುಮ್ಕೋಸ್”ನ ಅಧ್ಯಕ್ಷರಾಗಿರುವ ಕ್ರಿಯಾಶೀಲ ಧುರೀಣ ಶಿವಕುಮಾರ್ ಅವರನ್ನೂ ಈ ಸಂದರ್ಭದಲ್ಲಿ ಆತ್ಮೀಯವಾಗಿ ಅಭಿನಂದಿಸಲಾಯಿತು.

ಈ ಸಂದರ್ಭದಲ್ಲಿ ಲೋಕಾಯುಕ್ತ ನಿವೃತ್ತ ನ್ಯಾಯಮೂರ್ತಿ ಸಂತೋಷ ಹೆಗ್ಗಡೆ, ಹಿರಿಯ ಗಾಯಕ ಬಿ.ಕೆ. ಸುಮಿತ್ರಾ ಸೇರಿದಂತೆ ಹೆಸರಾಂತ ಪ್ರಮುಖರನ್ನು ಶಾಲು ಹೊದಿಸಿ, ಮೈಸೂರು ಪೇಟ ತೊಡಿಸಿ ಸ್ಮರಣಿಕೆಗಳನ್ನು ನೀಡಿ ಗೌರವಿಸಲಾಯಿತು.

(ವರದಿ: ಡಾ.ಸುಧೀಂದ್ರ)