ಕಲ್ಪ ಮೀಡಿಯಾ ಹೌಸ್ | ಧಾರವಾಡ |
ಸಹಾರಾ ಕ್ರೆಡಿಟ್ ಕೋ-ಆಪರೇಟೀವ್ ಸೊಸೈಟಿಗೆ Sahara Credit Co-operative society ಗ್ರಾಹಕರಾದ ವೀಣಾ ಕಂಬಿ ಎಂಬುವವರು ಈ ಹಿಂದೆ 2011 ರ ಡಿಸೆಂಬರ್ 15 ರಂದು ಸದಸ್ಯರಾಗಿ 15000/-ರೂ.ಗಳ ಮುದ್ದತ್ತು ಠೇವಣಿ ಇರಿಸಿದ್ದರು. ಠೇವಣಿ ಅವಧಿ 2019 ಡಿಸೆಂಬರ್ 15 ರಂದೇ ಮುಕ್ತಾಯವಾಗಿದ್ದರೂ ಸಹಿತ ಮೆಚ್ಯುರಿಟಿ ಹಣವನ್ನು ಹಿಂದಿರುಗಿಸದೇ ಒಂದಿಲ್ಲೊಂದು ನೆಪ ಒಡ್ಡಿ ವಿನಾಕಾರಣ ಸತಾಯಿಸುತ್ತಿದ್ದಾರೆಂದು ದೂರಿ ಜಿಲ್ಲಾ ಗ್ರಾಹಕರ ವ್ಯಾಜ್ಯಗಳ ಪರಿಹಾರ ಆಯೋಗ ಧಾರವಾಡದಲ್ಲಿ ದೂರನ್ನು ದಾಖಲಿಸಿದ್ದರು.
ದೂರನ್ನು ಆಲಿಸಿದ ಆಯೋಗದ ಅಧ್ಯಕ್ಷರಾದ ಈಶಪ್ಪ ಕೆ. ಭೂತೆ ಹಾಗೂ ಸದಸ್ಯರುಗಳಾದ ಪ್ರಭು ಹಿರೇಮಠ ಮತ್ತು ವಿಶಾಲಾಕ್ಷಿ ಬೋಳಶೆಟ್ಟಿ ದೂರಿನ ವಿಚಾರಣೆ ನಡೆಸಿ, ಸಹಾರಾ ಕ್ರೆಡಿಟ್ ಕೋ-ಆಪರೇಟೀವ್ ಸೊಸೈಟಿಗೆಯಿಂದ ಸೇವಾ ನ್ಯೂನ್ಯತೆ ಆಗಿದೆ ಅಂತಾ ಅಭಿಪ್ರಾಯಪಟ್ಟು ದೂರುದಾರರಿಗೆ ಮೆಚ್ಯುರಿಟಿ ಹಣದ ಜೊತೆಗೆ ಪರಿಹಾರ ಮತ್ತು ಪ್ರಕರಣದ ಖರ್ಚು ಸೇರಿ ಸುಮಾರು 75000/-ರೂ.ಗಳನ್ನು ಆದೇಶದ ದಿನಾಂಕದಿಂದ 30 ದಿನಗಳಲ್ಲಿ ಕೊಡಬೇಕು ಎಂದು ಆದೇಶಿಸಿದ್ದಾರೆ.
Also read: ಈಶ್ವರಪ್ಪರಿಗೆ ಗೃಹಖಾತೆ…? ಡ್ಯಾಮೇಜ್ ಸರಿ ಮಾಡಲು ಹೈಕಮಾಂಡ್ ತಂತ್ರ?!
ಸುದ್ಧಿ ಹಾಗೂ ಜಾಹೀರಾತಿಗಾಗಿ ಸಂಪರ್ಕಿಸಿ: Whatsapp: 9008761663, 9481252093 – info@kalpa.news
