ಶೂಟಿಂಗ’ನಲ್ಲಿ ಆಟವಾಡಿದ ಮೇಕೆಯನ್ನೇ ಊಟಕ್ಕೆ ಬಿರಿಯಾನಿ : ನಟಿ ಬಿಚ್ಚಿಟ್ಟ ಕರಾಳ ಅನುಭವ

ಕಲ್ಪ ಮೀಡಿಯಾ ಹೌಸ್  |  ಚೆನ್ನೈ  |

ತಮಿಳಿನ ಬಹುನಿರೀಕ್ಷಿತ ಸಿನಿಮಾಗಳಲ್ಲಿ ಒಂದಾಗಿದ್ದ ‘ಬೈಸನ್ ಕಾಳಮಾಡನ್’ (Bison Kaalamaadan) ಚಿತ್ರದ ಶೂಟಿಂಗ್ ಸೆಟ್‌ನಲ್ಲಿ ನಡೆದ ತಮಾಷೆಯ ಜೊತೆಗೆ ಶಾಕಿಂಗ್ ಎನಿಸುವ ಘಟನೆಯೊಂದನ್ನು ನಟ ಧ್ರುವ ವಿಕ್ರಮ್ (Actor Dhruva Vikram)ಹಾಗೂ ನಟಿ ಅನುಪಮಾ ಪರಮೇಶ್ವರನ್ ಇತ್ತೀಚೆಗೆ ನಡೆದ ಚಾಟ್ ಶೋವೊಂದರಲ್ಲಿ ಹಂಚಿಕೊಂಡಿದ್ದರು. ಈ ಹಳೆಯ ವಿಡಿಯೋ ಇದೀಗ ಸಾಮಾಜಿಕ ಜಾಲತಾಣಗಳಲ್ಲಿ ಮತ್ತೆ ವೈರಲ್ ಆಗಿದ್ದು, ಅಭಿಮಾನಿಗಳ ಗಮನ ಸೆಳೆಯುತ್ತಿದೆ.

All she said in the interview looks true 🫠 pic.twitter.com/ryCYDsz7JX

— Mahalakshmi Krishnan (@imMahaaaVKohli) August 12, 2026

‘ಬೈಸನ್ ಕಾಳಮಾಡನ್’ ಸಿನಿಮಾದಲ್ಲಿ ಧ್ರುವ ವಿಕ್ರಮ್ ಹಾಗೂ ಅನುಪಮಾ ಪರಮೇಶ್ವರನ್ ಜೋಡಿಯಾಗಿ ಕಾಣಿಸಿಕೊಂಡಿದ್ದರು. ಸಿನಿಮಾ 2025ರಲ್ಲಿ ಬಿಡುಗಡೆಯಾಗಿತ್ತು. ಚಿತ್ರದ ಪ್ರಚಾರದ ವೇಳೆ ಈ ಜೋಡಿ ಚಾಟ್ ಶೋವೊಂದರಲ್ಲಿ ಭಾಗವಹಿಸಿ, ಶೂಟಿಂಗ್ ವೇಳೆ ತಮಗಾದ ಮರೆಯಲಾಗದ ಅನುಭವಗಳನ್ನು ಹಂಚಿಕೊಂಡಿದ್ದರು.

ಮೇಕೆ ಮರಿಯೊಂದಿಗೆ ಆಟವಾಡಿದ್ದ ಅನುಪಮಾ

ಚಾಟ್ ಶೋನಲ್ಲಿ ಮಾತನಾಡಿದ ಧ್ರುವ ವಿಕ್ರಮ್, ಶೂಟಿಂಗ್ ಸೆಟ್‌ನಲ್ಲಿ ನಡೆದ ಘಟನೆಯನ್ನು ನೆನಪಿಸಿಕೊಂಡು ಅನುಪಮಾ ಪರಮೇಶ್ವರನ್ ಅವರನ್ನು ತಮಾಷೆಯಾಗಿ ಕಾಲೆಳೆದರು.

Also read>> ಶಿವಮೊಗ್ಗದ ಆರೋಪಿಗೆ 5 ವರ್ಷ ಜೈಲು, ₹17 ಸಾವಿರ ದಂಡ : ಈತನ ಅಪರಾಧವೇನು?

“ಅನುಪಮಾ ಸೆಟ್‌ನಲ್ಲಿ ಮೇಕೆ ಮರಿಯೊಂದರ ಜೊತೆ ಆಟವಾಡುತ್ತಿದ್ದರು. ಆದರೆ ಅದೇ ದಿನ ಸಂಜೆ ಅವರು ಅದೇ ಮೇಕೆಯ ಮಾಂಸವನ್ನು ತಿಂದರು,” ಎಂದು ಧ್ರುವ ವಿಕ್ರಮ್ ಹೇಳಿ ಎಲ್ಲರನ್ನೂ ನಗಿಸಿದ್ದರು.

ಧ್ರುವ ವಿಕ್ರಮ್ ಅವರ ಈ ಮಾತಿಗೆ ಅನುಪಮಾ ಕೂಡ ಘಟನೆಯ ಸಂಪೂರ್ಣ ಹಿನ್ನೆಲೆಯನ್ನು ವಿವರಿಸಿದರು.

ಮಧ್ಯಾಹ್ನದ ಊಟಕ್ಕೆ ಬಂದಿತ್ತು ಮಟನ್ ಬಿರಿಯಾನಿ

“ಶೂಟಿಂಗ್ ಸೆಟ್‌ನಲ್ಲಿ ಕೆಲವು ಮೇಕೆ ಮರಿಗಳಿದ್ದವು. ನಾನು ಅವುಗಳ ಜೊತೆ ಆಟವಾಡುತ್ತಿದ್ದೆ. ಬಳಿಕ ಮಧ್ಯಾಹ್ನದ ಊಟಕ್ಕೆ ನನಗೆ ಮಟನ್ ಬಿರಿಯಾನಿ ನೀಡಲಾಯಿತು. ನಾನು ಅದರಲ್ಲಿ ಎರಡು ತುತ್ತು ತಿಂದಿದ್ದೆ. ಆಗ ನನ್ನ ಅಸಿಸ್ಟೆಂಟ್ ಬಂದು, ‘ಮ್ಯಾಮ್, ನೀವು ಬೆಳಿಗ್ಗೆ ಆಟವಾಡುತ್ತಿದ್ದರಲ್ಲ, ಅದೇ ಮೇಕೆಯ ಬಿರಿಯಾನಿ ಇದು’ ಎಂದು ನಗುತ್ತಾ ಹೇಳಿದರು,” ಎಂದು ಅನುಪಮಾ ಪರಮೇಶ್ವರನ್ ಘಟನೆಯನ್ನು ವಿವರಿಸಿದರು.

ಈ ಮಾತು ಕೇಳಿದ ಬಳಿಕ ತಾನು ತಿಂದಿದ್ದ ಆಹಾರವೇ ಅದೇ ಮೇಕೆಯದ್ದೇ ಎಂಬ ಆಲೋಚನೆ ಬಂದು ತಮಗೆ ಶಾಕ್ ಆಗಿತ್ತು ಎಂಬ ರೀತಿಯಲ್ಲಿ ಅನುಪಮಾ ತಮ್ಮ ಅನುಭವವನ್ನು ಹಂಚಿಕೊಂಡಿದ್ದರು.

ಬಳಿಕ ಮಟನ್ ತಿನ್ನುವುದನ್ನೇ ಬಿಟ್ಟ ಅನುಪಮಾ

ಈ ಘಟನೆ ತಮ್ಮ ಮೇಲೆ ಎಷ್ಟರ ಮಟ್ಟಿಗೆ ಪರಿಣಾಮ ಬೀರಿತು ಎಂಬುದನ್ನೂ ಅನುಪಮಾ ಶೋನಲ್ಲಿ ಹೇಳಿಕೊಂಡಿದ್ದರು. ಘಟನೆಯ ನಂತರ ತಾವು ಮಟನ್ ತಿನ್ನುವುದನ್ನೇ ಬಿಟ್ಟಿರುವುದಾಗಿ ಅವರು ಸ್ಪಷ್ಟಪಡಿಸಿದರು.

ಶೂಟಿಂಗ್ ಸೆಟ್‌ನಲ್ಲಿ ಮೇಕೆ ಮರಿಯೊಂದಿಗೆ ಆಟವಾಡಿದ ಕೆಲವೇ ಗಂಟೆಗಳಲ್ಲಿ ಅದೇ ಮೇಕೆಯ ಮಾಂಸವನ್ನು ಊಟವಾಗಿ ಸೇವಿಸಿದ್ದೇನೆ ಎಂಬ ವಿಚಾರ ತಿಳಿದುಬಂದಿದ್ದು ತಮ್ಮ ಪಾಲಿಗೆ ವಿಚಿತ್ರ ಹಾಗೂ ಆಘಾತಕಾರಿ ಅನುಭವವಾಗಿತ್ತು ಎಂದು ಅನುಪಮಾ ವಿವರಿಸಿದ್ದರು.

ಧ್ರುವ ವಿಕ್ರಮ್ ಅವರ ತಮಾಷೆಯ ಮಾತು ಹಾಗೂ ಅನುಪಮಾ ನೀಡಿದ ಸ್ಪಷ್ಟನೆಯ ಈ ವಿಡಿಯೋ ಇದೀಗ ಮತ್ತೆ ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್ ಆಗಿದ್ದು, ಅಭಿಮಾನಿಗಳು ಘಟನೆಯನ್ನು ನೆನಪಿಸಿಕೊಂಡು ವಿವಿಧ ರೀತಿಯಲ್ಲಿ ಪ್ರತಿಕ್ರಿಯಿಸುತ್ತಿದ್ದಾರೆ.

ಸುದ್ಧಿ ಹಾಗೂ ಜಾಹೀರಾತಿಗಾಗಿ ಸಂಪರ್ಕಿಸಿ: Whatsapp: 9008761663, 9481252093 – info@kalpa.news