ಗಿಡಮೂಲಿಕೆಗಳಿಂದ ಜಾನುವಾರು ರೋಗ ನಿಯಂತ್ರಣ ಸಾಧ್ಯ: ಡಾ. ವಿಲಾಸ್

ಕಲ್ಪ ಮೀಡಿಯಾ ಹೌಸ್  |  ಇರುವಕ್ಕಿ (ಶಿವಮೊಗ್ಗ) |

ನಮ್ಮ ಪರಿಸರದಲ್ಲೇ ಇರುವ ಗಿಡಮೂಲಿಕೆಗಳು ಹಾಗೂ ಹಲವು ನೈಸರ್ಗಿಕ ಪದ್ಧತಿಗಳ ಬಳಕೆಯಿಂದ ಜಾನುವಾರುಗಳಲ್ಲಿ ಕಂಡುಬರುವ ರೋಗಗಳನ್ನು ಯಶಸ್ವಿಯಾಗಿ ನಿಯಂತ್ರಿಸಬಹುದಾಗಿದೆ ಎಂದು ಪಶು ವೈದ್ಯಾಧಿಕಾರಿ ಡಾ. ವಿಲಾಸ್ ಹೇಳಿದರು.

ಹಳೇಮುಗಳಗೆರೆ ಗ್ರಾಮದಲ್ಲಿ ಇಂದು ಕೆಳದಿ ಶಿವಪ್ಪ ನಾಯಕ ಕೃಷಿ ಮತ್ತು ತೋಟಗಾರಿಕೆ ವಿಜ್ಞಾನಗಳ ವಿಶ್ವವಿದ್ಯಾಲಯ ಇರುವಕ್ಕಿ. ಕೃಷಿ ವಿಜ್ಞಾನಗಳ ಮಹಾವಿದ್ಯಾಲಯ ಇರುವಕ್ಕಿಯ ಅಂತಿಮ ವರ್ಷದ ವಿದ್ಯಾರ್ಥಿಗಳ ಗ್ರಾಮೀಣ ಕೃಷಿ ಕಾರ್ಯಾನುಭವ ಕಾರ್ಯಕ್ರಮ 2024-25 ಜಾನುವಾರು ರೋಗಗಳಿಗೆ ಮನೆ ಮದ್ದು ಮತ್ತು ವೈಜ್ಞಾನಿಕ ಹೈನುಗಾರಿಕೆ ವಿಷಯದ ಕುರಿತು ಆಂದೋಲನ ಕಾರ್ಯಕ್ರಮಕ್ಕೆ ಸಂಪನ್ಮೂಲ ವ್ಯಕ್ತಿಗಳಾಗಿ ಆಗಮಿಸಿದ್ದ ಅವರು  ಜಾಥಾಗೆ ಚಾಲನೆ ನೀಡಿ ಮಾತನಾಡಿದರು.
ಇಂಗ್ಲಿಷ್ ಔಷಧಿಗಳಿಂದ ವಾಸಿಯಾಗದ ಹಲವು ರೋಗಗಳು ಜನಪದ ಪಶುವೈದ್ಯದಿಂದ ವಾಸಿಯಾಗಿದೆ. ಹೊಟ್ಟೆ ಉಬ್ಬರ, ಉಣ್ಣೆ ಉಪಟಳಕ್ಕೆ, ಬೇದಿ, ಕೆಚ್ಚಲು ಬಾವು, ಅಜೀರ್ಣ, ಕೆಮ್ಮು, ಗಾಯಗಳಿಗೆ ಹುಳು ಬಿದ್ದಾಗ, ಇನ್ನು ಹಲವು ರೋಗಗಳಿಗೆ ಮನೆ ಮದ್ದುಗಳು ಮತ್ತು ಔಷಧಿ ಸಸ್ಯಗಳ ಸಂಕ್ಷೀಪ್ತ ಮಾಹಿತಿ ರೈತರಿಗೆ ವಿವರಿಸಿ, ಕೆಲವು ಔಷಧಿ ಸಸ್ಯಗಳನ್ನು ತೋರಿಸಿ ಅವುಗಳ ಮಹತ್ವ ತಿಳಿಸಿಕೊಟ್ಟರು.

Also read: ಶಿವಮೊಗ್ಗ | ನಮಿತಾ ಶೆಟ್ಟಿಗೆ ಕುವೆಂಪು ವಿಶ್ವವಿದ್ಯಾಲಯ ಪಿಎಚ್‍ಡಿ ಪದವಿ

ರಾಷ್ಟ್ರೀಯ ಡೈರಿ ಅಭಿವೃದ್ಧಿ ಮಂಡಳಿ ರೈತರ ಉಪಯೋಗವಾಗಲು NDDB ಅಂತರ್ಜಾಲದಲ್ಲಿ ಮಾಹಿತಿ ನೀಡಿದ್ದಾರೆ ಮತ್ತು ಯು ಟ್ಯೂಬ್ ಚಾನಲ್ ನಲ್ಲಿ ಮದ್ದು ತಯಾರಿಸುವ ವಿಧಾನವನ್ನು ಸಂಪೂರ್ಣವಾಗಿ ಕನ್ನಡ ಭಾಷೆಯಲ್ಲಿ ತಿಳಿಸಿದ್ದಾರೆ. ಇದನ್ನು ನೋಡಿ ಎಂದು ರೈತರಿಗೆ ಮಾಹಿತಿ ನೀಡಿದರು.

ಊರಿನ ಗ್ರಾಮಸ್ಥರು ಮತ್ತು ಅನೇಕ ರೈತರು ಪಾಲ್ಗೊಂಡು ತಮ್ಮ ಪೂರ್ವಜರು ಮನೆ ಮದ್ದುಗಳನ್ನು ತಯಾರಿಸುತ್ತಿದ್ದರು ನಾವು ಮರೆತಿದ್ದೇವೆ ಎಂದರು.

ಸುದ್ಧಿ ಹಾಗೂ ಜಾಹೀರಾತಿಗಾಗಿ ಸಂಪರ್ಕಿಸಿ: Whatsapp: 9008761663, 9481252093 – info@kalpa.news