ಸೂಪರ್ ವುಮೆನ್ ಪಾತ್ರದಲ್ಲಿ ಕ್ಯೂಟ್ ಗರ್ಲ್ ಅದಿತಿ

ಕಲ್ಪ ಮೀಡಿಯಾ ಹೌಸ್

ಆನಂದ್ ಆಡಿಯೋದ ಯೂಟ್ಯೂಬ್ ಚಾನೆಲ್‌ನಲ್ಲಿ ಇಂದು ಬಿಡುಗಡೆಯಾದ ಆನ ಚಿತ್ರದ ಟೀಸರ್ ನೋಡಿ ಈ ಚಿತ್ರದಲ್ಲಿ ಹಾರರ್ ಜಾನರ್ ಎಂದುಕೊಂಡರೆ, ಅದು ಕೇವಲ ಅರ್ಧದಷ್ಟು ಮಾತ್ರ ಸರಿ ಎನ್ನಬಹುದು. ಏಕೆಂದರೆ ಈ ಚಿತ್ರದಲ್ಲಿ ಬೆಚ್ಚಿ ಬೀಳಿಸುವಂತಹ ಅಂಶಗಳನ್ನು ಕಾಣಬಹುದು ಎನ್ನಲಾಗಿದೆ.
ನಿರ್ದೇಶಕರೇ ಹೇಳುವ ಪ್ರಕಾರ ಈ ಚಿತ್ರದಲ್ಲಿ ಸೂಪರ್ ಹೀರೊ ಬರೋದು ಖಚಿತ, ಅದಷ್ಟೇ ಅಲ್ಲದೇ ಚಿತ್ರವು ಮುಂದುವರೆದ ಹಲವು ಭಾಗಗಳಲ್ಲಿ ಮೂಡಿ ಬರಲಿದೆ ಎಂದು ಚಿತ್ರತಂಡದವರು ಖಚಿತಪಡಿಸಿದ್ದಾರೆ.

ಇಷ್ಟು ದಿನ ಕೇವಲ ಬಬ್ಲಿ ಪಾತ್ರಗಳಲ್ಲಿ ಮಾತ್ರ ಕಾಣಿಸಿಕೊಂಡಿದ್ದ ಅದಿತಿ ಪ್ರಭುದೇವರ ಪ್ರಭುದೇವಾ ಅವರ ಹಾರರ್ ಲುಕ್ ಎಲ್ಲರ ಹುಬ್ಬೆರಿಸುಂತೆ ಮಾಡಿದೆ.
ತೆರೆ ಮೇಲೆ ಬಂದಾಗ ಕ್ಯೂಟ್ ಆಗಿ ಕಾಣುವ ಅದಿತಿಯನ್ನು ಹಾರರ್ ಲುಕ್‌ನಲ್ಲಿ ಜನ ಹೇಗೆ ಸ್ವೀಕರಿಸುತ್ತಾರೆ ಎಂದು ನಿರೀಕ್ಷಿಸಲಾಗುತ್ತಿದೆ. ಚಿತ್ರದಲ್ಲಿ ಆಕರ್ಷಣೆಯ ಕೇಂದ್ರ ಬಿಂದುವಾಗಿದ್ದಾರೆ.

ಟೀಸರ್‌ನಲ್ಲಿ ಹಲವು ಭಯಪಡಿಸುವ ಅಂಶಗಳಿದ್ದು ಹಾರಾರ್ ಸಿನಿಮಾ ಪ್ರಿಯರಿಗೆ ಕುತೂಹಲ ಮೂಡಿಸಿದೆ.
ಚಿತ್ರಕ್ಕೆ ಮನೋಜ್ ಪಿ ನಡೋಲೋಮನೆ ಆಕ್ಷನ್ ಕಟ್ ಹೇಳಿದ್ದು, ಯೂ.ಕೆ ಪ್ರೋಡಕ್ಷನ್ ಬ್ಯಾನರ್‌ನಲ್ಲಿ ಚಿತ್ರ ಮೂಡಿಬರುತ್ತಿದೆ. ಫಸ್ಟ್ ಟೈಮ್ ಸೂಪರ್ ವುಮೆನ್ ಕಾನ್ಸೆಪ್ಟ್‌ನ್ನು ಕನ್ನಡದಲ್ಲಿ ತರಲು ಚಿತ್ರತಂಡ ಪ್ರಯತ್ನ ಪಟ್ಟಿದೆ. ಅದಿತಿ ಪ್ರಭುದೇವ ಅವರ ಡಿಫ್‌ರೆಂಟ್ ಲುಕ್‌ಗಾಗಿ ಜನರು ಕಾಯುತ್ತಿದ್ದಾರೆ.
ಚಿತ್ರದ ಟೀಸರ್ ಈಗಾಗಲೇ ಬಿಡುಗಡೆಯಾಗಿದ್ದು, ಈಗಾಗಲೇ ಗಾಂಧಿ ನಗರದಲ್ಲಿ ಚಿತ್ರ ನಿರ್ಮಾಣದ ಕುರಿತು ಒಳ್ಳೆಯ ಅಭಿಪ್ರಾಯ ಕೇಳಿಬರುತ್ತಿದೆ. ಚಿತ್ರತಂಡದ ಮುಖ್ಯಪಾತ್ರದಾರಿಗಳು ದಾವಣಗೆರೆ ಮೂಲದವರಾಗಿದ್ದು, ಜನರಿಗೆ ಬೆಣ್ಣೆದೋಡೆಯ ಘಮ ಚಿತ್ರದಲ್ಲೂ ಸಿಗಲಿದೆಯಾ ಕಾದು ನೋಡಬೇಕಿದೆ.

ಸುದ್ಧಿ ಹಾಗೂ ಜಾಹೀರಾತಿಗಾಗಿ ಸಂಪರ್ಕಿಸಿ: Whatsapp: 9481252093 – info@kalpa.news