ಗದಗಕ್ಕೆ ತೆರಳಿದ್ದ ಸಚಿವ ಶ್ರೀರಾಮುಲು ಆಟೋ ಓಡಿಸಿದ್ದೇಕೆ: ಜನರು ಏನೆಂದರು?

ಕಲ್ಪ ಮೀಡಿಯಾ ಹೌಸ್   |  ಗದಗ  |

ನಗರಕ್ಕೆ ಭೇಟಿ ನೀಡಿದ್ದ ಸಚಿವ ಶ್ರೀರಾಮುಲು Minister Shriramulu ಮುಂಜಾನೆಯೇ ಸಾರ್ವಜನಿಕರೊಂದಿಗೆ ಉಭಯಕುಶಲೋಪರಿ ವಿಚಾರಿಸಿದರು.

ಈ ಕುರಿತಂತೆ ಅಭಿಪ್ರಾಯ ವ್ಯಕ್ತಪಡಿಸಿದ ಅವರು, ಗದಗ ಜಿಲ್ಲೆಗೂ ನನಗೂ ಬಿಡಿಸಲಾಗದ ಅವಿನಾಭಾವ ಸಂಬಂಧವಿದೆ. ಈ ಹಿಂದೆ ಜಿಲ್ಲಾ ಉಸ್ತುವಾರಿ ಸಚಿವನಾಗಿದ್ದ ವೇಳೆ ಇಲ್ಲಿನ ಜನತೆ ತೋರಿದ ಅಭಿಮಾನಕ್ಕೆ ನಾನು ಸದಾ ಕೃತಜ್ಞನಾಗಿದ್ದೇನೆ ಎಂದಿದ್ದಾರೆ.
ಗದಗದಲ್ಲಿ ಸಚಿವರು ಬೆಳಗ್ಗೆ ವಾಯುವಿಹಾರಕ್ಕೆ ಹೊರಟ ವೇಳೆ ಆಕಸ್ಮಿಕವಾಗಿ ದಾರಿಮಧ್ಯೆ ಸಿಕ್ಕ ಅಭಿಮಾನಿಗಳು ಹಾಗೂ ಹಿತೈಷಿಗಳ ಉಭಯ ಕುಶಲೋಪಚಾರಿ ವಿಚಾರಿಸಿದರು.

Also read: ಸಾಗರ ಮಾರ್ಕೆಟ್ ಬಳಿ ಚತುಷ್ಪಥ ರಸ್ತೆ ಕಾಮಗಾರಿಗೆ ವೇಗ: ಪರಿಶೀಲಿಸಿದ ಶಾಸಕ ಹಾಲಪ್ಪ

ಈ ವೇಳೆ ಅಭಿಮಾನಿಯೊಬ್ಬರ ತಮ್ಮ ಆಟೋವನ್ನು ಓಡಿಸುವಂತೆ ಕೋರಿದರು. ಇದನ್ನು ಸಂತೋಷದಿಂದ ಮನ್ನಿಸಿದ ಸಚಿವರು, ಚಾಲಕರೊಂದಿಗೆ ಕುಳಿತು ಆಟೋ ಓಡಿಸಿ, ಸಂತೋಷ ವ್ಯಕ್ತಪಡಿಸಿದರು. ಅಲ್ಲದೇ, ಚಾಲಕರಿಗೆ ಶುಭ ಕೋರಿದರು.
ಸಚಿವರ ಈ ಎಲ್ಲ ಸರಳತನ ಕಂಡ ಸಾರ್ವಜನಿಕರು ಜನರೊಂದಿಗೆ ಬೆರೆಯುವ ಸರಳತೆಯ ನಾಯಕರಾದ ಶ್ರೀರಾಮುಲು ಅವರಂತಹ ನಾಯಕ ಸಮಾಜಕ್ಕೆ ಬೇಕು. ನಮ್ಮ ಜಿಲ್ಲಾ ಉಸ್ತುವಾರಿ ಸಚಿವರಾಗಿದ್ದಾಗ ಹೇಗೆ ಜಿಲ್ಲೆಯ ಜನರೊಂದಿಗೆ ಹೊಂದಿದ್ದ ರೀತಿಯಲ್ಲಿಯೇ ಇಂದಿಗೂ ಸಹ ಅಭಿಮಾನ ಹೊಂದಿದ್ದಾರೆ ಎಂದು ಸಂತೋಷ ವ್ಯಕ್ತಪಡಿಸಿದರು.
ಸುದ್ಧಿ ಹಾಗೂ ಜಾಹೀರಾತಿಗಾಗಿ ಸಂಪರ್ಕಿಸಿ: Whatsapp: 9008761663, 9481252093 – info@kalpa.news