ಭದ್ರಾವತಿ ಹಳೇನಗರದಲ್ಲಿ ಮುಗಿಲುಮುಟ್ಟಿದ ಹೋಳಿ ಸಂಭ್ರಮ

ಭದ್ರಾವತಿ: ಹಳೆನಗರ ಸೇರಿದಂತೆ ವಿವಿದೆಡೆ ಹೋಳಿಹಬ್ಬದ ಅಂಗವಾಗಿ ಪ್ರತಿಷ್ಟಾಪಿಸಲಾಗಿದ್ದ ರತಿಮನ್ಮಥರ ಪ್ರತಿಕೃತಿ ಮೆರವಣಿಗೆಯು ಶನಿವಾರ ಪ್ರಮುಖ ಬೀದಿಗಳಲ್ಲಿ ಮೆರವಣಿಗೆ ನಡೆಸುವ ಮೂಲಕ ಕಾಮದಹನ ನಡೆಸಲಾಯಿತು.
ಕಳೆದ ಮೂರು ದಿನಗಳ ಕಾಲ ಹಳದಮ್ಮನ ಬೀದಿ, ರಥಬೀದಿ, ಕುಂಬಾರಬೀದಿಗಳಲ್ಲಿ ಪ್ರತಿಷ್ಟಾಪಿಸಲಾಗಿದ್ದ ರತಿಮನ್ಮಥರ ಮೂರ್ತಿಗಳನ್ನು ಭವ್ಯ ಸಾರೋಟು ಹಾಗೂ ಎತ್ತಿನಗಾಡಿಯಲ್ಲಿ ಪ್ರತಿಷ್ಟಾಪಿಸಿ ಮೆರವಣಿಗೆ ನಡೆಸಲಾಯಿತು.

ಮಕ್ಕಳಾದಿಯಾಗಿ ಯುವಕ, ಯುವತಿಯರು ವಯೋಮಾನವನ್ನು ಲೆಕ್ಕಿಸದೇ ಒಬ್ಬರಿಗೊಬ್ಬರು ಪರಸ್ಪರ ಬಣ್ಣ ಎರಚುವ ಮೂಲಕ ನೃತ್ಯ ಪ್ರದರ್ಶಿಸಿ ಕುಣಿದು ಕುಪ್ಪಳಿಸಿದರು.

ರಸ್ತೆಯ ಎರೆಡೂ ಬದಿಯಲ್ಲಿರುವ ನಿವಾಸಿಗರು ಮೆರವಣಿಗೆ ತಮ್ಮ ಮನೆಯ ಬಳಿ ಬರುತ್ತಿದ್ದಂತೆ ಅವರೂ ಸಹ ಮೆರವಣಿಗೆಯಲ್ಲಿ ಪಾಲ್ಗೊಂಡು ಬಣ್ಣದೋಕುಳಿಯಲ್ಲಿ ಮಿಂದೇಳುತ್ತಿದ್ದ ದೃಶ್ಯ ಕಂಡು ಬಂದಿತು.

ಅಹಿತಕರ ಘಟನೆ ನಡೆಯದಂತೆ ಪೋಲಿಸ್ ಇಲಾಖೆ ಸಿಬ್ಬಂದಿಗಳು ಸ್ಥಳದಲ್ಲಿದ್ದು ರಂಗುರಂಗಿನ ಶಾಂತಿಯುತ ಸೌಹಾರ್ಧ ಹೋಳಿಹಬ್ಬಕ್ಕೆ ಸಾಕ್ಷಿಕರಿಸಿದರು.

(ವರದಿ: ಆರ್.ವಿ. ಕೃಷ್ಣ, ಭದ್ರಾವತಿ)