ಹೊಸಪೇಟೆ: ಮಕ್ಕಳ ದಿನಾಚರಣೆ ಅಂಗವಾಗಿ ವಿವಿಧ ಸ್ಪರ್ಧೆಗಳು ಸಂಪನ್ನ

ಕಲ್ಪ ನ್ಯೂಸ್ ಡಿಜಿಟಲ್ ಮೀಡಿಯಾ
ಹೊಸಪೇಟೆ: ಚಾಚಾ ನೆಹರೂರವರ ಜನ್ಮದಿನಾಚರಣೆ ಅಂಗವಾಗಿ ಕೆಎಫ್’ಐಎಲ್ ಆಫಿಸರ್ಸ್ ಮತ್ತು ಲೇಡಿಸ್ ಕ್ಲಬ್ ಹೊಸಪೇಟೆ ಆವರಣದಲ್ಲಿ ಮಕ್ಕಳ ದಿನಾಚರಣೆ ಆಯೋಜಿಸಿ ಮಕ್ಕಳಿಗೆ ವಿವಿಧ ರೀತಿಯ ಸ್ಪರ್ಧೆಗಳನ್ನು ಏರ್ಪಡಿಸಿ ಬಹುಮಾನ ವಿತರಣೆ ಮಾಡಲಾಯಿತು.

ಲೇಡೀಸ್ ಕ್ಲಬ್ ಅಧ್ಯಕ್ಷರಾದ ಶ್ರೀಮತಿ ಕಮಲ ಗುಮಾಸ್ತೆಯವರ ನೇತೃತ್ವದಲ್ಲಿ ಆಚರಿಸಲಾಯಿತು. ಪ್ರಾರಂಭದಲ್ಲಿ ಮಕ್ಕಳಿಗೆ ಪ್ರಬಂಧ ಸ್ಪರ್ಧೆ, ಚಿತ್ರಕಲಾ ಹಾಗೂ ರೈಮ್ಸ್ ಕಂಠಪಾಠ ಸ್ಪರ್ಧೆ ಆಯೋಜಿಸಲಾಗಿತ್ತು.

ಚಾಚಾ ನೆಹರೂರವರ ಭಾವಚಿತ್ರಕ್ಕೆ ಪೂಜೆ ಸಲ್ಲಿಸುವುದರ ಮೂಲಕ ಮಕ್ಕಳಿಂದ ಕೇಕ್ ಕತ್ತರಿಸಿ ಮಾಡುವುದರ ಮೂಲಕ ಸಿಹಿಯನ್ನು ಹಂಚಲಾಯಿತು. ಕಾರ್ಯಕ್ರಮದಲ್ಲಿ ಹಿರಿಯ ಸದಸ್ಯರಾದ ಶ್ರೀಮತಿ ರಚನ ಏಕತಾರಿ ಇವರಿಂದ ಮಕ್ಕಳಲ್ಲಿ ಇಂಟರ್’ನೆಟ್ ಬಳಕೆ ವಿಷಯವಾಗಿ ಮಾಹಿತಿ ಮತ್ತು ತಿಳುವಳಿಕೆಯನ್ನು ನೀಡಿದರು.

ಕಾರ್ಯಕ್ರಮದಲ್ಲಿ ಕಾರ್ಯದರ್ಶಿಗಳಾದ ನೀಲಾ ರಾಜೇಶ್, ಮಹೇಶ್ವರಿ ಕೋರಿ, ಭಾಗ್ಯ ಜಗದೀಶ್, ವಿದ್ಯಾ ಶಿವಕುಮಾರ್, ಪಲ್ಲವಿ ಜ್ಯೋಶಿ, ಇತರ ಸದಸ್ಯರು ಮತ್ತು ಮಕ್ಕಳು ಭಾಗವಹಿಸಿದ್ದರು.

ಕಾರ್ಯಕ್ರಮದ ಅಂಗವಾಗಿ ಕೆಎಫ್’ಐಎಲ್ ವಾಷ್ ಕ್ಲಬ್ ಸದಸ್ಯರಿಂದ ಹೊಸಪೇಟೆಯ ಜಿಪಿಎಚ್’ಎಸ್ ಶಾಲೆ ಚಿತ್ತವಾಡಿಗಿ ಶಾಲೆಯಲ್ಲಿ ಮಕ್ಕಳ ದಿನಾಚರಣೆ ಆಚರಿಸಲಾಯಿತು. ಕಮಲಾ ಗುಮಾಸ್ತೆ ಮಕ್ಕಳಿಗೆ ಶುಭಾಶಯ ಕೋರಿದರು ಮತ್ತು ಸಿಹಿ ಹಂಚಿದರು.

ವರದಿ: ಮುರಳೀಧರ್ ನಾಡಿಗೇರ್, ಹೊಸಪೇಟೆ

Get in Touch With Us info@kalpa.news Whatsapp: 9481252093