ಡೈಯಮೀಡ್ ದ್ವೀಪಗಳು ಅಥವಾ ನಿನ್ನೆ ನಾಳೆ ದ್ವೀಪಗಳು ಎಂದು ಕರೆಯಲ್ಪಡುವ ಕಲ್ಲಿನಿಂದ ರಚನೆಯಾದ 2 ದ್ವೀಪ ಪುಟ್ಟ ದ್ವೀಪಗಳಿರುವುದು ರಷ್ಯಾ ಮತ್ತು ಅಮೆರಿಕಾ ನಡುವಿನ ಬೇರಿಂಗ್ ಸ್ಟ್ರೈಟ್ನಲ್ಲಿ. ಈ ದ್ವೀಪಗಳಲ್ಲಿ ಅಂತ ವಿಶೇಷ ಏನು ಎಂದು ಕೇಳಬಹುದು. ವಿಶೇಷ ಖಂಡಿತಾ ಇದೆ.
ಈ ಎರಡು ದ್ವೀಪಗಳ ನಡುವಿನ ಅಂತರ 3.8 ಕಿಲೋಮೀಟರ್ ಮಾತ್ರ. ಆದರೆ ಎರಡು ದ್ವೀಪಗಳ ನಡುವಿನ ಸಮಯದ 21 ಘಂಟೆ. ಹೌದು ಎರಡು ದ್ವೀಪಗಳಲ್ಲಿ ಒಂದು ದ್ವೀಪ ರಷ್ಯಾದ ಆಡಳಿತದಲ್ಲಿದ್ದರೆ, ಮತ್ತೊಂದು ಅಮೆರಿಕಾದ ವಶದಲ್ಲಿದೆ. ಡೈಯಮೀಡ್ (Diomede Islands) ದ್ವೀಪಗಳನ್ನು ರಷ್ಯಾ ಭಾಷೆಯಲ್ಲಿ ‘ವೊಜ್ ದೇವ್ ಐಲ್ಯಾಂಡ್’ ಎಂದು ಕರೆಯುತ್ತಾರೆ.
ಎರಡು ದ್ವೀಪಗಳಲ್ಲಿ ಒಂದನ್ನು ‘ಬಿಗ್ ಡೈಯಮೀಡ್’ ಎಂದು ಮತ್ತೊಂದನ್ನು ‘ಲಿಟಲ್ ಡೈಯಮೀಡ್’ ಎಂದು ಕರೆಯುತ್ತಾರೆ. ಬಿಗ್ ಡೈಯಮೀಡ್ ದ್ವೀಪ ರಷ್ಯಾದ ಆಡಳಿತದಲ್ಲಿದ್ದರೆ, ಲಿಟಲ್ ಡೈಯ ಮೀಡ್ ಅಮೆರಿಕಾದ ಆಡಳಿತದಲ್ಲಿದೆ.
ಡೈಯಮೀಡ್ ದ್ವೀಪಗಳು ರಷ್ಯಾದ ಸೈಬೀರಿಯಾ ಮತ್ತು ಅಮೆರಿಕಾದ ಅಲಸ್ಕಾ ನಡುವಿನ ಜೀರಿಂಗ್ ಸಮುದ್ರದಲ್ಲಿದೆ. ಈ ಎರಡು ದ್ವೀಪಗಳ ನಡುವೆ ಅಂತರ್ರಾ ಷ್ಟ್ರೀಯ ದಿನಾಂಕ ರೇಖೆ ಹಾದುಹೋಗು ತ್ತದೆ. ಅಂದರೆ International date line. 3.8 ಕಿಲೋಮೀಟರ್ ಪೂರ್ವಕ್ಕಿರುವ ಲಿಟಲ್ ಡೈಯಮೀಡ್ನಲ್ಲಿ ಸೂರ್ಯೋದಯ ವಾದ ನಂತರ ಕೆಲವೇ ನಿಮಿಷಗಳ ಅಂತರದಲ್ಲಿ ಬಿಗ್ ಡೈಯಮೀಡ್ನಲ್ಲಿ ಸೂರ್ಯೋದಯವಾಗುತ್ತದೆ.
ಎರಡು ದ್ವೀಪಗಳ ನಡುವೆ ಅಂತರ್ರಾಷ್ಟ್ರೀಯ ದಿನಾಂಕ ರೇಖೆ ಬರುವ ಕಾರಣ ಎರಡು ದ್ವೀಪಗಳ ನಡುವಿನ ದಿನಾಂಕ ಸಮಯದ ಅಂತರ ಹೆಚ್ಚಿದೆ. ಉದಾಹರಣೆಗೆ ಹೇಳುವುದಾದರೆ ಲಿಟಲ್, ಡೈಯಮೀಡ್ನಲ್ಲಿ ಸೂರ್ಯೋದಯವಾಗಿ ಭಾನುವಾರದಿಂದ ಸೋಮವಾರಕ್ಕೆ ಕಾಲಿಟ್ಟರೆ, ಬಿಗ್ ಡೈಯಮೀಡ್ 3 ಘಂಟೆಗಳ ಅಂತರದಲ್ಲಿ (ಟೈಮ್ ಜೋನ್ ಆಧಾರದಲ್ಲಿ) ಸೋಮವಾರದಿಂದ ಮಂಗಳವಾರಕ್ಕೆ ಕಾಲಿಡುತ್ತದೆ.
(ಮುಂದುವರೆಯುವುದು)
