ಪ್ರಕೃತಿಯ ವ್ಯಾಪ್ತಿ ಮೀರಿ ನಡೆದರೆ ಅಪಾಯವೇ ಆಗುವುದು

Advanced technology ಎಂಬುದು ಒಂದು ಧೈರ್ಯ ತುಂಬುವ ಪದ. ಇದು ವೈದ್ಯಕೀಯ ಕ್ಷೇತ್ರ, communication, earth work ಇತ್ಯಾದಿಗಳಿಗೆ ವರ. ಆದರೆ constructionನಲ್ಲಿ ಮಾತ್ರ ಇದು ಶಾಪ.

ಗುಡ್ಡಗಳನ್ನು jcb ಮೂಲಕ ಅಗೆದು ಕಟ್ಟಡ ನಿರ್ಮಾಣ, ರಸ್ತೆ ನಿರ್ಮಾಣ, ಪರ್ವತಗಳನ್ನು ಕೊರೆದು ರಸ್ತೆ ಮಾಡುವಂತದ್ದು, ತಿಂಗಳೊಳಗೆ ವಸತಿ ಕಟ್ಟಡಗಳ ನಿರ್ಮಾಣ, multistory buildings ನಿರ್ಮಾಣ ಇತ್ಯಾದಿಗಳು advanced ಆದರೆ ಏನಾಗುತ್ತೆ ಅಂತ ಪ್ರಕೃತಿ ವಿಕೋಪಗಳು ಬಂದಾಗ ಗೊತ್ತಾಗುತ್ತದೆ.

ಮಡಿಕೇರಿಯಲ್ಲಿ ಅಲ್ಲಿನವರೇ ಹೇಳುವ ಪ್ರಕಾರ ಬೆಟ್ಟದ ತುದಿಯಲ್ಲಿ ಸಮತಟ್ಟು ಮಾಡಿ home stay ಮಾಡಿದ್ದು ನೂರಾರು ಇವೆ. ಇದರ ಪರಿಣಾಮ ಮಳೆಯ ನೀರು ಕೆಳಗಿಳಿದು ಇಡೀ ಗುಡ್ಡ ಬೆಟ್ಟಗಳೇ ಕುಸಿಯುವಂತೆ ಮಾಡಿದೆ. ಒಂದು ಹಳ್ಳಿ ಸಂಪೂರ್ಣವಾಗಿ ಭೂಸಮಾಧಿಯಾಗಿದೆ. ಕೆಲವೊಂದು ಅನಿವಾರ್ಯಗಳಿರಬಹುದು. ಆದರೆ ಐಷಾರಾಮಕ್ಕೆ ಬೇಕಾಗಿ ಮಾಡುವಂತದ್ದೇ ಈಗೀಗ ಹೆಚ್ಚಾಗಿದೆ.

ಪ್ರಕೃತಿಗೂ ಒಂದು ನಿರ್ಧಿಷ್ಟ ಧಾರಣಾ ಶಕ್ತಿ ಇದೆ. ಅದಕ್ಕಿಂತ ಹೆಚ್ಚಾದರೆ ಕುಸಿಯಬೇಕಷ್ಟೆ. ಈಗ ಬೆಂಗಳೂರು ನಗರವನ್ನೇ ನೋಡಿ. ಜನಸಂಖ್ಯೆ ಹೆಚ್ಚಾದಂತೆ ಬೃಹತ್ ಕಟ್ಟಡಗಳೂ ತಲೆ ಎತ್ತಿ ನಿಂತಿವೆ. ಬಹುಮಹಡಿ ವಸತಿ ಸಮುಚ್ಚಯಗಳು ತಲೆ ಎತ್ತಿವೆ.

ಇದಕ್ಕೆ ತಕ್ಕಂತೆ ಭೂಮಾಪನಾ ಇಲಾಖೆಯು ಸಬೂಬು ನೀಡಿ ಧೈರ್ಯತುಂಬಿ ಒಪ್ಪಿಗೆ ನೀಡುತ್ತದೆ. ಎಲ್ಲಾದರೂ ಬೆಂಗಳೂರಿಗೆ 6ಕ್ಕಿಂತ ಹೆಚ್ಚು ರಿಕ್ಟರ್ ಮಾಪಕದಲ್ಲಿ ಭೂಕಂಪ ತೋರಿದರೆ? ನಮ್ಮ ಸಮಾಧಿಯನ್ನು ನಾವೇ ಮಾಡಿಕೊಂಡಂತಾಗುತ್ತದೆ. ಅದಕ್ಕಾಗಿ ನಗರ ವಿಸ್ತಾರ ಮಾಡಲಿ. ಹೊಸ ಹೊಸ ನಗರ ನಿರ್ಮಿಸಲಿ. ಆದರೆ ಒಂದೇ ಕಡೆ ವಿಪರೀತ ಭಾರ ಹಾಕಿದರೆ, ಎಲ್ಲರೂ ಒಂದೇ ಕಡೆ ವಾಸಿಸಲು ಬಂದರೆ ಮೆಟ್ರೊ ಗಿಟ್ರೋ ಎಂದು ಹೊಸ ಹೊಸ ಯೋಜನೆಗಳಿಗೆ ಕೈ ಹಾಕಬೇಕಾಗುತ್ತದೆ.

ಗುತ್ತಿಗೆದಾರರು ಅವರಿಗೆ ಕೆಲಸ ಸಿಗಲು ಯಾವ ಇಲಾಖೆಯ ಒಪ್ಪಿಗೆ ಪತ್ರವನ್ನೂ ತರಬಹುದು. ಆದರೆ ನಂತರ ಅಲ್ಲಿ ವಾಸಿಸುವವರು ಆ ನಗರ ವಾಸಿಗಳೇ ಮತ್ತು ಹಾನಿಗೀಡಾಗುವವರೂ ಅವರೇ. ಹೆಸರಿಗೆ Japan technology, German technology ಎಂದು ಹೆಗ್ಗಳಿಕೆ ಇದ್ದರೂ ಅವರೇನೂ ಇಲ್ಲಿಯ ವಾಸ್ತವವನ್ನು ಅರಿತವರಲ್ಲ. ಹಾಗಾಗಿ ಎಷ್ಟು ಸಾಧ್ಯವೋ ಅಷ್ಟು ಮಾಡಿದರೆ ಅಪಾಯಗಳಿಂದ ದೂರವಾಗಬಹುದು. ವ್ಯಾಪ್ತಿ ಮೀರಿ ನಡೆದರೆ ಅಪಾಯಬರಬಹುದು.

-ಪ್ರಕಾಶ್ ಅಮ್ಮಣ್ಣಾಯ, ಜ್ಯೋರ್ತಿವಿಜ್ಞಾನಂ