ಮೋದಿಯ ಭಾರತ ಈಗಲೂ ಜಗತ್ತಿನ ವೇಗಗತಿಯ ಆರ್ಥಿಕತೆ

ನವದೆಹಲಿ: 2019ರ ಲೋಕಸಭಾ ಚುನಾವಣೆಗೆ ತಿಂಗಳುಗಳು ಉಳಿದಿರುವಂತೆಯೇ ಪ್ರಧಾನಿ ನರೇಂದ್ರ ಮೋದಿ ಹಾಗೂ ಬಿಜೆಪಿ ಬೆಂಬಲಿಗರಿಗೆ ಸಂತಸ ವಿಚಾರ ಹೊರಬಿದ್ದಿದೆ.

ನರೇಂದ್ರ ಮೋದಿ ನೇತೃತ್ವದಲ್ಲಿ ಭಾರತ ಈಗಲೂ ಸಹ ಜಗತ್ತಿನಲ್ಲೇ ಅತಿ ವೇಗಗತಿಯಲ್ಲಿ ಬೆಳೆಯುತ್ತಿರುವ ದೇಶವಾಗಿದೆ ಎಂದು ಅಂತಾರಾಷ್ಟ್ರೀಯ ಆರ್ಥಿಕ ನಿಧಿ(ಐಎಂಎಫ್) ಹೇಳಿದೆ.

ಈ ಕುರಿತಂತೆ ವಿವರವಾದ ವರದಿ ಪ್ರಕಟಿಸಿರುವ ಐಎಂಎಫ್, ಸರ್ಕಾರದ ಸುಧಾರಣಾ ಕ್ರಮಗಳ ಪರಿಣಾಮ ಭಾರತ ಈಗಲೂ ಪ್ರಪಂಚದಲ್ಲಿ ವೇಗಗತಿಯಲ್ಲಿ ಬೆಳವಣಿಗೆ ಹೊಂದುತ್ತಿರುವ ರಾಷ್ಟ್ರವಾಗಿದೆ ಎಂದಿದೆ.

ಇನ್ನು, ಜಿಡಿಪಿ ಕುರಿತಾಗಿ ಹೇಳಿರುವ ಐಎಂಎಫ್ 2018-19ನೆಯ ಸಾಲಿಯಲ್ಲಿ ಶೇ.7.3 ರಿಂದ ಶೇ.7.5ರಷ್ಟಿದೆ ಎಂದು ಅಂದಾಜಿಸಿದೆ.

ಹೂಡಿಕೆ ಮತ್ತು ದೃಢವಾದ ಖಾಸಗಿ ಬಳಕೆಗಳನ್ನು ಬಲಪಡಿಸುವ ದೃಷ್ಟಿಯಿಂದ ಭಾರತವು ವಿಶಾಲವಾದ ಸಕಾರಾತ್ಮಕ ದೃಷ್ಟಿಕೋನವನ್ನು ಎದುರಿಸುತ್ತಿದೆ ಎಂದು ಐಎಮ್ಎಫ್ ತಿಳಿಸಿದೆ.