ಕಲ್ಪ ಮೀಡಿಯಾ ಹೌಸ್ | ಬೆಂಗಳೂರು |
ಭಾರತೀಯ ಮನರಂಜನಾ ಲೋಕದ ದಿಕ್ಕನ್ನೇ ಬದಲಿಸುವ ನಿಟ್ಟಿನಲ್ಲಿ ‘ಗ್ಯಾಮೆನ್ ಸ್ಪೋರ್ಟ್ಸ್ ಅಂಡ್ ಎಂಟರ್ಟೈನ್ಮೆಂಟ್ ಪ್ರೈವೇಟ್ ಲಿಮಿಟೆಡ್’ ಸಂಸ್ಥೆಯು ‘ಬಿಗ್ ಪಿಚ್ಚರ್’ #BigPitchure ಎಂಬ ಕ್ರಾಂತಿಕಾರಿ ರಿಯಾಲಿಟಿ ಶೋ ಅನ್ನು ಘೋಷಿಸಿದೆ.
ಚಲನಚಿತ್ರ ನಿರ್ಮಾಣದ ಜವಾಬ್ದಾರಿಯನ್ನು ನೇರವಾಗಿ ಪ್ರೇಕ್ಷಕರ ಕೈಗೇ ನೀಡುವ ಈ ಶೋ, ಶೀಘ್ರದಲ್ಲೇ ಜಿಯೋ ಹಾಟ್ ಸ್ಟಾರ್’ನಲ್ಲಿ #JioHotStar ಐದು ಭಾಷೆಗಳಲ್ಲಿ ಪ್ರಸಾರವಾಗಲಿದೆ. “ನೀವು ಯಾವಾಗಲೂ ಸಿನಿಮಾಗಳನ್ನು ವಿಮರ್ಶಿಸಿದ್ದೀರಿ, ಈಗ ನೀವೇ ಒಂದು ಸಿನಿಮಾ ಮಾಡಿ” ಎಂಬ ಸವಾಲನ್ನು ಈ ಶೋ ದೇಶದ ಜನರ ಮುಂದಿಟ್ಟಿದೆ.
Also Read>> ತಮಿಳುನಾಡಿನಲ್ಲಿ ಮದ್ಯ ಮಾರಾಟ, ಖರೀದಿಗೆ ವಯೋಮಿತಿ ನಿಗದಿ | ಎಷ್ಟು ವರ್ಷ?
ಇಂದಿನ ಕಾಲದಲ್ಲಿ ಸಿನಿಮಾಗಳು #Movie ಬಿಡುಗಡೆಯಾದ ತಕ್ಷಣವೇ ಸ್ಮಾರ್ಟ್ ಫೋನ್ಗಳಲ್ಲಿ ವಿಮರ್ಶೆ ಮಾಡುವವರ ಸಂಖ್ಯೆ ಹೆಚ್ಚಿದೆ. ಈ ಹಿನ್ನೆಲೆಯಲ್ಲಿ, ‘ಬಿಗ್ ಪಿಚ್ಚರ್’ 15 ವಾರಗಳ ಕಾಲ ನಡೆಯುವ ಪ್ರಯಾಣವಾಗಿದ್ದು, ಪ್ರೇಕ್ಷಕರನ್ನೇ ಕಥೆಗಾರರು, ನಿರ್ದೇಶಕರು, ನಟರು ಮತ್ತು ನಿರ್ಣಯಕಾರರನ್ನಾಗಿ ಮಾಡುತ್ತದೆ. ಈ ಶೋನ ಅಂತ್ಯದಲ್ಲಿ “ಜನರಿಂದ, ಜನರಿಗಾಗಿ” ತಯಾರಾದ ಚಲನಚಿತ್ರವು ದೇಶಾದ್ಯಂತ ಚಿತ್ರಮಂದಿರಗಳಲ್ಲಿ ಬಿಡುಗಡೆಯಾಗಲಿದೆ.
ಗ್ಯಾಮೆನ್ ಸ್ಪೋರ್ಟ್ಸ್ ಅಂಡ್ ಎಂಟರ್ಟೈನ್ಮೆಂಟ್ ಪ್ರೈವೇಟ್ ಲಿಮಿಟೆಡ್ನ ನಿರ್ಮಾಪಕ ಮಿ. ರಾವ್ ಮಾತನಾಡಿ “ಪ್ರತಿ ಶುಕ್ರವಾರ ಬಿಡುಗಡೆಯಾಗುವ ಸಿನಿಮಾದ ವರ್ಷಗಳ ಕಠಿಣ ಶ್ರಮವನ್ನು ಕೇವಲ ಕೆಲವು ನಿಮಿಷಗಳ ವಿಮರ್ಶೆಯಲ್ಲಿ ಅಳೆದುಹಾಕಲಾಗುತ್ತದೆ ಎಂದರು.
‘ಬಿಗ್ ಪಿಚ್ಚರ್’ ಮೂಲಕ ನಾವು ಈ ಚಿತ್ರಣವನ್ನು ಬದಲಿಸಲು ಬಯಸಿದ್ದೇವೆ. ಸಿನಿಮಾ ನಿರ್ಮಾಣದ ಒತ್ತಡ ಮತ್ತು ಅದರ ಗಾಂಭೀರ್ಯ ಪ್ರೇಕ್ಷಕರಿಗೆ ತಿಳಿಯಬೇಕು ಎಂಬುದು ನಮ್ಮ ಆಸೆ ಎಂದರು.
Also Read>> ಮುಗಿದ ಕಗ್ಗಂಟು | ಕೇರಳದ ನೂತನ ಮುಖ್ಯಮಂತ್ರಿಯಾಗಿ ಸತೀಶನ್ ಆಯ್ಕೆ
ಒಟ್ಟು 15 ವಾರಗಳ ಕಾಲ ನಡೆಯುವ ಈ ಶೋನಲ್ಲಿ ಪ್ರತಿ ಭಾನುವಾರ 60 ನಿಮಿಷಗಳ ಸಂಚಿಕೆ ಪ್ರಸಾರವಾಗಲಿದೆ. ಅಂತಿಮ ಸಂಚಿಕೆಯಲ್ಲಿ ವಿಜೇತರನ್ನು ಘೋಷಿಸಿದ ನಂತರ, ಅವರೆಲ್ಲರೂ ಸೇರಿ ಪ್ಯಾನ್ ಇಂಡಿಯಾ ಪ್ರೇಕ್ಷಕರಿಗಾಗಿ ಪೂರ್ಣ ಪ್ರಮಾಣದ ಚಲನಚಿತ್ರವನ್ನು ನಿರ್ಮಿಸಲಿದ್ದಾರೆ.
ಕನ್ನಡ ಆವೃತ್ತಿಯ ನಿರೂಪಕ ನಟ ವಸಿಷ್ಠ ಎನ್. ಸಿಂಹ ಮಾತನಾಡಿ, “ಕನ್ನಡ ಚಿತ್ರರಂಗವು ಯಾವಾಗಲೂ ಸಿನಿಮಾ ಪ್ರೇಮಿಗಳ ಪ್ರೀತಿಯಿಂದಲೇ ಬೆಳೆದಿದೆ. ಈಗ ಇದೇ ಮೊದಲ ಬಾರಿಗೆ ಅಭಿಮಾನಿಗಳು ಕೇವಲ ಪ್ರೇಕ್ಷಕರಾಗಿ ಉಳಿಯದೆ, ನಿರ್ದೇಶಕನ ಕುರ್ಚಿಯಲ್ಲಿ ಕುಳಿತುಕೊಳ್ಳಲಿದ್ದಾರೆ ಎಂದರು.
ನೋಂದಣಿ ಪ್ರಕ್ರಿಯೆ
ಆಸಕ್ತ ಬರಹಗಾರರು, ನಟರು, ತಂತ್ರಜ್ಞರು ಮತ್ತು ಸಂಗೀತಗಾರರು ಅಧಿಕೃತ ವೆಬ್ಸೈಟ್ www.bigpitchure.in ಅಥವಾ ‘Big Pitchure’ ಮೊಬೈಲ್ ಅಪ್ಲಿಕೇಶನ್ ಡೌನ್ಲೋಡ್ ಮಾಡುವ ಮೂಲಕ ತಮ್ಮ ಎಂಟ್ರಿಗಳನ್ನು ಸಲ್ಲಿಸಬಹುದು.
ಆಡಿಷನ್ ವಿವರ
ಬೆಂಗಳೂರಿನ ಗೋಪಾಲನ್ ಮಾಲ್ನಲ್ಲಿ #GopalanMall ಆಡಿಷನ್ಗಳು ಪ್ರಾರಂಭವಾಗಲಿವೆ.
ಸುದ್ಧಿ ಹಾಗೂ ಜಾಹೀರಾತಿಗಾಗಿ ಸಂಪರ್ಕಿಸಿ: Whatsapp: 9008761663, 9481252093 – info@kalpa.news
ದೇಶದಲ್ಲೇ ಮೊದಲು | ಸ್ಥಳೀಯ ತಂತ್ರಜ್ಞಾನ ಆಧಾರಿತ ಸೆಮಿ ಹೈಸ್ಪೀಡ್ ರೈಲ್ವೆ ಯೋಜನೆಗೆ ಕೇಂದ್ರ ಅಸ್ತು
