ಜುಲೈ 21ರಿಂದ ಕೂಡಲಿ ಶೃಂಗೇರಿ ಮಹಾಸಂಸ್ಥಾನದ ಉಭಯ ಜಗದ್ಗುರುಗಳ ಚಾರ್ತುಮಾಸ

Read - 2 minutes

ಕಲ್ಪ ಮೀಡಿಯಾ ಹೌಸ್ | ಕೂಡಲಿ(ಶಿವಮೊಗ್ಗ) |

ಕೂಡಲಿ ಶೃಂಗೇರಿ ಮಹಾಸಂಸ್ಥಾನದ #Koodli Shringeri Mahasamsthana ಉಭಯ ಜಗದ್ಗುರುಗಳು ಈ ಬಾರಿಯ ಚಾರ್ತುಮಾಸವನ್ನು ಶ್ರೀ ಕ್ಷೇತ್ರ ಕೂಡಲಿಯಲ್ಲಿ ಜುಲೈ 21ರಿಂದ ಆರಂಭಿಸಲಿದ್ದಾರೆ.

ಶ್ರೀ ವಿದ್ಯಾಭಿನವ ವಿದ್ಯಾರಣ್ಯ ಭಾರತೀ ಮಹಾಸ್ವಾಮಿಗಳು ಹಾಗೂ ತತ್ಕರಕಮಲ ಸಂಜಾತರಾದ ಶ್ರೀ ಅಭಿನವ ಶಂಕರ ಭಾರತೀ ಮಹಾಸ್ವಾಮಿಗಳು ಈ ಬಾರಿಯ ತಮ್ಮ ಚಾರ್ತುಮಾಸ ವ್ರತವನ್ನು ಕ್ರೋಧಿನಾಮ ಸಂವತ್ಸರದ ಆಷಾಡ ಹುಣ್ಣಿಮೆಯಿಂದ ಕಾರ್ತಿಕ ಹುಣ್ಣಿಮೆವರೆಗೂ ಅಂದರೆ ಜುಲೈ 21ರಿಂದ ನವೆಂಬರ್ 15ರವರೆಗೂ ಶ್ರೀಕ್ಷೇತ್ರ ಕೂಡಲಿ ಮೂಲ ಮಠದಲ್ಲಿ ಆಚರಿಸಲಿದ್ದಾರೆ.

Also read: ಇಂದಿನಿಂದ ಶಿವಮೊಗ್ಗ-ಚೆನ್ನೈ ಸೂಪರ್ ಫಾಸ್ಟ್ ರೈಲು ಆರಂಭ | ಎಲ್ಲೆಲ್ಲಿ ನಿಲ್ದಾಣ? ಸಮಯವೇನು?
ಜುಲೈ 21ರ ಭಾನುವಾರ ಕೂಡಲಿಯಲ್ಲಿ ವ್ಯಾಸ ಪೂಜೆ ನೆರವೇರಿಸುವ ಮೂಲಕ ವ್ರತ ಕೈಗೊಳ್ಳಲಿದ್ದಾರೆ. ಗುರುಗಳ ಚಾರ್ತುಮಾಸ ಅವಧಿಯಲ್ಲಿ ಭಕ್ತಾದಿಗಳು ಶ್ರೀಮಠಕ್ಕೆ ಭೇಟಿ ನೀಡಿ, ಉಭಯ ಜಗದ್ಗುರುಗಳ ದರ್ಶನ ಪಡೆದು, ಭಿಕ್ಷಾವಂದನೆ ಸಮರ್ಪಿಸಿ ಅನುಗ್ರಹಕ್ಕೆ ಪಾತ್ರರಾಗಬಹುದಾಗಿದೆ.