ಕಲ್ಪ ಮೀಡಿಯಾ ಹೌಸ್ | ಆನಂದಕಂದ ಲೇಖನ ಮಾಲಿಕೆ-16 |
ತುಪ್ಪವನ್ನು ಬೆಂಕಿಗೆ ಹಾಕಿದರೆ ಅದು ಜ್ವಲಿಸುತ್ತದೆ. ಆದರೆ ಬೆಂಕಿಯಲ್ಲಿ ತುಪ್ಪ ತೋರುವುದಿಲ್ಲ. ಮಾತ್ರವಲ್ಲ ಬೆಂಕಿಯು ಆ ತುಪ್ಪವನ್ನು ಬಿಸಿಗೊಳಿಸಿ ಖಾಲಿ ಮಾಡುತ್ತದೆ. ಹಾಗೆಯೇ ನಮ್ಮ ಬದುಕಿನಲ್ಲಿಯೂ ಸಹ.
ನಮ್ಮ ಬದುಕಿನಲ್ಲಿ ತುಪ್ಪ ಎಂದರೆ ನಮ್ಮ ಸುತ್ತಲೂ ಇರುವ ಜನರು. ಅವರು ಸದಾ ನಮ್ಮನ್ನು ಕಾಡಿಸುತ್ತಾರೆ. ನಾವು ಒಂದು ಒಳ್ಳೆಯ ವಿಷಯದಲ್ಲಿ ಪ್ರವೃತ್ತರಾದಾಗ ಅವರು ನಮ್ಮನ್ನು ಅಸಮರ್ಥರೆಂದು ನಿಂದಿಸುತ್ತಾರೆ. ಪ್ರತಿ ನಿಮಿಷಕ್ಕೂ ನೀನು ಸಾಧಿಸಲು ಅಸಮರ್ಥನೆಂದು ಹೇಳುತ್ತಾರೆ. ಆದರೆ ನಾವು ಬೆಂಕಿಯಂತೆ ಇರಬೇಕು. ತುಪ್ಪದ ಜಿಡ್ಡಿನಿಂದಲೇ ಬೆಂಕಿಯು ಉರಿಯುವಂತೆ ಸಹಿಸದವರ ನುಡಿಗಳೆಂಬ ತುಪ್ಪವನ್ನು ನಮ್ಮ ಸಾಧನಾ ಜ್ಞಾಲೆಯಾಗಿಸಿಕೊಳ್ಳಬೇಕು, ಸಾಧಿಸಬೇಕು.
ಮಣ್ಣಿನಲ್ಲಿ ಬಿತ್ತಿದ ಬೀಜಗಳು ಮೊಳಕೆಯೊಡೆದು ಹಸಿರೆಲೆ ಆಗುವಾಗ ಗಿಡಗಳಿಗೆ ಹಸಿರು ಸೀರೆಗಳನ್ನು ಉಡಿಸಿ, ಬೆಳೆದು ಮೊಗ್ಗು ಹೂವಾಗಿ ಅರಳುವಾಗ ಹೂವಿಗೆ ಬಣ್ಣ ಬಳಿದು ಸುಗಂಧವನ್ನು ಹಚ್ಚುವುದಿಲ್ಲ. ತಾನಾಗಿಯೇ ಆಗುತ್ತದೆ ಅಲ್ಲವೇ? ಹಾಗೆಯೇ ನಾವು ನಮ್ಮ ಬದುಕನ್ನು ಸಂಬಾಳಿಸಬೇಕು. ಪರರು ಸಂಬಾಳಿಸಲು ಸಾಧ್ಯವೇ ಇಲ್ಲ.
ನಮ್ಮ ಬದುಕು ನಮ್ಮ ಕೈಯಲ್ಲಿಯೇ ಇದೆ. ಒಂದು ಹೂ ಅರಳಿ ಸುಗಂಧಾದಿಳನ್ನು ಹೇಗೆ ಕೊಡುತ್ತದೋ ಹಾಗೆಯೇ ನಮ್ಮ ಜೀವನದಲ್ಲಿ ದ್ವೇಷಾದಿಗಳನ್ನು ತ್ಯಜಿಸುತ್ತಾ, ಅರಿವನ್ನು ಪಡೆಯುತ್ತಾ, ಗುರುಗಳ ಆಶೀರ್ವಾದದಿಂದ ಮೇಲೇರಬೇಕು. ಸಾಧನಾಸಕ್ತನಾಗಬೇಕು. ಶಾಶ್ವತವಾದ ಸತ್ಯಗಳನ್ನು ತಿಳಿಯುತ್ತಾ ಹಾಗೂ ತಿಳಿಸುತ್ತಾ ಸಾರ್ಥಕ ಜೀವನ ಸಾಗಿಸಬೇಕು.
ನಾನು ನನ್ನದೆಂಬ ಅಹಂ ಬಿಡದಿರುವ ಮಾನವನು. ನಾನಿಲ್ಲದೆ ಜಗವಿಲ್ಲವೆನ್ನುವ ಮಾನವನು ಮತ್ತಷ್ಟು ದುಃಖ, ಒತ್ತಡ, ಹತಾಶೆಗೆ ಒಳಗಾಗುತ್ತಾನೆ. ಗಾಳಿ ಬೀಸಿದರೆ ಉಸಿರು. ಇಲ್ಲದಿದ್ದರೆ…. ನಮ್ಮ ಬದುಕು ಹಾಗೆ ಗಾಳಿಯಂತೆ ಪರರ ಏಳಿಗೆ, ಉಳಿವಿಗಾಗಿ ಇರಬೇಕು. ಈ ರೀತಿಯ ತ್ಯಾಗಮಯವಾದ ಸುಂದರವಾದ ಬದುಕನ್ನು ಸಾಧಿಸಿದವನೇ ಸಾರ್ಥಕ ಮಾನವನು ಎಂದೆನಿಸುತ್ತಾನೆ. ನಾವು ಕೂಡ ಈ ಆದರ್ಶಗಳನ್ನು ಅಳವಡಿಸಿಕೊಂಡು ಸಾರ್ಥಕರಾಗೋಣ.
ಜೈ ಶ್ರೀರಾಮ್
ಸುದ್ಧಿ ಹಾಗೂ ಜಾಹೀರಾತಿಗಾಗಿ ಸಂಪರ್ಕಿಸಿ: Whatsapp: 9008761663, 9481252093 – info@kalpa.news
