ನಮ್ಮೂರ್ ಮುದ್ರಾಡಿ

ಕಲ್ಪ ನ್ಯೂಸ್ ಡಿಜಿಟಲ್ ಮೀಡಿಯಾ

ಶ್ರೀ ಮಹಾಗಣಪತಿ ದೇವಸ್ಥಾನ ಆಧೀಶಕ್ತಿ ದೇವಾಲಯ ದೈವಸ್ಥಾನ ಬಕ್ಕಾರೆದ ಭಧ್ರಕಾಳಿ ಅಪ್ಪೆನ ಮಾಮಲ್ಲ ಪುಣ್ಯಸ್ಥಾನ ಬೊಲ್ಗುಂಡಿ ಮಾಹಾಲಿಂಗೇಶ್ವರ ದೇವೆರೆನ ಪೆರ್ಮೆದ ಪುಣ್ಯ ಜಾಗೆ ಬಲ್ಲಾಡಿ ಬ್ರಹ್ಮ ಬೈದೆರ್‌ ನೆಲೆಯಾದ್ ಉಂತಿನ ಐಸಿರದ ಪೊರ್ಲ ಮಾಯೆದ ಮಣ್ಣ್ ಈ ಮಾತ ಪೊರ್ಲ ಮಣ್ಣ್‌ಡ್ ಮಿನ್ಕ್‌ದ್ ರೈಸುಂಡ್ ನಮ್ಮಪೆರ್ಮೆದ ಊರು ಮುದ್ರಾಡಿ. ಊರು ಎಲ್ಯ ಆಂಡಲಾ ಈ ಎಲ್ಯ ಪೊರ್ಲ ಊರ್‌ಡ್ ಐನ್ ಪುಣ್ಯದಿಂಜಿನ ದೈವ ದೇವಸ್ಥಾನ ನೆಲೆಯಾದ್ ಭಕ್ತೆರೆನ ಉಡಲ್‌ಡ್ ಉಮೇದ್‌ದಾದ್ ರೈಸಿನ ಪೆರ್ಮೆ ಈ ಮುದ್ರಾಡಿ ಊರು‌ಗುಂಡ್ .ಇಂಚಿಡ್ ಕೆದು ನೀರ್‌ದ ನಡುಟ್ ಜೈನ ಬಸದಿ ನೆಲೆಯಾತಿನ ಪುಣ್ಯಜಾಗೆ ವರಂಗ ಮುನಿಯಾಲ್ ಅಜೆಕಾರ್ ಎಣ್ಣೆ ಹೊಳೆ ಜೋಡುರಸ್ತೆ ಬೈಲೂರ್ ಗೋಮಟೇಶ್ವರ ವೆಂಕಟರಮಣ ದೇವೆರ್‌ನ ಪೊರ್ಲ ಜಾಗೆ ಕಾರ್ಲ ಕಡತ್ತ್ಂಡ ಮೂಡುಬಿದ್ರೆ ದಾಂಟ್ಂಡ ನಮ್ಮ ಉಲ್ಲಾಲ್ದಿ ಅಮ್ಮ ನೆಲೆಯಾದ್ ಉಂತಿನ ಐಸಿರದ ಪೊರ್ಲು ದಿಂಜಿನ ಪುಣ್ಯ ಮಣ್ಣ್ ಕಟೀಲ್ ಎಕ್ಕಾರ್ ದುಂಬು ಪೋಂಡ ಪೊರ್ಲು ತುಳುಬಾಸೆದ ಊರು ಕುಡ್ಲದ ಪುಣ್ಯಜಾಗೆ ಪದವುದಕೊರಗಜ್ಜ ಕುಲಶೇಖರದ ಅಪ್ಪೆ ರಕ್ತೇಶ್ವರಿ ಕದ್ರಿ ಕುದ್ರೋಳಿ ಉಲ್ಲಾಲ ಸೋಮೇಶ್ವರದ ಈಶ್ವರ ದೇವೆರ್.ಅಂಚಿಡ್ ಹೆಬ್ರಿ ಮಲ್ಲ ಪೊರ್ಲ ತುದೆ ಸೀತಾನದಿ ಸೋಮೇಶ್ವರಡ್ ನೆಲೆಯಾತಿನ ಗಣಪತಿ ದೇವೆರೆನ ಬರಿಟೆ ಕಣ್ಣ್‌ಗ್ ಸಂಪುದಿಂಜಾವುನ ಪಚ್ಚ ರಂಗ್‌ಡ್ ಮಿನ್ಕು‌ನ ಸಸಿ ದೈಕುಲೆನ ನಡುಟ್ ರೈಸುನ ಪೊರ್ಲುಗ್ ಪುದರ್ ಪೋತಿನ ಆಗುಂಬೆ ಘಾಟಿ ಹೆಬ್ರಿಯಾದ್ ಶಿವಪುರ ಪಾಡಿಗಾರ ದಾಂಟ್ಂಡ ಅನಂತಪದ್ಮನಾಭ ದೇವೆರ್‌ನ ಪುಣ್ಯ ಮಣ್ಣ್ ಯಕ್ಷಗಾನ ಕಲೆಟ್ ಊರು ಪರವೂರ್‌ಡ್ ಪುದರ್ ಮಲ್ತಿನ ಪೇರ್ ಉಂಡಿನ ಪೆರ್ಮೆದೂರ್ ಪೆರ್ಡೂರ್ ವೀರೆಭದ್ರೆ ದೇವೆರೆನ ಮಹಿಮೆದಿಂಜಿ ಪೆರ್ಮೆದ ಊರು ಪೆರಡ್ಕ(ಹಿರಿಯಡ್ಕ) ಮಣಿಪಾಲ ಕಡತ್ತ್ಂಡ ಶ್ರೀಕೃಷ್ಟ ದೇವೆರ್ ನೆಲೆಯಾದ್ ಭಕ್ತೆರ್‌ನ ಉಡಲ್‌ಡ್ ಉಮೇದ್‌ದಾದ್ ಉಂತಿನ ಪೊರ್ಲೈಸಿರದ ಪುಣ್ಯಜಾಗೆ ಉಡುಪಿ.ಮುದ್ರಾಡಿ ಊರು ಎಲ್ಯ ಆಂಡಲಾ ಈ ಊರುದ ಪೆರ್ಮೆದಿಂಜಿನ ಕಜ್ಜೆಲೊನ ಕಮ್ಮೆನ ಊರು ಪರವೂರೊರ್ಮೆ ಪಸರುಂಡ್.ಕರ್ನಾಟಕ ಸಾಹಿತ್ಯ ಸಮ್ಮೇಳನದ ಗುರ್ಕಾರೆ ಆದ್ ಮೆರೆತಿನ ಅಂಬಾತನಯ ಮುದ್ರಾಡಿ ನೂದೆರ್ದ್ಲಾ ಮಿತ್ತ್ ನಾಟಕ ತಂಡಲೊನ್ ಕರ್ನಾಟಕ ರಾಜ್ಜೊರ್ದ್ ಲೆಪ್ಡಾಡ್ ಮುದ್ರಾಡಿ ಪನ್ಪಿನ ಎಲ್ಯ ಊರುಡ್ ಮಲ್ಲ ಮಲ್ಲ ತುಳುಕನ್ನಡ ನಾಟಕೊಲೆನ್ ಮಲ್ಪಾದ್ ತೋಜಾದ್ ಜನಮಾನಿಲೆನ ಮೆಚ್ಚುಗೆಲೆನ್ ಸರ್ಕಾರ ಸಂಘ ಸಂಸ್ಥೆರ್ದ್ ಬಿರುದ್ ಪುಗಾರ್ತೆ ಪಡೆತಿನ ಆಧೀಶಕ್ತಿ ದೈವ ದೇವಸ್ಥಾನದ ಮೋಕೆಸ್ಥೆರ್ ಗುರ್ಕಾರೆರ್ ಆದಿಪ್ಪುನ ಶ್ರೀದೇವಿ ಪಾತ್ರಿ ಮೋಹನ್ ಮುದ್ರಾಡಿ.ಪೊರ್ಲುಡಲ್‌ಡ್ ಸಾಯಿತ್ಯಲೋಕೊ‌ಗ್ ಬೆರಿಸಾಯ ಕೊರ್ದು ಬರವುದ ಪಚ್ಚ ಬುಲೆನ್ ಪತ್ತೂರ್ ಪರವೂರೊರ್ಮೆ ಬುಲೆಪಾದ್ ಪಸರಾದ್ ಎಲ್ಯ ಮಲ್ಲ ಬರವುಗಾರೆರೆನ ಉಡಲ್‌ಡ್ ಐಸಿರಡ್ ಮಿನ್ಕೊಂದಿಪ್ಪುನ ಮುದ್ರಾಡಿದಂಚಿನ ಎಲ್ಯ ಊರುಡ್ ಹೈಸ್ಕೂಲ್ ಸಾಲೆ ಕಟ್ಟಾದ್ ಬಡಜೋಕುಲೆಗ್ ಕಲ್ಪರೆ ಬೆರಿಸಾಯ ಕೊರ್ದು ಉಮೇದ್‌ದಿಂಜಾದ್, ಮುದ್ರಾಡಿ ಪೇಟೆ‌ದ ನಡುಟ್ ಸುಭಾಷ್ ಚಂದ್ರಬೋಸ್‌ರೆನ ಪ್ರತಿಮೆ ಕಟ್ಟಾದ್ ಜೋಕುಲೆನ ಉಡಲ್‌ಡ್ ದೇಶ ಮೋಕೆನ್ ಬುಲೆಪಾದ್ ಮೆರೆಪಾವನ ಪೆರ್ಮೆದ ಮುದ್ರಾಡಿ ದಿವಾಕರ್ ಶೆಟ್ಟಿ ಮುಂಬೈ.ಪುಟ್ಟ್‌ದ್ ಮಣ್ಣ್‌ದ ಚೀಪೆ
ನೀರ್‌ನ್ ಪರ್ದ್ ಕಂಡಡ್ ಬೆನ್ನ್‌ದ್ ಬುಲೆದಿನ
ಬಾರ್‌ದ ಅರಿತ ಗಂಜಿನ್ ರಡ್ ಪೊರ್ತು ಉಂಡ್‌ದ್ ಬುಲೆದ್ ಜೋಕುಲಾಟಿಕೆಡ್ ಗೊಬ್ಬುದ್ ಮಲ್ಲಾದ್
ಪುಟ್ಟಿನೂರ್‌ಡ್ ಸಾಲೆಗ್ ಪೋದ್ ರಡ್ಡಕ್ಷರ ಕಲ್ತ್‌ದ್ ನಾಲಕ್ಷರ ಕಲ್ಪರೆಗ್ ಬಂಜಿದ ಬಡವುಗ್ ಬೆನ್ನರೆಗ್ ಗಟ್ಟಿಮನಸ್ ಮಲ್ತ್‌ದ್ ಪುಟ್ಟಿನೂರ್ ಬುಡ್‌ದ್ ಪರವೂರ್‌ಗ್ ಬತ್ತ್‌ದ್ ಎತ್ತ್ಂಡಲಾ ಜನ್ಮಕೊರಿನ ತುಳುವಪ್ಪೆ ಮಟ್ಟೆಲ್‌ದ ಮೋಕೆ ತುಳುಮಣ್ಣ್‌ದ ಪೊರ್ಲೈಸಿರದ ಇರ್ಮೆನದಿಂಜಿನ ಕಮ್ಮೆನ ಅಕೇರಿದ ಉಸುಲುಪ್ಪಮುಟ ಉಡಲ್‌ಡೈಸಿರಡ್ ರೈಸುಂಡ್.

Get in Touch With Us info@kalpa.news Whatsapp: 9481252093