ಕಲ್ಪ ನ್ಯೂಸ್ ಡಿಜಿಟಲ್ ಮೀಡಿಯಾ
ತುಮಕೂರು: ನಗರದಲ್ಲಿ ಸೀಲ್ ಡೌನ್ ಆಗಿರುವ ಪೂರ್ ಹೌಸ್ ಕಾಲೋನಿಯ ನಿವಾಸಿಗಳು ಸೀಲ್ ಡೌನ್ ಆದೇಶ ಉಲ್ಲಂಘಿಸಿರುವ ಘಟನೆ ನಡೆದಿದೆ.
ಬಡಾವಣೆಯ ಮಸೀದಿಯಲ್ಲಿ ತಂಗಿದ್ದ ಗುಜರಾತ್ ಮೂಲದ ಧರ್ಮ ಪ್ರಚಾರಕನೊಬ್ಬನಿಗೆ ಕೊರೋನಾ ವೈರಸ್ ಸೋಂಕು ಪತ್ತೆಯಾಗಿದ್ದ ಹಿನ್ನೆಲೆಯಲ್ಲಿ, ಪೂರ್ ಹೌಸ್ ಕಾಲೋನಿಯನ್ನು ಸೀಲ್ ಡೌನ್ ಮಾಡಲಾಗಿದೆ.
ಮುಸ್ಲಿಂ ಸಮುದಾಯದ ಬೆನ್ನಿಗೆ ಬಿದ್ದ ‘ಕೊರೊನಾ’ ಬೇತಾಳ..!
ಆದರೆ, ಭಾನುವಾರ ಸಂಜೆ ಏಕಾಏಕಿ ನೂರಾರು ಮಹಿಳೆಯರು ಮನೆಯಿಂದ ಹೊರಗೆ ಬಂದಿದ್ದು, ಜಿಲ್ಲಾಡಳಿತದ ಆದೇಶವನ್ನು ಗಾಳಿಗೆ ತೂರಿದ್ದಾರೆ. ಸಾಮಾಜಿಕ ಅಂತರ ಕಾಯ್ದುಕೊಳ್ಳದೆ, ನಿಷೇಧಾಜ್ಞೆಯನ್ನು ಉಲ್ಲಂಘಿಸಿ ಗುಂಪುಗೂಡಿದ್ದಾರೆ. ಸೀಲ್ ಡೌನ್ ಉಲ್ಲಂಘಿಸಿ ಬಡಾವಣೆಯಿಂದ ಹೊರಗೆ ತೆರಳಲು ಹೊರಟಿದ್ದ ನೂರಾರು ಮಹಿಳೆಯರನ್ನು ತಿಲಕ್ ಪಾರ್ಕ್ ಠಾಣೆಯ , ಸಬ್ ಇನ್ಸ್ಪೆಕ್ಟರ್ ನವೀನ್, ತಮ್ಮ ಸಮಯ ಪ್ರಜ್ಞೆಯಿಂದ ತಡೆದಿದ್ದು, ಮಹಿಳೆಯರ ಮನವೊಲಿಸಿ ಅವರನ್ನೆಲ್ಲ ಮನೆಗೆ ಕಳುಹಿಸುವಲ್ಲಿ ಯಶಸ್ವಿಯಾಗಿದ್ದಾರೆ.
ಕೊರೋನಾ ವಿಶ್ಲೇಷಣೆಗೆ ಹೊಸ ಗಣಿತ: ರೆಡ್, ಆರೆಂಜ್, ಗ್ರೀನ್ ಜೋನ್ನಲ್ಲಿ ಹೊಸ ಲೆಕ್ಕ..!
ನೂರಾರು ಮಹಿಳೆಯರನ್ನು ಪ್ರಚೋದಿಸಿ, ಅವರು ಬೀದಿಯಲ್ಲಿ ಗುಂಪು ಸೇರಿ, ಜಿಲ್ಲಾಡಳಿತದ ಆದೇಶ ಉಲ್ಲಂಘಿಸುವಂತೆ ಮಾಡುವ ಪಿತೂರಿ ಮಾಡಿದ್ದು ಯಾರು ಎನ್ನುವ ಪ್ರಶ್ನೆ ಕಾಡಿದೆ. ಪೊಲೀಸರು ಸ್ವಲ್ಪವೇ ಯಾಮಾರಿದ್ದರೂ ಪೂರ್ ಹೌಸ್ ಕಾಲೋನಿಯಲ್ಲಿ ಪಾದರಾಯನಪುರದ ಗಲಭೆಯಂತಹ ಘಟನೆ ನಡೆಯುವ ಸಾಧ್ಯತೆ ಇತ್ತು. ಆದರೆ ಪೊಲೀಸರ ಚಾಕಚಕ್ಯತೆಯಿಂದ ದೊಡ್ಡ ಅವಘಡವೊಂದು ತಪ್ಪಿದೆ. ಅಮಾಯಕ ಮಹಿಳೆಯರನ್ನು ಪ್ರಚೋದಿಸಿದ ಕಿಡಿಗೇಡಿಗಳ ವಿರುದ್ಧ ಸೂಕ್ತ ಕ್ರಮಕ್ಕೆ ಸಾರ್ವಜನಿಕರು ಒತ್ತಾಯಿಸಿದ್ದಾರೆ.
(ಮಾಹಿತಿ: ಶ್ರೀಮಂತ್ ಶಿರಾ)
Get in Touch With Us info@kalpa.news Whatsapp: 9481252093
Discussion about this post