ಉತ್ತರ ಕೊರಿಯಾ ಎಂಬ ನರಕ-3

ಇತ್ತ ತಾನು ಅಕ್ರಮಿಸಿಕೊಂಡ ದೇಶದ ನಾಗರಿಕರನ್ನೇ ತನ್ನ ಪರವಾಗಿ ಎರಡನೆಯ ಮಹಾಯುದ್ಧದಲ್ಲಿ ಹೋರಾಡಲು ಬಳಸಿಕೊಂಡಿತು. 1945 ಹೊತ್ತಿಗೆ ಜಪಾನ್ ಮತ್ತು ಜರ್ಮನಿಯ ಭೂದಾಹದಿಂದ ಶುರುವಾದ 6 ವರ್ಷಗಳ ಸುದೀರ್ಘ ಯುದ್ಧಕ್ಕೆ ಅದಾಗಲೇ 60 ಮಿಲಿಯನ್‌ಗೂ ಅಂದರೆ 5 ಕೋಟಿಗೂ ಅಧಿಕ ಜನರು ಪ್ರಾಣಕಳೆದುಕೊಂಡಿದ್ದರು. ಜಪಾನ್‌ನ ಮೊಂಡುತನದಿಂದ ಯುದ್ಧ ಮುಂದುವರೆದಲ್ಲಿ ಇನ್ನು ಅಧಿಕ ಹಾನಿಯಾಗಬಹುದೆಂದು ಊಹಿಸಿದ ಅಮೆರಿಕಾ ಯುದ್ಧವನ್ನು ಕೊನೆಗೊಳಿಸಲು ಅಣ್ವಸ್ತ್ರ ಪ್ರಯೋಗಿಸ ಲೇಬೇಕಾಯಿತು. ಜಗತ್ತಿಗೆ ಅವೆುರಿಕಾ ಅಪರಾಧಿಯಂತೆ ಕಂಡರೂ ಅಮೆರಿಕಾದ ನಿರ್ಣಯ, ಆಗಬಹುದಾಗಿದ್ದ ಜೀವಹಾನಿಯನ್ನು ತಪ್ಪಿಸಿತು. ಹಿರೋಶಿಮಾ ಮತ್ತು ನಾಗಸಾಕಿ ನಗರಗಳು ಧ್ವಂಸವಾದ ನಂತರ ಜಪಾನ್ ಬೇಷರತ್ತಾಗಿ ಯುದ್ಧವನ್ನು ಕೊನೆಗಳಿಸಲೇಬೇಕಾಯಿತು. ಇದರಿಂದ ಕೊರಿಯಾದಿಂದಲೂ ಸಹ ತನ್ನ ಸೇನಾಪಡೆಯನ್ನು ಹಿಂಪಡೆಯಿತು.

ಎರಡನೆಯ ಮಹಾಯುದ್ಧದಲ್ಲಿ ಜೊತೆಜೊತೆಯಾಗೇ ಹೋರಾಡುತ್ತಿದ್ದರೂ ಅಮೆರಿಕಾ ಮತ್ತು ಸೋವಿಯತ್ ನಡುವೆ ಶೀಲತ ಸಮರವೊಂದು ಸಮಾನಾಂತರವಾಗಿ ನಡೆದೇ ಇತ್ತು. ಎರಡನೆಯ ಮಹಾಯುದ್ಧದ ನಂತರ 1945ರಲ್ಲಿ ಕೊರಿಯಾ ಉತ್ತರ ಮತ್ತು ದಕ್ಷಿಣ ಎಂದು ಎರಡು ಭಾಗವಾಯಿತು. ಉತ್ತರ ಭಾಗವನ್ನು ಸೋವಿಯತ್ ಆಕ್ರಮಿಸಿಕೊಂಡರೆ ದಕ್ಷಿಣವನ್ನು ಅಮೆರಿಕಾ ವಶಪಡಿಸಿಕೊಂಡು ಮತ್ತೆ ಒಂದಾಗಿ ಸಂಪೂರ್ಣ ಸ್ವತಂತ್ರ ಕೋರಿಯಾ ಕಟ್ಟುವ ಕೊರಿಯನ್ನರ ಕನಸು ಸೋವಿಯತ್ ಮತ್ತು ಅಮೆರಿಕಾದ ನಡುವಿನ ಶೀತಲ ಸಮರಕ್ಕೆ ಕಮರಿಹೋಯಿತು. ಅಮೆರಿಕಾವು ದಕ್ಷಿಣ ಕೊರಿಯಾದಲ್ಲಿ ಪ್ರಜಾತಂತ್ರ ವನ್ನು ರೂಪಿಸಿ ಮರುವರ್ಷವೇ ಅಲ್ಲಿಂದ ಕಾಲ್ತೆಗೆಯಿತು.  ಆದರೆ ಸೋವಿಯತ್‌ನ ಆಗಿನ ಜನರಲ್ Terentii Shtykov ಶಿಫಾರಸ್ಸಿನಂತೆ Provisional people’s Committee for North Korea  ಸ್ಥಾಪನೆ ಮಾಡಿ ಅದರ ಮುಖ್ಯಸ್ಥನನ್ನಾಗಿ ಕಿಮ್-ಇಲ್-ಸಂಗ್‌ನನ್ನು ನೇಮಕಮಾಡಲಾಯಿತು. ಇದೇ ಉತ್ತರ ಕೊರಿಯಾದ ಜನರ ಹೀನಾಯ ಬದುಕಿಗೆ ಮುನ್ನುಡಿಯಾಯಿತು. ಆ ನಂತರದ್ದೆಲ್ಲಾ ಕೇವಲ ಕಿಮ್ ಮನೆತನದ ಸರ್ವಾಧಿಕಾರ.

ಮುಂದುವರೆಯುವುದು…