ಶರಾವತಿ ಹಿನ್ನೀರಿಯಲ್ಲಿ ಮುಳಗಿದ ಬೃಹತ್ ಲಾರಿ: ಕಾರಣವೇನು?

Read - 2 minutes

ಕಲ್ಪ ಮೀಡಿಯಾ ಹೌಸ್ | ಸಾಗರ |

ಇಲ್ಲಿನ ಸಿಗಂಧೂರು Sigandhuru ಬಳಿಯ ಶರಾವತಿ ಹಿನ್ನೀರಿಯಲ್ಲಿ 10 ಚಕ್ರದ ಬೃಹತ್ ಲಾರಿಯೊಂದು ಮುಳುಗಿಹೋಗಿದೆ. ನಿನ್ನೆ ಸಂಜೆ 7 ಗಂಟೆ ವೇಳೆಗೆ ಘಟನೆ ನಡೆದಿದ್ದು, ಅದೃಷ್ಟವಷಾತ್ ಯಾವುದೇ ಪ್ರಾಣಹಾನಿಯಾಗಿಲ್ಲ.

ಘಟನೆಗೆ ಕಾರಣವೇನು?
ಅಂಬಾರಗೋಡ್ಲು-ಹೊಳೆಬಾಗಿಲಿನಲ್ಲಿ ನಿರ್ಮಾಣಗೊಳ್ಳುತ್ತಿರುವ ಸೇತುವೆ ಕಾಮಗಾರಿ ಹಿನ್ನೆಲೆಯಲ್ಲಿ ಖಾಸಗಿ ನಿರ್ಮಾಣ ಕಂಪೆನಿಗೆ ಸೇರಿದ 10 ಚಕ್ರದ ಲಾರಿಯೊಂದು ಜಲ್ಲಿಕಲ್ಲು ತುಂಬಿಕೊಂಡು ಬಂದಿದೆ.
ಲೋಡ್ ಸಮೇತ ಲಾರಿಯನ್ನು ಕಂಪೆನಿಯ ಲಾಂಚ್’ನಲ್ಲಿ ಇಳಿಸಲು ಪ್ರಯತ್ನಿಸಲಾಗಿದೆ. ಈ ವೇಳೆ ನಿಯಂತ್ರಣ ತಪ್ಪಿದ ಲಾರಿ ನೀರಿಗೆ ಜಾರಿ ಇಳಿದಿದೆ. ತತಕ್ಷಣವೇ ಎಚ್ಚೆತ್ತ ಚಾಲಕ ಕೆಳಕ್ಕೆ ಹಾರಿಕೊಂಡಿದ್ದಾನೆ. ಈ ಹಿನ್ನೆಲೆಯಲ್ಲಿ ಯಾವುದೇ ಪ್ರಾಣಹಾನಿಯಾಗಿಲ್ಲ.