ಜನರೇ ನನ್ನ ಸ್ಟಾರ್ ಪ್ರಚಾರಕರು, ಅವರಿಂದಲೇ ಗೆದ್ದಿದ್ದೇನೆ: ಸಂಗಮೇಶ್ವರ್ ಸಂತಸ

ಕಲ್ಪ ಮೀಡಿಯಾ ಹೌಸ್   |  ಶಿವಮೊಗ್ಗ/ಭದ್ರಾವತಿ  |

ನನ್ನ ಪರವಾಗಿ ಕ್ಷೇತ್ರದಲ್ಲಿ ಜನರೇ ಸ್ಟಾರ್ ಪ್ರಚಾರಕರು. ಅವರಿಂದಲೇ ನಾನು ಗೆದ್ದಿದ್ದೇನೆ ಎಂದು ಹಾಲಿ ಶಾಸಕ, ಕಾಂಗ್ರೆಸ್ ವಿಜೇತ ಅಭ್ಯರ್ಥಿ ಬಿ.ಕೆ. ಸಂಗಮೇಶ್ವರ್ BKSangameshwar ಸಂತಸ ವ್ಯಕ್ತಪಡಿಸಿದ್ದಾರೆ.

ತಮ್ಮ ಗೆಲುವಿನ ಹಿನ್ನೆಲೆಯಲ್ಲಿ ಸಹ್ಯಾದ್ರಿ ಕಾಲೇಜು ಆವರಣದಲ್ಲಿ ಮಾತನಾಡಿದ ಅವರು, ಬಿಜೆಪಿ ಪರವಾಗಿ ಬಹಳಷ್ಟು ಮಂದಿ ಸ್ಟಾರ್ ಪ್ರಚಾರಕರು ಬಂದಿದ್ದರು. ಹೀಗಾಗಿ, ಒಂದಷ್ಟು ಮತಗಳು ಬಿಜೆಪಿಗೆ ಹೋಗಿದೆ. ಇಲ್ಲದಿದ್ದರೆ ನಾವು ಇನ್ನಷ್ಟು ಮತಗಳನ್ನು ಗಳಿಸುತ್ತಿದ್ದೆವು ಎಂದರು.
ನಮಗೆ ಯಾವುದೇ ರೀತಿಯ ಸ್ಟಾರ್ ಪ್ರಚಾರಕರು ಬರಲಿಲ್ಲ. ನನ್ನ ಕ್ಷೇತ್ರದ ಜನರೇ ನಮ್ಮ ಸ್ಟಾರ್ ಪ್ರಚಾರಕರು. ಅವರಿಂದಲೇ ನಾನು ಗೆದ್ದಿದ್ದೇನೆ ಎಂದರು.

ಕ್ಷೇತ್ರದಲ್ಲಿ ಯಾವುದೇ ರೀತಿಯ ಅನುಕಂಪದ ಅಲೆ ಇರಲಿಲ್ಲ. ಹೀಗಾಗಿ, ಬೇರೆ ಪಕ್ಷದ ಅಭ್ಯರ್ಥಿಗಳನ್ನು ಮೀರಿ ನಾವು ಗೆದ್ದಿದ್ದೇವೆ ಎಂದರು.

ಸುದ್ಧಿ ಹಾಗೂ ಜಾಹೀರಾತಿಗಾಗಿ ಸಂಪರ್ಕಿಸಿ: Whatsapp: 9008761663, 9481252093 – info@kalpa.news