ಸೊರಬದ ಈ ಪ್ರತಿಭಾವಂತ ಬಾಲಕ ರಿಯಾಂಶ್ ಇಂಡಿಯಾ ಬುಕ್ ಆಫ್ ರೆಕಾರ್ಡ್’ಗೆ ಆಯ್ಕೆ

ಕಲ್ಪ ಮೀಡಿಯಾ ಹೌಸ್  |  ಸೊರಬ  |

ಎರಡು ವರ್ಷದ ಪುಟ್ಟ ಬಾಲಕ ರಿಯಾಂಶ್ ಶ್ರುತ್ಯರ್ಥ ಪಿ ಜಿ ತನ್ನ ಅದ್ಭುತ ಸ್ಮರಣ ಶಕ್ತಿಯಿಂದ ಇಂಡಿಯಾ ಬುಕ್ ಆಫ್ ರೆಕಾರ್ಡ್‌ಗೆ ಆಯ್ಕೆಯಾಗಿದ್ದಾನೆ.

ಸೊರಬ ಮೂಲದ ಶ್ರುತ್ಯರ್ಥ ಪಿ.ಜಿ. ಗೀತಾ ಕೆ ಮತ್ತು ಪಿ.ಎಚ್. ಜ್ಞಾನೇಶ್ವರ್ ದಂಪತಿಗಳ ಎರಡನೆಯ ಪುತ್ರ.ಈ ಪ್ರತಿಭಾವಂತ ಬಾಲಕ ಇಂಗ್ಲೀಷ್ ಪದ್ಯಗಳನ್ನು ನಿರರ್ಗಳವಾಗಿ ಹೇಳುವ ಮೂಲಕ ತನ್ನ ಸ್ಮರಣಾ ಪ್ರತಿಭೆಯಿಂದ ಗಮನ ಸೆಳೆದಿದ್ದಾನೆ. ದೇಶದ 14 ಮಹಾನ್ ವ್ಯಕ್ತಿಗಳು, 33 ಪ್ರಾಣಿಗಳು, 2 ಪಕ್ಷಿಗಳು, 8 ಸಮುದ್ರ ಜೀವಿಗಳು, 5 ಕೀಟಗಳು, 4 ಹೂವುಗಳು, 10 ತರಕಾರಿಗಳು, 14 ಹಣ್ಣುಗಳು, 16 ವಾಹನಗಳು, 11 ಬಣ್ಣಗಳು, 33 ವಿವಿಧ ವಸ್ತುಗಳು, 3 ಮರಗಳು, 10 ರಾಷ್ಟ್ರೀಯ ಚಿಹ್ನೆಗಳು, ತಿಂಗಳುಗಳ, ವಾರಗಳ ಹೆಸರುಗಳನ್ನು ಇಂಗ್ಲೀಷ್ ಮತ್ತು ಕನ್ನಡದಲ್ಲಿ, ಕನ್ನಡ ಮತ್ತು ಇಂಗ್ಲೀಷ್ 1 ರಿಂದ 15 ವರೆಗಿನ ಸಂಖ್ಯೆಗಳನ್ನು, ಎ ಇಂದ ಜಡ್ ವರೆಗೆ ಇಂಗ್ಲೀಷ್ ವರ್ಣಮಾಲೆ, 2 ಸಂಸ್ಕೃತ ಶ್ಲೋಕ, ದೇಹದ ವಿವಿಧ ಅಂಗಾಂಗಗಳ ಗುರುತಿಸುವಿಕೆ ಮುಂತಾದವುಗಳ ಸ್ಮರಣಾ ಶಕ್ತಿ ವಿಶೇಷವೆನಿಸಿದ್ದು ಹಲವರ ಪ್ರಶಂಸನೆಗೆ ಪಾತ್ರವಾಗಿದ್ದಾನೆ.

(ವರದಿ: ಮಧುರಾಮ್, ಸೊರಬ)

ಸುದ್ಧಿ ಹಾಗೂ ಜಾಹೀರಾತಿಗಾಗಿ ಸಂಪರ್ಕಿಸಿ: Whatsapp: 9008761663, 9481252093 – info@kalpa.news