ಊಹಾಪೋಹಕ್ಕೆ ತೆರೆ: ರಾಜಕೀಯ ಪ್ರವೇಶವನ್ನು ಅಧಿಕೃತಗೊಳಿಸಿದ ಡಾ. ಧನಂಜಯ ಸರ್ಜಿ

ಕಲ್ಪ ಮೀಡಿಯಾ ಹೌಸ್   |  ಶಿವಮೊಗ್ಗ  |

ಸರ್ಜಿ ಆಸ್ಪತ್ರೆಯ ಡಾ. ಧನಂಜಯ ಸರ್ಜಿ ಅವರು ರಾಜಕೀಯಕ್ಕೆ ಬರುತ್ತಾರಂತೆ, ಆ ಪಕ್ಷದಿಂದ ನಿಲ್ಲುತ್ತಾರಂತೆ, ಈ ಪಕ್ಷದಿಂದ ನಿಲ್ಲುತ್ತಾರಂತೆ… ಕಳೆದ ಕೆಲವು ದಿನಗಳಿಂದ ನಗರದಲ್ಲಿ ಇದೇ ಮಾತುಗಳು… ಆದರೆ, ಇವೆಲ್ಲ ಊಹಾಪೋಹಗಳಿಗೆ ಸ್ವತಃ ತೆರೆ ಎಳೆದಿರುವ ಡಾ. ಧನಂಜಯ ಸರ್ಜಿ Dr. Dananjaya Sarji ಅವರು ರಾಜಕೀಯ ಪ್ರವೇಶವನ್ನು ಅಧಿಕೃತಗೊಳಿಸಿದ್ದಾರೆ.

ಡಾ. ಧನಂಜಯ ಸರ್ಜಿ ಅವರು ತಮ್ಮ ಜನ್ಮದಿನದ ಹಿನ್ನೆಲೆಯಲ್ಲಿ ಸರ್ಜಿ ಕನ್ವೆನ್ಷನ್ ಹಾಲ್’ನಲ್ಲಿ ಅಭಿಮಾನಿಗಳು ಹಾಗೂ ಸರ್ಜಿ ಆಸ್ಪತ್ರೆಗಳ ಸಮೋಹ ಮತ್ತು ಸರ್ಜಿ ಕುಟುಂಬ ಆಯೋಜಿಸಿದ್ದ ಜನುಮದಿನದ ಸಂಭ್ರಮ ಸಮಾರಂಭದಲ್ಲಿ ಮುಕ್ತವಾಗಿ ಹಾಗೂ ಸಂತಸದಿಂದ ಹೇಳಿದ ಮಾತುಗಳಿವು.
ವೈದ್ಯ ಕ್ಷೇತ್ರದ ಸೇವೆಯ ಜೊತೆಗೆ ಜನಪರ ಹಾಗೂ ಸಾಮಾಜಿಕ ಕಳಕಳಿಯ ಕಾರ್ಯಕ್ರಮಗಳನ್ನು ಕನಸಿನೊಂದಿಗೆ ಹೆಜ್ಜೆ ಹಾಕುತ್ತೇನೆ. ಸಾಮಾಜಿಕವಾಗಿ ಜನಪರ ಕಾರ್ಯ ಮಾಡುವ ಬೆಟ್ಟದಷ್ಟು ಕನಸುಗಳಿವೆ. ಅವುಗಳು ಸಾಕಾರಗೊಳ್ಳಲು ಚುನಾವಣೆಯ ಸುತ್ತದ ರಾಜಕಾರಣವೂ ಬೇಕಲ್ಲವೇ ಎಂದು ಪರೋಕ್ಷವಾಗಿ ತಿಳಿಸಿದರು.

Also read: ಸೆ.15ರಂದು ಸಂಸ್ಕೃತಿ ಚಿಂತಕ ಗುರುರಾಜ ಪೋಶೆಟ್ಟಿಹಳ್ಳಿ ಸೇರಿ ಹಲವರಿಗೆ ‘ಬಸವನಗುಡಿ ವಿಪ್ರರತ್ನ’ ಪ್ರಶಸ್ತಿ ಪ್ರದಾನ

ನಾಲ್ಕು ಡಿ ಯಂತೆ ಕನಸು ದೊಡ್ಡದಾಗಿರಬೇಕು. ಚುನಾವಣಾ ಅಖಾಡಕ್ಕೆ ದುಮುಕಿ ಜನಪರ ಹಾಗೂ ಸಾಮಾಜಿಕ ಚಟುವಟಿಕೆಗಳಲ್ಲಿ ತಮ್ಮನ್ನು ತೊಡಗಿಸಕೊಳ್ಳಲು ಇಚ್ಚಿಸುತ್ತೇನೆ. ನಮ್ಮ ತಯಾರಿಗಳು ದೊಡ್ಡದಾಗಿರಬೇಕು. ತಂದೆಯ ಹೆಸರಿನ ಜೊತೆ ಗುರುತಿಸಿಕೊಂಡ ನನಗೆ, ಸಾಮಾಜಿಕ ಕಳಕಳಿಯ ಇಂತಹ ದೊಡ್ಡ ಕನಸು ಮೊಳೆಯಲು ಕಾರಣ ಎಂದು ಡಾ. ಸರ್ಜಿ ಹೇಳಿದರು.
ರಾಜಕೀಯ ಪ್ರವೇಶದ ಮೂಲಕ ಜನಪರ ಕಾರ್ಯದ ಉದ್ದೇಶ ಇರುವುದು ಸತ್ಯ. ಹಾಗೆಯೇ, ಇನ್ನೂ ಎಲ್ಲಿ, ಯಾವ ಪಕ್ಷದಿಂದ ಎಂಬುದು ನಿರ್ಧಾರವಾಗಿಲ್ಲ. ಮೋದಿ ಇಂತಹ ಆಸೆ ಮೊಳೆಯಲು ಪ್ರೇರಣೆ. ಚುನಾವಣೆಗಿನ್ನೂ ಸಮಯವಿದೆಯಲ್ಲವೇ ಎಂದು ಪರೋಕ್ಷವಾಗಿ ಬಿಜೆಪಿಯಿಂದ ಸ್ಪರ್ಧಿಸಲು ಗ್ರೀನ್ ಸಿಗ್ನಲ್ ದೊರೆತಿರುವುದನ್ನು ತಿಳಿಸಿದರು. ಕಾರ್ಯಕ್ರಮದಲ್ಲಿ ಡಾ. ಸರ್ಜಿ ಅವರ ಬಗ್ಗೆ ಅಭಿಮಾನದಿಂದ ಶಾಸಕ ಎಸ್. ರುದ್ರೇಗೌಡ್ರು, ಪಟ್ಟಾಭಿರಾಮನ್ ಹಾಗೂ ಇತರ ಗಣ್ಯರು ಆಗಮಿಸಿದ್ದರು.
ಸುದ್ಧಿ ಹಾಗೂ ಜಾಹೀರಾತಿಗಾಗಿ ಸಂಪರ್ಕಿಸಿ: Whatsapp: 9008761663, 9481252093 – info@kalpa.news